15-10-2012, 20:25

ავტორი: Jubo,

ნანახია: 3694,

კომენტარები: 116

კეთილი იყოს თქვენი მობრძანება RedArmy.ge-ზე!

რატომ გაკეთდა საიტი, რას გპირდებით მომავალში და რატომ აქვს თქვენს ჩვენსადმი თანადგომას უდიდესი მნიშვნელობა!

პირველ რიგში მოგესალმებით და მადლობას გიხდით, რომ გვიდგახართ გვერდით. ახლახანს, Redarmy.ge საბოლოოდ გაიმართა, საიტზე ყველანაირი სამუშაოები დასრულდა და გადავწყვიტე თქვენთვის ერთგვარი შემაჯამებელი სიახლე შემომეთავაზებინა. სტატიაში უფრო დაწვრილებით აგიხსნით, კონკრეტულად რა გაკეთდა საიტზე, რისი გაკეთება იგეგმება მომავალში, რას გპირდებით, რატომ უნდა აგვირჩიოთ ჩვენ და რატომ აქვს თქვენს ჩვენსადმი თანადგომას უდიდესი მნიშვნელობა.

რატომ გაკეთდა ეს საიტი?

მოგეხსენებათ, რომ საქართველოში "მანჩესტერ იუნაიტედის" ქართველ მხარდამჭერთა საიტებს შორის დიდი კონკურენციაა - მათმა რიცხვმა რამდენიმე დღის წინ უკვე სამს მიაღწია. რა თქმა უნდა ეს ხალხს არ სიამოვნებს და უჩნდებათ კითხვები: რატომ კეთდება ახალი საიტი, როცა უკვე არსებობს ერთი და ორი...
ახალი ამბავი არ არის, რომ წლების განმავლობაში საქართველოში მხოლოდ ერთი ასეთი საიტი არსებობდა და შესაბამისად ის დომინირებდა. ბოლო 2 წლის განმავლობაში, ნელ-ნელა ამ ვებ-გვერდზე საშინლად გაუარესდა სიახლეების ხარისხი, დიზაინის ვერცერთმა ვარიანტმა მომხმარებელი ვერ დააკმაყოფილა, ჰოსტინგი დროის დიდი ნაწილი გათიშული იყო, როცა ჩაირთვებოდა მაშინაც ვერ აკეთებდა წესიერად თავის საქმეს. იყო გვერდის გატეხვაც, სიახლეების რაოდენობის განახევრება და სხვა ბევრი წვრილმანი დეტალი, რამაც გამოიწვია ამავე საიტის რბილად რომ ვთქვათ ყველაზე გამოცდილი და ნაცნობი პირების უკმაყოფილება ადმინისტრაციის მიმართ. თვეების და წლების განმავლობაში იყო მიმართვები, რომ შექმნილიყო ნორმალური დიზაინი, გამოცვლილიყო და დაყენებულიყო შესაბამისი დონის ჰოსტინგი, გამოსწორებულიყო მენეჯმენტი და ა.შ. ამ თხოვნების დაუკმაყოფილებლობის შემდეგ ადმინისტრაციის დიდმა ნაწილმა და იმ პირებმა, რომლებიც წეღან მოგახსენეთ, გადავწყვიტეთ ერთხელ და სამუდამოდ შეგვექმნა წესიერი, გამართული და ყველა ქართველი "იუნაიტედის" ქომაგისთვის მოსაწონი საიტი. ახლა კი ზოგიერთების მხრიდან ისმის ჩვენი კრიტიკა, ზოგმა უკვე მოღალატე უწოდა სწორედ იმ ადამიანებს, რომლებმაც ის საიტი ააღორძინეს, დიმა სანაიას მიმართვა მათ: "სწორედ ისეთი მომხმარებლების ბრალია ამ საიტის ფსკერზე დაშვება, როგორებიც არიან ის ადამიანები ვინც ჩვენ მოღალატეებს გვიწოდებს !!! ჯერ პირი გამოირეცხეთ პატარა ბიჭუნებო და მერე გვაკადრეთ რამე... თქვენი წონა ენერგია მარტო ერთ სტატიაში მაქ ჩადებული !"

რა გაკეთდა საიტზე?

პირველ რიგში ალბათ ის შესანიშნავი დიზაინი უნდა ავღნიშნოთ, რითაც პირველივე დღეებში ასეთი დიდი წარმატება მოვიპოვეთ. რამდენიმე კვირით ადრე დავიწყეთ მოსამზადებელი სამუშაოები: დაიწერა გუნდის, "ოლდ ტრაფორდის", ფორმებისა და გერბის ისტორიები, ბიოგრაფიები, სრული ინფორმაცია მიუხენის ტრაგედიაზე და კიდევ ბევრი მსგავსი მნიშვნელობის სიახლე. მოკლედ რომ ვთქვათ, "იუნაიტედის" შესახებ ყველაფრის ნახვა ამ ერთ საიტზე შეგიძლიათ.
მოიძებნა და შეიკრიბა ამ საკითხში ყველაზე გამოცდილი ხალხი, შესაბამისად შეიქმნა უდიდესი გამოცდილების მქონე ადმინისტრაცია, რომლის წყალობითაც პირველივე დღეებში ასეთი დიდი პოპულარობა მოვიპოვეთ და ასეთი მაღალი ხარისხის სიახლეებით ვამარაგებთ ჩვენს მომხმარებელს. ასეთი თავდაუზოგავი მუშაობისთვის კიდევ ერთხელ ვუხდი დიდ მადლობას მათ!

რისი გაკეთება იგეგმება მომავალში?

მომავალში მომხმარებლისთვის არაერთი სიახლის შეთავაზებას ვგეგმავთ. საიტი კიდევ უფრო დაიხვეწება, აუცილებლად ჩატარდება სხვადასხვა სახის კონკურსები, მათგან ჯერ-ჯერბობით მხოლოდ ერთს მოგახსენებთ: ყოველთვიურად ჩატარდება კონკურსი, რომელიც გამოავლენს საუკეთესო სტატიას. შემდეგ ის სპეციალურად შექმნილ კატეგორიაში გადავა და 1 თვის მანძილზე მთავარ გვერდზე გამოყოფილ ადგილას დაიდება. ასევე ასრულდება "მანჩესტერის" ქართველი გულშემატკივრების დიდი ხნის სურვილი (ზოგისთვის ოცნება): მოეწყობა მასშტაბური შეკრებები და ერთად ვუყურებთ "იუნაიტედის" მნიშვნელოვან მატჩებს!

რას გპირდებით?

გპირდებით, რომ გავაგრძელებთ ისეთი ტენდენციით მუშაობას, როგორითაც დავიწყეთ. სისრულეში მოვიყვანთ ყველა იმ გეგმას, რომელიც წინა ნაწილში გაგაცანით. ყოველთვის გავითვალისწინებთ თქვენს რჩევებს, მოთხოვნებს და თხოვნებს. დაუნახავს არ დავტოვებთ თქვენს შრომას და აუცილებლად დაგიფასებთ მას. საიტზე დროულად დაიდება მიმოხილვები, სრული მატჩები და ყველა ის მნიშვნელოვანი ინფორმაცია რისთვისაც დააპირებთ შემოსვლას. ასევე მინდა ყველამ კარგად გაიაზროთ, რომ ეს საიტი არის თქვენთვის და არა რომელიმე ცალკეული პიროვნებისთვის შექმნილი. არ დავუშვებთ არავითარ შემთხვევაში რომელიმე თქვენთაგანი უკმაყოფილო დარჩეს. საიტზე იქნება მეგობრული დამოკიდებულება და არავითარ შემთხვევაში არ დავუშვებთ, რომელიმემ ამ გარემოს ხელი შუშალოს.

რატომ აქვს თქვენს ჩვენსადმი თანადგომას უდიდესი მნიშვნელობა?!

უკვე ყველასათვის ნათელია, თუ რამხელა პოპულარობა მოიპოვა ჩვენმა საიტმა გახსიდან პირველივე კვირაში. რა თქმა უნდა თქვენდამი მადლობის თქმის მეტი არაფერი გვეთქმის, მაგრამ დამიჯერეთ, იმ დიდი მიზნების მისაღწევად და იმ გეგმის განსახორციელებლად რომელზედაც უკვე გესაუბრეთ, გაათმაგებულად გვჭირდება თქვენი მხარში დგომა და აქტიურობა! საიტზე დარეგისტრირებული მომხმარებლების რაოდენობა უკვე საკმაოდ დიდია. საგრძნობლად იზრდება მათი რიცხვი ყოველდღე. მაგრამ რეგისტრაციასთან ერთად, სტატიების წაკითხვას და შესაბამისად კომენტარის სახით მათ შეფასებას გთოხვთ. პირადი გამოცდილებიდან გეუბნევით, უდიდესი სტიმულის მომცემია ის ფაქტი, როცა საკუთარ სიახლეზე ბევრ კომენტარს და შესაბამისად ბევრ საქებარ სიტყვებს ხედავ. მისაღები და სასიამოვნოა ადამიანური ენით ნათქვამი შენიშვნებიც. მოკლედ ყველას გთხოვთ, რომ ამ დღიდან, ამ წუთიდან დაგვიდგეთ გვერდში, იაქტიუროთ, წეროთ კომენტარები, აგზავნოთ სიახლეები. ყოველივე ეს დასაწყისი იქნება იმ დიდი მიზნების მიღწევისა, რომლებიც დასახული გვაქვს და რომლებსაც აუცილებლად მივაღწევთ!

სტატიები

116 კომენტარი

№21

ავტორი: R.v.Persie

15 ოქტომბერი 2012 21:34

სიახლეები: 220
კომენტარები: 431

Romchik,
Tamashis meore dges dadb xolme mimoxilvas pirdapir etershi 3nazevarze daiwyeba momvali kviridan chveni droit

_ _ _ _ _ _ _ _ _ _ _ _ _ _ _ _ _ _ _ _

“Impossible is just a big word thrown around by small men who find it easier to live in the world they've been given than to explore the power they have to change it. Impossible is not a fact. Impossible is not a declaration. It's a dare. Impossible is potential. Impossible is temporary. Impossible is nothing.”

№22

ავტორი: UTD-Rule

15 ოქტომბერი 2012 21:38

სიახლეები: 410
კომენტარები: 3668

პირველ რიგში ალბათ ის შესანიშნავი დიზაინი უნდა ავღნიშნოთ, რითაც პირველივე დღეებში ასეთი დიდი წარმატება მოვიპოვეთ. საიტის დამმარსებელმა გიორგი ქონიაშვილმა ჯერ კიდევ 2 თვით ადრე დაიწყო მასზე მუშაობა

უმშვენიერესი და ყველანაირად გამართული დიზაინი +1 love

_ _ _ _ _ _ _ _ _ _ _ _ _ _ _ _ _ _ _ _ "შენ შეიძლება იპოვო ახალი ბექემი ან რონალდო,მაგრამ ვერასოდერს იპოვი სერ ალექსის შემცვლელს. " - ერიკ კანტონა

№23

ავტორი: Robin Van Persie )))

15 ოქტომბერი 2012 21:45

სიახლეები: 0
კომენტარები: 87

კარგია მომწონს მარა ერთი ესეც რო გავაკეთოთ ესეთი რამე ყველა მომხმარებელი უსერი პუბლი?შერი ადმინი ტუ რაც იქნებაა გამოვთქვათ ჩვენი აზრი და შევაჯამოთ მერე ბევრს ექნება კარგი აზრი გავაკეთოთ საფეხბურთო გუნდი შევხვდეთ სხვა საიტებს და ასეშემდეგ როგორც იცით ჰაქსბოლიც ცნობილია და გავაკეთოთ ჰახბოლის ჯგუპი ვუყურპთ ერთად მატჩებს და კარგადაც გავერთობით და ბევრს ხალხსაც მოიზიდავს დამიჯერეთ ეს იქნება საუკეთესო რამეე საიტზეე სხვადასხვა რაგაცეები გავაკეთოთ რა :)

_ _ _ _ _ _ _ _ _ _ _ _ _ _ _ _ _ _ _ _ Believe

№24

ავტორი: giochinio

15 ოქტომბერი 2012 21:48

სიახლეები: 6
კომენტარები: 223

საღოლ ტქვენ მაგრად აამუშავეთ საიტი და არმატებები

№25

ავტორი: VaRdo

15 ოქტომბერი 2012 21:50

სიახლეები: 78
კომენტარები: 5516

Robin Van Persie ))),

ყველაფერი იქნება ძმაო : )) ერთიანად ესე სწრაფად ვერ სამწუხაროდ. მაგრამ თქვენს მოთხოვნებს დავაკმაყოფილებთ. მთაარია მომხმარებლების რაოდენობა. თუ ეს პრობლემა არ იქნება სერიოზული მუშაობა წავა

_ _ _ _ _ _ _ _ _ _ _ _ _ _ _ _ _ _ _ _ “რომ არა კონტროლი, გასახდელში მყოფი 11 მილიონერი აუცილებლად შეეცდებოდა იმქვეყნად გავესტუმრებინე, მაგრამ ახლა ყველამ იცის, რომ თუ ჩემი კონტროლის ფარგლებს მიღმა გავა, იმქვეყნად თავად
გაემგზავრება…” SAF

№26

ავტორი: Robin Van Persie )))

15 ოქტომბერი 2012 21:55

სიახლეები: 0
კომენტარები: 87

VaRdo,
კიი მართალია აბა დღეს და ხვალ ეს ვერ მოხერხდება მჯერა ამ საიტის

ყველაა მანუს საიტი რო გაერთიანდეს ხო ვიქნებით საქართველოში პირველი ფან კლუბი ეეჰ

_ _ _ _ _ _ _ _ _ _ _ _ _ _ _ _ _ _ _ _ Believe

№27

ავტორი: VaRdo

15 ოქტომბერი 2012 21:56

სიახლეები: 78
კომენტარები: 5516

ციტატა: Robin Van Persie )))

ყველაა მანუს საიტი რო გაერთიანდეს ხო ვიქნებით საქართველოში პირველი ფან კლუბი ეეჰ

ეგ მრავალი მიზეზის გამო ყოვლად შეუძლებელია : )) ჩვენ არავისთან ვერთიანდებით ჩვენი მიზნები გვაქვს და ვისაც უნდა შემოგვიერთდეს რომელ ისაიტიდანაც სურთ :)

№28

ავტორი: sLipa ;x

15 ოქტომბერი 2012 21:59

სიახლეები: 63
კომენტარები: 213

თქვენთან ვარ ყველანაირად .. მინდა ერთი ასე ვთქვათ პროექტის მაგვარი წამოწყება შემოგთავაზოთ სადმე მთავარ გვერდზე რო განათავსოთ კატეგორია "თხოვნები" და მომხმარრებელს ქონდეს შესაძლებლობა მოითხოვონ რაღაც რაღაცეები ..

№29

ავტორი: S.A.F.

15 ოქტომბერი 2012 22:00