თბილისი:
მანჩესტერი:
12-08-2019, 22:02
ავტორი: RojoDiablo,
ნანახია: 2450,
კომენტარები: 38
#MUNCHE. სტარტი, ყურადღება, განადგურება!
ტაქტიკური განხილვა.
#MUNCHE. სტარტი, ყურადღება, განადგურება!
იცით, როგორ ხდება - თითქოსდა მატჩის გეგმა შეადგინე, შემადგენლობის შერჩევაშიც არ შემცდარხარ, მომენტებს ქმნი, მაგრამ ბურთი კარში არ შედის. მოწინააღმდეგეს კი ყველაფერი ერთი ადგილისკენ მიექანება, ბურთს ვერ იჭერენ, მერე კი უცებ ბახ! ერთი შეცდომა და გოლი. და შემდეგ - ფლობ ინიციატივას, მომენტებს ქმნი, მაგრამ შენს მხარეს - ბურთი ხვდება ძელს, მოწინააღმდეგის მხარეს კი - გოლი გადის და თანაც სულელური რიკოშეტის შემდეგ. და სულ ეგ არის - მერე წავიდაა. არადა, კარგად ითამაშა, მაგრამ ტაბლოზე - 4:0. იცოდით? ფრენკ ლამპარდმა კი იცოდა.

#MUNCHE. სტარტი, ყურადღება, განადგურება!


ბედმა კვლავ გაუღიმა სულშერსა და მის გუნდს. "ეშმაკებმა" მატჩი ცუდად დაიწყეს - პენალტამდე გუნდს არაფერი გამოსდიოდა. შესვენების შემდეგაც იგივე ხდებოდა - გოლის გაშვებამდე "ჩელსი" ფლობდა ინიციატივას, "იუნაიტედი" უფრო წვალობდა, ვიდრე თამაშობდა. კარში დარტყმული ხუთი ბურთიდან ოთხი გოლად იქცა - მათი ნახევარი კი შეიძლებოდა არც ყოფილიყო გოლი, რომ არა "ლურჯების" ფეხბურთელებისგან რიკოშეტით კარში გადაგზავნილი ბურთი. საქებარი რეალიზაციაა!

დაძაბულობას იწვევს არა გუნდის მოგება იღბლის ხარჯზე ("ჩელსის" დამარცხება ყოველთვის სასიამოვნოა), არამედ გუნდის თამაშში ცვლილებების პრაქტიკული არ არსებობა. ტონობით შეცდომა მოკლე და საშუალო პასებში, უამრავი გაუგებარი გადაცემა უმისამართოდ. მარჯვენა ფლანგის ტოტალური იმპოტენცია - თუმცა, ბურთის მოძრაობის მხრივ არც მარცხენა ჩამორჩებოდა. პრესინგის სურვილი, მაგრამ მოქმედებისას შერწყმის არ არსებობა. დროდადრო "იუნაიტედი" წინა მწვრთნელის ნიშნებს ავლენდა, რაზეც ლინეკერმა იხუმრა: "ოლდ ტრაფორდზე" ყოფნისას ეს მოურინიოს საუკეთესო მატჩი იყო" (ჟოზე პრეს-ლოჟაში იჯდა Sky Sports-ის ექსპერტის სახით).

#MUNCHE. სტარტი, ყურადღება, განადგურება!


რაღაც მართლა შეიცვალა: პრესინგის სურვილს შესაძლებლობაც დაემატა. წინასასეზონო ტურნეზე ფიზიკურ მომზადებაზე გაკეთებული აქცენტის ხარჯზე გუნდს საშუალება მიეცა (განსაკუთრებით შემტევებს) დაუღლელად იმოძრაონ მოედანზე და ძალები შეინარჩუნონ მატჩის ბოლო წუთებისთვის. პენალტი პედროსთვის ბურთის წართმევის შემდეგ იქნა მოპოვებული და დანარჩენ გოლებსაც უძღოდა წინ თავდამსხმელთა ჩარბენები საკუთარი მოედნიდან. სოლსკიაერმა პირობა შეასრულა - გუნდი სირბილისა და შეცდომის გამო მეტოქის დასჯისთვის მზად არის.

მაგრამ რის ფასად? ამ მატჩისგან ისეთი შთაბეჭდილება შეიქმნა, თითქოს გუნდი ახლა ასრულებდეს სეზონს. ფეხბურთელები მძიმედ მოძრაობდნენ და მატჩის რიტმს ვერ გრძნობდნენ - სხვაგვარად ვერ ავხსნი შეცდომათა ასეთ რაოდენობას. პრემიერ ლიგის ვარსკვლავები გადაცემებისა და ბურთის მიღების დროს ისეთ შეცდომებს უშვებდნენ, თითქოს დაბალი დონის გუნდის შემადგენლობაში თამაშობდნენ. კვლავ უსიამოვნო ფლეშბექი და ოლეს ზურგს უკან ჩარჩენილი პორტუგალიელი სპეციალისტის ჩრდილი.

ფრაზა "როდის ისწავლის "იუნაიტედი" მარჯვენა ფლანგიდან შეტევას" თავისუფლად შეიძლება ჩაითვალოს "როდის ისწავლის ვირი ხეზე" ასვლას ფრაზის სინონიმად. სოლსკიაერმა უცნაური არჩევანი გააკეთა - ძირითადში პერეირა გამოვიდა. სხვათაშორის, პირველი 20 წუთის განმავლობაში პერეირა შემტევი ნახევარმცველის პოზიციაზე თამაშობდა, ხოლო მარჯვნივ (თუმცა რა მარჯვნივ, "მარჯვნივ") ლინგარდი მოგვევლინა, რომელთაც მოგვიანებით ადგილები გაცვალეს. ვფიქრობ, ჩანაფიქრი იყო მუდმივი როტაცია (რეშფორდი-მარსიალის წყვილი მარცხენა ვინგერი-ცენტრფორვარდის პოზიციებზე), მაგრამ სინამდვილეში ორივე მათგანი ცენტრში დაძრწოდა და ხშირად ანაცვლებდა ერთმანეთს, რის გამოც ვან-ბისაკას ემერსონისა და ბარკლის ლუკმად ტოვებდა (აარონს დამწუხრებული, მაგრამ თანაგრძნობითა და გაგებით უყურებს ლუკ შოუ).

#MUNCHE. სტარტი, ყურადღება, განადგურება!

ჟირუ მიანიშნებს პულისიჩს, რომ ემერსონი გახსნილია. მომენტი დასრულდება დე ხეას სეივითა და კუთხურით.


ემერსონის სრული თავისუფლება აისახა .59 xG-სა და ძელისთვის გარტყმაში - ცუდი არ არის მარცხენა მცველისთვის! (თვალწინ ისევ ლუკ შოუ მიდგას, მაგრამ ამჯერად დამწუხრებული სახე უკვე მე მაქვს). მხოლოდ სასწაულმა (და დავიდ დე ხეამ) იხსნა გუნდი გოლისგან. თავის როლში გაურკვევლობის გამო პერეირა ვერც დაცვას დაეხმარა და ვერც შეტევაში აკეთებდა ვერაფერს - ბრაზილიელი თანაგუნდელებთან (შეცვლაზე შესულების გამოკლებით) შედარებით ყველაზე იშვიათად ეხებოდა ბურთს და 76 წუთის განმავლობაში სულ 15 გადაცემა გააკეთა (11 ზუსტი, 1 საგოლე).

მაგრამ ანდრეას საკადრისი უნდა მივუზღოთ - ზუმას დაუსხლტა და მაგრად ჩააწოდა, შედეგი საჭირო დროს დადო. მაგრამ ფლანგზე პერეირას გამწესების ექსპერიმენტი და 4-2-3-1 სქემა საერთო ჯამში მაინც წარუმატებლად უნდა ჩაითვალოს და მეტჯერ (ან იქნებ არასოდეს) აღარ უნდა განმეორეს. პირადად მე უფრო საინტერესოდ და სიცოცხლისუნარიანად კლასიკური ვინგერის როლზე ჯეიმსის ვარიანტი მიმაჩნია, რომელიც სივრცეებს შექმნის და დაცვასაც დაეხმარება.

#MUNCHE. სტარტი, ყურადღება, განადგურება!


მინდა, მაგუაირი შევაქო. ჰარიმ შესანიშნავი მატჩი ჩაატარა და 100%-ით დაიმსახურა მატჩის საუკეთესო ფეხბურთელის წოდება სქაის ვერსიით. "იუნაიტედის" გულშემატკივრებმა რეშფორდი აირჩიეს - გასაგებიცაა, ვინც მეტი გაიტანა, ის არის ყოჩაღი, მაგრამ მარკუსმა ნახევარი მატჩი უელბეკი აკეთა (რეალიზაციის გამოკლებით), ხოლო ჰარი კარგი იყო როგორც დაცვაში, ისე - ბურთის ფლობისას. 7 ამოტანა (მათგან 5 - საჰაერო), 4 წართმევა, 2 ბლოკი. შესანიშნავი პერფორმანსი. უბრალოდ შეხედეთ, როგორ ძალადობდა ასპილიკუეტაზე მთელი 52 წუთის განმავლობაში! სიტყვას მოყვა და, ჰარის წართმევას პერსპექტიული კონტრშეტევა მოჰყვა, რისი ჩაშლაც ჟორჟინიოს ყვითელ ბარათად დაუჯდა.

ჰარის მიერ კიდევ ერთ წართმეულ ბურთს მოჰყვა კონტრშეტევა, რომელიც მარსიალმა გოლად აქცია. ჰარიმ აბრაჰამის წინააღმდეგ ძიუდოს რომელიღაც ილეთს მიმართა და ინგლისელს შანსი არ დაუტოვა - შოკირებული ტემი მაშინვე ჟირუთი ჩაანაცვლეს. ფატალიტი! ჰო, მართლა, მიაქციეთ ყურადღება იმას, რომ აბრაჰამი "ჩელსის" პოზიტიური შეტევების დროს მიწებებულივით დასდევდა მაგუაირს? რატომ უნდა ამოუდგე გვერდით ერთ-ერთ ნახევარმცველს, როცა შეგიძლია, მათ შორის გაიხსნა? გამოცანა სფეროდან "რატომ უნდა აირჩიო ზაა და მანე ფენტეზის პირველ ტურში, როცა მათ წინასასეზონო ტურნე არ ჩაუტარებიათ..."

პარდონ, სხვაგან გადავერთე, ჩვენ კი აქ ხოტბას ვასხამთ მაგუაიერს. ჰარი ძალიან მომეწონა. ვან-ბისაკამ კარგი მატჩი ჩაატარა (6/7 წართმევა, 3 ჩაჭრა, 5 ამოტანა), ხოლო მაგუაირი - უბრალოდ შესანიშნავი იყო. იქ მარტო იტევას იმ ყველაფერს, რაც კარგია სმოლინგსა და ჯონსში. მრავალი წლის განმავლობაში პირველად ვუყურებდი "იუნაიტედის" ცენტრალურ დაცვას და მშვიდად ვიყავი. თმა ყალყზე არ მიდგებოდა ყოველ ჯერზე, როცა რომელიმე მათგანი მიიღებდა ბურთს. შიშისგან არ მეკუმშებოდა გული, როცა მოწინააღმდეგე ჩვენი კარისკენ მოიწევდა. რა თქმა უნდა, ვიდიჩი-ფერდინანდის დუეტამდე ვიტასა და ჰარის ბევრი უკლიათ. მაგრამ გარკვეული ოპტიმიზმის ქონის საშუალებას სტარტი უკვე გვაძლევს.

#MUNCHE. სტარტი, ყურადღება, განადგურება!


მიუხედავად ანგარიშისა, "ჩელსი" კარგად გამოიყურებოდა. გაცილებით უკეთ, ვიდრე "იუნაიტედი" პოზიციურ შეტევებში - "ეშმაკებს" ამ ასპექტში კვლავ პრობლემები აქვთ. არ გამიკვირდება, თუ სეზონის ბოლოს "ლურჯები" უფრო მაღალ ადგილს დაიკავებენ ცხრილში. "იუნაიტედი" კარგია კონტრშეტევებში, მაგრამ მთელი სეზონი ასე ვერ ითამაშებ, ადრე თუ გვიან "ბარნლის" მსგავს გუნდებთან ავტობუსების გარღვევა მოგიწევს.

P.S. ცალკე გამოხატვას იმსახურებს მნიშვნელოვანი ფაქტი - "იუნაიტედმა" პრემიერ ლიგის გუნდებს შორის ყველაზე ახალგაზრდა შემადგენლობა დააყენა. მაისში გავიგებთ, 2020 წელსაც შეიძლება თუ არა რამის მოგება ბავშვებით.

#MUNCHE. სტარტი, ყურადღება, განადგურება!


ავტორი: ალექსანდრ კუზნეცოვი
სტატიები
38 კომენტარი
№31
ავტორი: bziki
13 აგვისტო 2019 13:56
  • სიახლეები: 0
  • კომენტარები: 1429
აჰაა თუ განხილვაა განხილვა იყოს:D:D:D:D
დაცვა დალაგდა ყველანაირი გაგებით,კიდევ უფრო შეთამაშდებიან.სტანდარტებზე აღარ მეშინია არც პოზიციური შეტევისას.
ნახევარდაცვა ტაქტიკურად თუ ინდივიდუალურად რო განიხილო არ იმსახურებს დადებით შეფასებას.
პერეირა საერთოდ გასაშვები იყო არაა მანჩესტერის დონის რამდენი ხანიც გინდა გავიდეს და ფორმაში შევიდეს მაინც ხვრელი იქნება ცენტრში.არც სისწრაფე აქ არც პოზიციურადაა ძლიერი ართმევაზეც სუსტია,უბურთოდ თამაში არ იცის,ორთაბრძოლებშიც სუსტია.
პასი კი იცის არც აგვიანებს პასს და სიზუსტეც მშვენიერი აქ,მოედნის ხედვაც აქ თამაშსაც გრძნობს როცა ბურთით ჩვენ ვართ მარა ბურთით ჩვენ 30% ვართ.
პოგბას თამაში კიდე გაუმჯობესდება მთელმა მსოფლიომ იცის რა შეუძლია პოლს სეზონი რო გახურდება უფრო შევა რიტმში.
მაკტომინეი ტოვებს განვითარების პერსპექტივას,მონდომება და ჟინი აქ,მანჩესტერის ხასიათი აქ,კლასი არ აქო ვერც მაგას იტყვი დრო უნდა მიიღებს გამოცდილებას.

პოზიციური შეტევა დასახვეწია ცდილობდნენ რამდენიმე კომბინაციის გათამაშებას რეში და მარსიალი შეთამაშების ამბავია მოუმატებენ კიდევ.
ლინგარდიც მომწონს მე პირადად.ბევრს მოძრაობს უბურთოდ და ბურთითაც სწრაფად ადის კონტრზე.

ჩემი აზრია რო პერეირას მაგივრად მატიჩი დააყენოს ბევრად უკეთესი იქნება.
შტევითი პოტენციალი ცოტა მოიკლებს მარა მეტ სტაბილურობას შეგვძენს პოგბაც უფრო თავისუფლად იქნება და ლინგარდიც

ყველა ხარვეზი რაც იყო საჭირო კადრების არ ყოლის გამო 2 კაცი გვაკლია:)
პოგბას საყრდენობა და +ლინგარდი 10ზე თუ უნდა ჩამშლელია საჭირო მაკტომინეიზე კარგი მითუმეტეს რო პოგბაც არაა დაცვაში სტაბილური
ლინგარდი პერეირას ადგილების ცვლა არ იყო ცუდი მარა პერეირა სუსტია უბურთოდ და დისბალანსს იწვევდა.
ჯობია ისევ 10 იანზე თქვას უარი და 4 3 3 ზე გადავიდეს ეგ უფრო შეგვიძლია სასტავიდან გამომდინარე,
პოგბაზე უნდა ააგოს თამაში და არა ლინგარდი- პერეირაზე
0
№32
ავტორი: Lalana
13 აგვისტო 2019 13:57
  • სიახლეები: 22
  • კომენტარები: 1483
ციტატა: bziki
ჩემი აზრია რო პერეირას მაგივრად მატიჩი დააყენოს ბევრად უკეთესი იქნება.
შტევითი პოტენციალი ცოტა მოიკლებს მარა მეტ სტაბილურობას შეგვძენს პოგბაც უფრო თავისუფლად იქნება და ლინგარდიც

კომენტარის დანარჩენ ნაწილში გეთანხმები,მაგრამ მატიჩთან დაკავშირებით არ ვიცი რამდენად მართებული იქნება.ჩემი აზრით ცენტრი მაგ მხრივ უფრო დამძიმდება და თუ გავითვალისწინებთ რა სტილითაც ვთამაშობთ უფრო მოძრავი ნახევარდაცვაა საჭირო.თან წინასასეზონოთ მატიჩმა მთლად კარგი თამაში ვერ აჩვენა და გადაცემების სიზუსტეშიც მოიკოჭლებდა.მაგრამ შეიძლება ფრედისა და მატიჩის ცდა და ცოტა წინ პოგბა,მაგრამ ამ შემთხვევაშიც ვფიქრობ ბურთის დაჭერა გაგვიძნელდება და ამაზე ოპტიმაური ვარიანტი მატიჩი-პოგბა და წინ მატა იქნება.ამ შემთხვევაში კრეატივსაც შეიძენს გუნდი და უფრო მეტადაც შეძლებენ ბურთის დაჭერასაც,უბრალოდ საჭიროა მატიჩი ფორმაში შევიდეს.
0
№33
ავტორი: bziki
13 აგვისტო 2019 14:05
  • სიახლეები: 0
  • კომენტარები: 1429
Lalana
ათიანით უნდა რო ითამაშოს,მარა არც პოგბაა იდეალური ორ საყრდენიან წყობაში და არც მაკტომინეი.
პოგბაც და სტოკიც ბოქსთუბოქსები არიან მთლიან ცენტრს ვერ დაიჭერენ მითუმეტეს სიტისნაირ მონტრთან,ჯობია ისევ 4 3 3 ცადოს მანდ პოგბაც უკეთესია და სტოკიც როცა უკან ერთი კაცი უდგათ უფრო ამწვავებენ.
0
№34
ავტორი: Lalana
13 აგვისტო 2019 14:12
  • სიახლეები: 22
  • კომენტარები: 1483
ციტატა: bziki
Lalana
ათიანით უნდა რო ითამაშოს,მარა არც პოგბაა იდეალური ორ საყრდენიან წყობაში და არც მაკტომინეი.
პოგბაც და სტოკიც ბოქსთუბოქსები არიან მთლიან ცენტრს ვერ დაიჭერენ მითუმეტეს სიტისნაირ მონტრთან,ჯობია ისევ 4 3 3 ცადოს მანდ პოგბაც უკეთესია და სტოკიც როცა უკან ერთი კაცი უდგათ უფრო ამწვავებენ.

გეთანხმები,მაგრამ მგონი ოლე უფრო 4-2-3-1ის წყობას ანიჭებს უპირატესობას.ათაიანზე რომ პოგბა დადგეს მთლიანად ჩაგდებული იქნება ცენტრი,რადგან არც მაკტომინაია ისეთი ფეხბურთელი რომელიც ბურთს დაიჭერს და არც დიდად მატიჩი,თან პოგბა უფრო სიღრმიდან არის გამოსადეგი,მისი გამჭოლი პასები საჭიროა და ათიანის პოზიციაზე მთლად მოხერხებულად ვერ იგრძნობს თავს.თუ ათიანზე ვინმე დადგება,ჩემი აზრით ამ შემადგენლობით შეიძლება სანჩესმა დაიკავოს ეს ადგილი ან მატამ,რომელიც შემდეგ ლინგარდსაც გაუცვლის პოზიციას.4-3-3ის სისტემაში კი პოგბა მშვენიერია მარცხენა ნახევარმცცველის პოზიციაზე,უფრო მეტი თავისუფლება ეძლევა მაგ წყობაში.
0
№35
ავტორი: bziki
13 აგვისტო 2019 14:21
  • სიახლეები: 0
  • კომენტარები: 1429
Lalana
4 3 3 ში პოგბაც კაია და მაკტომინეიც,უბრალოდ კარგი ჩამჩლელი გვინდა გინდ ბუსკეცის გინდ მაკელელს სტილის,მატიჩი მართლა დაბერდა აგვიანებს პასსაც და მოძრაობის დაწყებასაც.
დეკლან რაისმა თუ პროგრესი გააგრძელა 80 მილიონადაც უნდა მოიყვანონ შარშან კარგი სეზონი ქონდა კიდე თუ მოუმატა სერიოზული ცენტრი დადგება.
0
№36
ავტორი: Lalana
13 აგვისტო 2019 14:25
  • სიახლეები: 22
  • კომენტარები: 1483
ციტატა: bziki
Lalana
4 3 3 ში პოგბაც კაია და მაკტომინეიც,უბრალოდ კარგი ჩამჩლელი გვინდა გინდ ბუსკეცის გინდ მაკელელს სტილის,მატიჩი მართლა დაბერდა აგვიანებს პასსაც და მოძრაობის დაწყებასაც.
დეკლან რაისმა თუ პროგრესი გააგრძელა 80 მილიონადაც უნდა მოიყვანონ შარშან კარგი სეზონი ქონდა კიდე თუ მოუმატა სერიოზული ცენტრი დადგება.

შეიძლება ზამთარშივე დაიმატონ ჩამშლელი.ნახავენ როგორ წაუვათ საქმე.მაგ პოზიციაზეც აშკარად გვჭირდება გაძლიერება.ჩამშლელის პოზიციისთვის რუბენ ნევეშიც ძაან მომწონს ვულვზიდან.ძალიან კარგი ბიჭია,მაგრამ ვფიქრობ მაინც რაისზე გააკეთებენ არჩევანს და არც ეგაა ცუდი ბიჭი,მთავარია ერთსეზონიანი არ გამოდგეს და კიდევ უფრო მოუმატოს.
0
№37
ავტორი: bziki
13 აგვისტო 2019 14:33
  • სიახლეები: 0
  • კომენტარები: 1429
მაგუაერის გავლენაც არის 2 საყრდენზე გადასვლის.
ლინდელოფსაც და მაგუაერსაც შეუძლიათ ბურთის ამოტანა და ჩამშლელი მოხსნა.
სიტის,რეალს,ლივერს და ყველა გრანდს ყავს კარგი ბურთის ამომტანი მცველები მაგრამ ჩამლელი მაინც ყველას ყავს ძნელია დღევანდელ ფეხბურთში 2 ცენტრით გაქაჩო მითუმეტეს რეალს კროოსი-მოდრიჩი ყავდა მარა კაზემიროს გარეშე დისბალანსი ქინდათ,არადა ბევრჯერ ცადა ზიდანმაც 2 საყრდენი და ისკო 10 იანზე.საფრანგეთს სართოდ კანტე ყავდა მარა მესამე ცენტრს მაინც იყენებდნენ
0
№38
ავტორი: Lalana
13 აგვისტო 2019 14:46
  • სიახლეები: 22
  • კომენტარები: 1483
ციტატა: bziki
მაგუაერის გავლენაც არის 2 საყრდენზე გადასვლის.
ლინდელოფსაც და მაგუაერსაც შეუძლიათ ბურთის ამოტანა და ჩამშლელი მოხსნა.
სიტის,რეალს,ლივერს და ყველა გრანდს ყავს კარგი ბურთის ამომტანი მცველები მაგრამ ჩამლელი მაინც ყველას ყავს ძნელია დღევანდელ ფეხბურთში 2 ცენტრით გაქაჩო მითუმეტეს რეალს კროოსი-მოდრიჩი ყავდა მარა კაზემიროს გარეშე დისბალანსი ქინდათ,არადა ბევრჯერ ცადა ზიდანმაც 2 საყრდენი და ისკო 10 იანზე.საფრანგეთს სართოდ კანტე ყავდა მარა მესამე ცენტრს მაინც იყენებდნენ

რეალის შემთხვევაში ზიდანი უმეტეს წილად ფლანგებს იყენებდა და მასელო და კარვახალი ხშირად ადიოდნენ შეტევაში,კაზემირო კი ამ შემთხვევაში მესამე მცველის პოზიციაზე იდგდა რომ ბალანსი შეენარჩუნებინათ და მთლად მოშიშვლებული არ ყოფილიყო დაცვა.რაც შეეხება სიტის,ფერნანდინიო უფრო სვიპერის პოზიცის მოთამაშე იყო,რომელიც ტოტალური ფეხბურთის განუყოფელი ნაწილია.აი ჩვენ თუ ასე განვაგრძეთ თამაში და ძლიერ გუნდებთან მეორე ნომრად ვითამაშეთ,მაშინ აუცილებელი გახდება სიღრმიდან კარგი ბურთის ამომტანი,რადგან კონტრშეტევის დროს საჭიროა მოწინააღმდეგის შეტევის ჩაჭრისას სწორი და სწრაფი გადაცემები გაკეთდეს.ამ მხრივ კარგი მცველები გვყავს,მაგრამ ჩამშლელსაც იმდენჯერ მოუწევს მცველების დაზვევა რომ ამ შემთხვევაში ჩამშლელსაც აუცილებლად ჭირდება ეგ კომპონენტი.
0

ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.

ავტორიზაცია

მომდევნო მატჩები

23 ნოემბერი 2019, 18:00
შეფილდი
იუნაიტედი
პრემიერ ლიგა
28 ნოემბერი 2019, 19:50
ასტანა
იუნაიტედი
ევროპა ლიგა
30 ნოემბერი 2019, 19:00
იუნაიტედი
ასტონ ვილა
პრემიერ ლიგა
შეფილდი23 ნოემბერი
ასტანა28 ნოემბერი
ასტონ ვილა30 ნოემბერი
SportsRecents.com

შემოგვიერთდი

წინა მატჩები

10 ნოემბერი 2019, 18:00
იუნაიტედი3
ბრაიტონი1
პრემიერ ლიგა
7 ნოემბერი 2019, 23:59
იუნაიტედი3
პარტიზანი0
ევროპა ლიგა
2 ნოემბერი 2019, 16:30
ბორნმუთი1
იუნაიტედი0
პრემიერ ლიგა
ბრაიტონი10 ნოემბერი
პარტიზანი7 ნოემბერი
ბორნმუთი2 ნოემბერი

პრემიერ ლიგა

დამალვა
ვიდეო პორტალი
ყველა უფლება დაცულია

© MANUTD.GE 2012

Top