სამთვიანი ლოდინის შემდეგ პრემიერ ლიგა ბრუნდება, ალბათ არ გადავაჭარბებთ თუ ვიტყვით, რომ სამწლიანი პაუზის შემდეგ "იუნაიტედიც" ბრუნდება, სწორედ ამ შანსებს შეაფასებს Manchester Evening News მოცემულ სტატიაში.

მთავარი მოვლენები:

– პირველი მანჩესტერული დერბი 10 სექტემბერს, 15 ოქტომბერს კი შეხვედრა "ლივერპულთან".

– მოურინიოსა და მისი ყოფილი გუნდის დაპირისპირება "ლივერპულთან" გამართული მატჩიდან 1 კვირაში, 22 ოქტომბერს გაიმართება. მეორე წრეში შეხვედრა "ოლდ ტრაფორდზე" აპრილში გაიმართება.

– იანვარში "იუნაიტედს" საშინაო მატჩი ელოდება "ლივერპულთან", თებერვალი კი უკვე დაძაბულობას გვპირდება "სიტისთან" და "ლესტერთან" გამართული საგარეო მატჩებით.

– მაისში კვლავ რთული შეხვედრები, მანჩესტერი ლონდონის სამ კლუბს- "არსენალს", "ტოტენჰემსა" და "კრისტალ პალასს" დაუპირისპირდება.

ბოლო შანსი – როხო და მემფისი.

მემფის დეპაი და მარკოს როხო ის ორი ფეხბურთელია, რომელთაც ყველაზე უფრო მეტად მართებთ თავის გამოჩენა ახალ სეზონში. ორივე მათგანი ვან გაალის შენაძენია და არ უნდა ველოდოთ მათთვის ბევრი შესაძლებლობის მიცემას მოურინიოსგან, მათ ის მცირედი შანსები უნდა გამოიყენონ, რომლებიც აუცილებლად ექნებათ სეზონის მიმდინარეობისას. მათ კარგად იციან- ან ამ სეზონში, ან არასდროს.



ვის მივადევნოთ თვალყური – იბრაჰიმოვიჩი, პოგბა, ვალენსია.

პოგბა სარეკორდო თანხად შეძენილი ზლატანი კი პირიქით, უფასოდ. ორივე ფეხბურთელი მთავარ როლს ითამაშებენ წლევანდელ სეზონში.

ვალენსია ბოლო სეზონებში ვერ ბრწყინავს, მაგრამ წინასასეზონო თამაშებიდან გამომდინარე ეკვადორელი საოცარ ფორმაშია, თუ ის ამ ფეხბურთს სტაბილურად ითამაშებს, მაშინ ვალენსია მოურინიოს სასიამოვნო სიურპრიზად მოევლინება.

ახალგაზრდა ფეხბურთელი, რომელსაც შეუძლია თავის გამოჩენა.

ეს ფეხბურთელი თავისუფლად შეიძლება იყოს რეშფორდი, ფეხბურთელი რომელიც საუკეთესო იყო გასული სეზონის მეორე წრეში, ამასთან მან ევროპის ჩემპიონატზეც ითამაშა და გაცემული წუთები შესანიშნავად გამოიყენა, მაგრამ ახალი სეზონი ნამდვილ წარმატებად შეიძლება და უნდა გამოდგეს ჯესი ლინგარდისათვის, რომელმაც ორი უმნიშვნელოვანესი გოლი გაიტანა "უემბლიზე".



ბევრი თვლის, რომ ლინგარდის გულმოდგინება და სისწრაფე ეხამება მოურინიოს სტილს და ინგლისელი აუცილებლად იქნება "იუნაიტედის" სასტარტოში.

სეზონის პროგნოზი:

პირველი ადგილი. მოურინიოსა და ფეხბურთელების წინაშე სწორედ ეს ამოცანა დგას, თანაც მაშინ, როცა გუნდში პოლ პოგბაც მოვიდა. "სიტი" უსიტყვოდ ძლიერია და "ჩელსიც" ნაკლებად რომ კვლავ მე–10 პოზიციაზე აღმოჩნდეს, კლოპი თავის სრულ სეზონს ჩაატარებს "ლივერპულში" და "არსენალი" კვლავ იბრძოლებს ჩემპიონობისთვის, მაგრამ ჟოზეს გამოცდილებამ და საზაფხულო შენაძენებმა "იუნაიტედს" უპირატესობა უნდა მისცეს.

ტოპ 4:

1 – "იუნაიტედი"

2– "სიტი"

3 – "ჩელსი"

4 – "არსენალი"

წყარო:M.E.N