''dailymail'' იუწყება, რომ მხითარიანი ''იუნაიტედის'' ფეხბურთელებს და სტაფს დაემშვიდობა. მათი ინფორმაციით მან ''კარინგტონი'' საბოლოოდ დატოვა. სომეხი ფეხბურთელი მას შემდეგ გადავა ''არსენალში'', როდესაც მისი აგენტი მინო რაიოლა მოლაპარაკებებს დაასრულებს.
''იუნაიტედის'' მთავარმა მწვრთნელმა ჟოზე მოურინიომ, მანჩესტერის დროით 12:45-ზე, გააკეთა განცხადება, რომ ახალი არაფერი იყო. მან თქვა, რომ მხითარიანი ჩვენი ფეხბურთელია, თუმცა მოგვიანებით იგი განაცხადში არ შეიყვანა. დაახლოებით 1 საათის შემდეგ, მხითარიანმა კარინგტონი დატოვა, ჯერ კიდევ მაშინ, როცა სხვა ფეხბურთელები იქ იყვნენ.
''ეს იყო ძალიან სევდიანი''-განაცხადა ''dailymail''-ის ინფორმატორმა. ''მხითარიანი ძალიან პოპულარული და მნიშვნელოვანი ფიგურა იყო ''იუნაიტედში. ჩვენ ვიცით, რომ იგი ამ გარიგებით არ არის ბედნიერი. მას არ სურდა წასვლა, ხვდება, რომ ''არსენალში'' გადასვლით მეტ სათამაშო დროს მიიღებს, თუმცა ერჩივნა გუნდის დატოვების შესახებ გადაწყვეტილება კლუბის მაგივრად თავად მიეღო.
მხითარიანი რომელიც 26 მილიონის სანაცვლოდ გადმოვიდა დორტმუნდის ''ბორუსიადან'', მხოლოდ 18 თვე დაჰყო ''მანჩესტერ იუნაიტედში''. ახლა მოსალოდნელია, მისი ლონდონში გამგზავრება, რათა შეხვდეს თავის აგენტს მინო რაიოლას და საბოლოოდ დაასრულოს ტრანსფერი.