საუკეთესო ლიგა მსოფლიოში? FIFA-მ გუშინ მსოფლიოს თერთმეტეული გამოაცხადა... უცნაურია, მაგრამ მასში ვერცერთი პრემიერ ლიგის ვარსკვლავი ვერ მოხვდა.
გუნდი შედგენილი იყო ბარსელონას და რეალ მადრიდის ფეხბურთელებით მათ დამატებული ატლეტიკო მადრიდის ფორვარდი რადამელ ფალკაო.
ლიონელ მესი და კრისტიანო რონალდო უკვე მეექვსეჯერ მოხვდნენ წლის გუნდში, ეს რეკორდია. ხოლო მათ მოყვება ხავი, კასილასი და ტერი, რომლებმა 5-5- ჯერ მოახერხეს საუკეთესო თერთმეტეულში მოხვედრა.
პრემიერ ლიგა ითვლება საუკეთესო შიდა ჩემპიონატად მსოფლიოში და იქ არაერთი მსოფლიო დონის ფეხბურთელი თამაშობს, მათ შორისაა ჯონ ტერი, რომელიც როგორც ზემოთ აღვნიშნეთ 5-ჯერ დასახელდა საუკეთესოთა შორის, თუმცა ვერცერთი მათგანი ვერ მოხვდა წლის გუნდში.
ამას დამატებული ჩემპიონთა ლიგა ხომ ინგლისურმა გუნდმა მოიგო, თუმცა FIFA-მ ეს არაფრად ჩათვალა. გავიხსენოთ რობინ ვან პერსიც, რომელმაც 2012 წელს 36 გოლი გაიტანა არსენალის და მანჩესტერ იუნაიტედის მაისურით. ასევე ის იყო ესპანეთის საუკეთესო 11 ფეხბურთელის რჩეული. რა თქმა უნდა აღსანიშნავია დიდიერ დროგბა, რომელმაც 2012 წელს ჩელსი სულ სხვა სიმაღლეებზე აიყვანა. სწორედ კოტ-დიუვარელმა გაიტანა ერთადერთი გოლი ბარსელონას კარში სტემფორდ ბრიჯზე, ბოლო წუთებზე გაათანაბრა ჩემპიონთა ლიგის ფინალში ბაიერნთან და ლომის წვლილი მიუძღვის 2012 წელს ჩელსის ჩემპიონთა ლიგაზე ტრიუმფში. თუმცა ესეც ვერაფერი ფაქტორი აღმოჩნდა FIFA-სთვის.

მას შემდეგ რაც FIFA-მ მსოფლიოს თერთმეტეულში მხოლოდ ლა ლიგის ფეხბურთელები მოხვდნენ. ჩნდება კითხვა, შეუძლიათ თუ არა პრემიერ ლიგის საუკეთესოებს მათი დამარცხება.

ეს იქნება თამაში რომელიც საბოლოოდ ბოლოს მოუღებს ყველანაირ დებატებს. ორ ტურიანი დაპირისპირება: პრემიერ ლიგის საუკეთესოები, ლა ლიგის ვარსკვლავების წინააღმდეგ. ჩავთვალოთ, რომ ესპანეთის საუკეთესოები ცნობილია, გუშინ ციურიხში, საუკეთესო თერთმეტეული ბარსელონას, რეალის და ატლეტიკო მადრიდის ფეხბურთელებით დაკომპლექტდა. ადგილი კი არ დარჩათ პრემიერ ლიგის ფეხბურთელებისთვის, როგორიცაა: ვინსენტ კომპანი, იაია ტურე, სერხიო აგუერო, რობინ ვან პერსი, უიენ რუნი, ფრენკ ლამპარდი, დავიდ სილვა, სტივენ ჟერარდი და ა.შ.
ძალიან საინტერესო იქნება ორ მატჩიანი დაპირისპირება ამ გუნდებს შორის, როგორც მაგალითად დევისის თასზე, გუნდებს შეეძლებათ თავად აირჩიონ სტადიონი, სადაც უმასპინძლებენ ერთმანეთს. მაშინ კი ნამდვილად საინტერესო იქნება შეძლებს, თუ არა ლიონელ მესი საოცრებების გაკეთებას წვიმიან და ქარიან ბრიტანიაზე. პრემიერ ლიგის საუკეთესო XI მოახერხებს ოლდ ტრაფორდის ან უემბლის გავსებას, რომლებიც უმასპინძლებენ მსოფლიოს საუკეთესო მატჩს ისტორიაში.

შეძლებს ესპანეთსი საუკეთესო XI პრემიერ ლიგის XI-ს დამარცხებას? ალბათ ამ კითხვას პასუხი მაშინ გაეცემა, როცა ეს თამაში მართლა შედგება...

ეხლა კი დააფიქსირეთ თქვენი აზრი, თუ ეს მატჩი მართლა შედგება, რომელმა ფეხბურთელებმა უნდა დაიცვან მსოფლიოს საუკეთესო ჩემპიონატის საუკეთესო თერთმეტეულის ღირსება.

წყარო: dailymail.co.uk