თბილისი:
მანჩესტერი:
14-07-2017, 23:46
ავტორი: Dato Sirabidze,
ნანახია: 5107,
კომენტარები: 23
მოურინიო: "ორი ფეხბურთელის დამატება გვჭირდება"
ჟოზე მოურინიო "ლა გალაქსთან" მატჩის წინ ჟურნალისტებს ესაუბრა.
მოურინიო:
ახალ სეზონში ჟოზე მოურინიომ პირველი პრესკონფერენცია გამართა. ჟურნალისტებთან პორტუგალიელმა მნიშვნელოვანი კომენტარები გააკეთა, რომელსაც ჩვენი საიტი უცვლელად გთავაზობთ.

დარჩება თუ არა ზლატანი ?

"შესაძლებელია. სიმართლე გითხრათ ჯერ არაფერია გარკვეული. იმედი მაქვს ისეთი გადაწყვეტილება იქნება მიღებული რომელიც ყველას გაგვახარებს. დაწვრილებით ყველაფრის თქმა დეკემბერში შეიძლება, მაშინ როცა ზლატანი ფეხბურთს დაუბრუნდება. მან ჩვენ ბევრი მოგვცა. გადაწყვეტილება მისტერ ვუდვორდსა და აგენტ რაიოლაზეა, მაგრამ რა თქმა უნდა ბოლო სიტყვას იბრაჰიმოვიჩი იტყვის."

მატიჩის შესახებ

"არაფრის თქმა არ შემიძლია ფეხბურთელზე, რომელიც სხვა გუნდს ეკუთვნის. მატიჩი "ჩელსის" ფეხბურთელია, იგივეს თქმა შემიძლია მორატაზე. შენ პატივი უნდა სცე გუნდს, მფლობელებსა თუ მენეჯერს.

ჩვენ ჯერ კარი არ გაგვიხურავს. მხოლოდ ლუკაკუს და ლინდელოფის შეძენით ბედნიერი არ ვართ. 4 ფეხბურთელის შეძენა დავისახეთ, 2 უკვე შევიძინეთ. მოლაპარაკებებს მისტერ ვუდვორდი აწარმოებს, მაგრამ ეს პროცესი ძალზედ რთულია. შეიძლება ჩვენ ვერ შევიძინოთ 2 ფეხბურთელი, მაგრამ მინიმუმ 1 ფეხბურთელის შეძენა აუცილებლად გვესაჭიროება."

"გვყავს ფეხბურთელები რომლებიც რამდენიმე თვის განმავლობაში ვერ ითამაშებენ, მაგალითად როხო,შოუ,იანგი,ზლატანი, რა თქმა უნდა თუ დარჩება. ჩვენ 2 ფეხბურთელი გვჭირდება, 1 აუცილებლად, მაგრამ ვერ გეტყვით ეს მატიჩია თუ სხვა, ჩემი მხრიდან ეს არ იქნება სწორი საქციელი."

ალვარო მორატა

"არ მიყვარს როცა სხვა გუნდის ფეხბურთელებზე ვლაპარაკობ. მორატა არ არის ჩვენი ფეხბურთელი. მართალია, რომ ჩვენ მისდამი ინტერესი გქვონდა, ეს თითქმის ყველამ იცის, მაგრამ ისიც ნათელია რომ მასთან არანაირი ფინანსური შეთანხმება არ გვქონია."

"ეს "რეალ მადრიდის" უფლებაა მოითხოვოს საკუთარი ფეხბურთელების სანაცვლოდ ესა თუ ის ფასი. ამას "რეალი" განსაზღვრავს და არა ჩვენ. საბოლოოდ ჩვენ ვერ შევუთანხმდით მათ. "

"არ ვაკრიტიკებ "რეალს" და რა თქმა უნდა არ ვაკრიტიკებ ჩემი გუნდის ხელმძღვანელებს. მათ გაუკეთეს "რეალს" შეთავაზება, მაგრამ შეთანხმება მიღწეული არ იქნა. ეს ძალზედ მარტივია."

რომელუ ლუკაკუ

"ჩვენ გვქონდა კარგი ოფციები, კარგი სამიზნეები,ფეხბურთელები, მაგრამ გადავწყვიტეთ რომ ცხრიანზე იდეალური ვარიანტი ლუკაკუ იყო."

"ის არ არის მულტიფუნქციური ფეხბურთელი. ის არის თავდამსხმელი რომელსაც გოლები გააქვს და ეს ისაა რაც ჩვენ გვჭირდება და რასაც მისგან მოველით."

"მართალია დღეს ფეხბურთში ბევრი კარგი ფორვარდია, მაგრამ პრემიერ ლიგა განსხვავებული ტურნირია, ბევრ მათგანს აქ დრო სჭირდება, ლუკაკუ კი პრემიერ ლიგაში უკვე 4 თუ 5 წელია რაც ასპარეზობს."

"რთული იყო მისი შეძენა, მაგრამ ეს მოვახერხეთ. ახლა ის ჩვენთანაა, მას განსხვავებული პასუხისმგებლობა აკისრია. ის ჯერ ძალზედ ახალგაზრდაა, თუმცა მას პრემიერ ლიგაში და ეროვნულ ნაკრებში თამაშის დიდი გამოცდილება აქვს. ჩემპიონთა ლიგაზე თამაშის უფლებამ მის შეძენაში გარკვეული როლი ითამაშა."

ურთიერთობა ლუკაკუსთან

"მოლაპარაკებებს მე არ ვაწარმოებს. ამ საქმეში მისტერ ვუდვორდი, ლუკაკუს აგენტი და "ევერტონის" ხელმძღვანელობა იყო ჩართული. მე მას მხოლოდ დავურეკე და ვუთხარი რომ ჩვენს გუნდში მას მნიშვნელოვანი როლი ექნებოდა."

"მასთან ადრეც მიმუშავია და კარგია, რომ ამის გამოცდილება მაქვს. როდესაც "ევერტონში" იყო მასთან კონტაქტი მაშინაც მქონდა. ის მორიდებული და ზრდილობიანი ბიჭია. მჯერავს რომ ჩვენი მუშაობა გაამართლებს."

რა უთხრა ახალ შენაძენებს

"ვუთხარი მათ, რომ ისინი ძალზედ იღბლიანები არიან ასეთ გუნდში მოხვედრით. მჯერავს რომ ორივე მათგანი გუნდში დიდი ხნით დარჩება."

დაპირისპირებებსა და პრემიერ ლიგაზე

"უნდა ვთქვათ რომ ჩემპიონი "ჩელსის" შემდეგ ყველაზე წარმატებული სეზონი "იუნაიტედმა" ჩაატარა, მესამე კი "არსენალი" იყო. სხვებმა ითამაშეს, მაგრამ ვერაფერი მოიგეს, მათ გაძლიერება მართებთ."

"პრემიერ ლიგაში ყველა გუნდი ძლიერია. ყველას შეუძლია ფეხბურთელის ყიდვა და ყველას შეუძლია უარის თქმა ფეხბურთელის გაყიდვაზე. რთული და შეუძლებელიცაა კონკურენტი გუნდის ფეხბურთელის დამატება."

"აქ ყველა მატჩი რთულია. ყველა მატჩში შეგიძლია წააგო, ამიტომაც არის პრემიერ ლიგა სწორედ რომ პრემიერ ლიგა."

წყარო:M.E.N
პრესკონფერენცია
23 კომენტარი
№21
ავტორი: Shota Blues
15 ივლისი 2017 13:46
  • სიახლეები: 0
  • კომენტარები: 203
აუჰ რა ხოშიანი და სასიამოვნო სტატიაა! შეიძლება ბევრი დააბნია ამ ციფრმა, მე პირადად კი ამოვისუნთქე... დასახელებული ციფრი საკმარისია ხარისხიანი შენაძენისთვის საიდანაც 2 უკვე სახეზეა. დანარჩენსაც მალე ვიხილავთ. ბევრი კარგი ფეხბურთელი უკვე გვყავს ,,ბაზაში" და მრავალნიშნა რიცხვი საჭირო არ იქნება გასაძლიერებლად
0
№22
ავტორი: GeorgeBest
15 ივლისი 2017 14:30
  • სიახლეები: 1729
  • კომენტარები: 12134
ჩამშლელს აუცილებლად მოიყყვანს და მარცხნივაც დავიმატებთ ვინმეს
0
№23
17 ივლისი 2017 14:04
  • სიახლეები: 0
  • კომენტარები: 5
ციტატა: Dato kutaisi
აქვე დავამატებდი და იგივე ასეთ მოცემულობაში რაფინია და თურანი მხითარიან რეშფორდს არაფრით არც მირჩევნია და არც ჯობია

რაფინიას ძმა 2ჯერ ლიგააქ დადებული 1ხელ ტრიპლეტი <3 მხითარიანს და მითუმეტეს რეშფორდს რააქ მოგებული ? <3 თურანს ლალიგააქ კიდე დადებული და ლიგის ფინალი ნათამაშები ატლეტიკოთი ასნავნოიში <3 ასერომმ შენნ შეიძლება გიღჩევნია მარა ჯობიააა არუნდა თქვა როცა სტატისტიკა ასეთია <3
0

ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.

ავტორიზაცია

მომდევნო მატჩები

შემოგვიერთდი

წინა მატჩები

პრემიერ ლიგა

ჩამოშლა

შემოგვიერთდი

ყველა უფლება დაცულია

© MANUTD.GE 2012

Top