ევროპის ლიგაზე "ფენერბაჰჩესთან" "მანჩესტერ იუნაიტედის" დამარცხების შემდეგ პოლ სქოულზმა განაცხადა, რომ თავისი ყოფილი გუნდის თამაშისგან დიდი ხანია დეპრესიაში იმყოფება.

ხუთშაბათს საღამოს ჟოზე მოურინიოს გუნდის გულშემატკივრებმა კიდევ ერთი უსიამოვნო მარცხი განიცადეს სტამბულში, სადაც ადგილობრივ გუნდთან თავიანთი საყვარელი გუნდის 2:1 მარცხის მომსწრენი გახდნენ.

პრემიერ ლიგის 11-გზის გამარჯვებული სქოულზი თვლის, რომ კრიზისიდან გამოსვლა გაჭიანურდება, მაგრამ მწვრთნელისთვის დროის მიცემას ითხოვს.

"ძალიან რთული სამი წელიწადი გადავიტანეთ. მომდევნო სამი წელიც ასეთივე შეიძლება იყოს. "მანჩესტერ იუნაიტედი" არსებული შემადგენლობით ჩემპიონატს ვერ მოიგებს. უკვე რამდენიმე წელია დეპრესიაში ვიმყოფები. პრემიერ ლიგაში ჩვენზე უკეთესი გუნდი მინიმუმ სამი მაინც არის.

სადამდე მივალთ, თუკი მწვრთნელის ცვლას გავაგრძელებთ? მაინტერესებს, ჰგონია თუ არა ჟოზე მოურინიოს, რომ გუნდი უფრო ძლიერი იყო, სანამ ის მოვიდოდა.

"იუნაიტედის" ამ გუნდს 18 თვეში ან 2 წელიწადში ვეღარ იცნობთ, თუკი ჟოზე მომდევნო ოთხი სატრანსფერო ფანჯრის განმავლობაში მას გარდაქმნის. ვფიქრობ, ამ გუნდს მის ამჟამინდელ მდგომარეობასთან შედარებით ვეღარ ვიცნობთ, მაგრამ მაინც, რასაც მივაღწევთ ამ ორ წელიწადში, მხოლოდ სასიამოვნო ბონუსი შეიძლება იყოს.

ვნახოთ, მოიგებენ თუ არა ლიგის თასს ან ინგლისის თასს. იქნებ ევროპის ლიგასაც?" - განაცხადა სქოულზმა BT Sport-ის პირდაპირ ეთერში.

წყარო: dailymail