ტრადიციულ მატჩისწინა პრესკონფერენციაზე, "მანჩესტერ იუნაიტედის" დამრიგებელმა ერიკ ტენ ჰააგმა ჟურნალისტებისი მიერ დასმულ შეკითხვებს ვრცლად უპასუხა.

კრიშტიანუ რონალდუს შესახებ

მას კარგი სავარჯიშო კვირა ჰქონდა და გასულ შაბათ-კვირას ნახევარ საათზე მეტი სათამაშო დროც მიიღო. შევა თუ არა სასტარტო შემადგენლობაში, ხვალ ვნახოთ.
ეს ჩემი გადასაწყვეტი იქნება და ჯერჯერობით არ გავასაჯაროვებ.

ჭორები მარკუს რაშფორდის შესახებ

ის ჩვენთვის მართლაც მნიშვნელოვანი მოთამაშეა, ამას ჩემი აქ ყოფნის პირველივე დღიდანვე ხედავთ. მე ძალიან კმაყოფილი ვარ ამით და აბსოლუტურად არ მინდა დავკარგო მსგავსი ტიპის მოთამაშე, ის ნამდვილად ჩვენს გეგმებშია.

გაკვეთილი "ბრაიტონის" წინააღმდეგ ჩატარებული მატჩიდან

ყოველი მატჩის შემდეგ ვაანალიზებ ჩვენს თამაშს: რა მოხდა, რა მოხდა, სად უნდა გავაუმჯობესოთ რაღაც, როგორ მოვარგოთ ვარჯიში ამ ყველაფერს. ჩვენ ვეუბნებით და ვაჩვენებთ მოთამაშეებს რა არის გადაწყვეტილებები. ბევრი გაკვეთილი ვისწავლეთ, მაგრამ ვფიქრობ, ნორმალურია, როცა სეზონს იწყებ, გუნდი იკრიბება, ეჩვევა თამაშის ახალ სტილს და უშვებს შეცდომებს. ფეხბურთი შეცდომების თამაშია. ვიცით, რომ ბევრი რამ უნდა გავაუმჯობესოთ, ეს გასაგებია.

ტრანსფერების შესახებ

კმაყოფილი ვარ, ამ საკითხებზე ძალიან კარგად ვთანამშრომლობთ, სულ ეს შემიძლია ვთქვა. თქვენ იცით, რომ ვერ ვისაუბრებ ფეხბურთელებზე, რომლებსაც აქვთ კონტრაქტები სხვა კლუბებთან.

მარცხის შემდეგ წნეხის შესახებ

ვიცი, რომ ზეწოლა ყოველთვის იყო და იქნება, მეც მქონდა მსგავსი გამოცდილება.
ვიცი, რომ ყველა მატჩი უნდა მოვიგოთ, ვიცი, რომ გულშემატკივარი ამას ელოდება, უბრალოდ უნდა მოითმინო. ერთადერთი, რაც შემიძლია გავაკეთო, არის გუნდის მაქსიმალურად მომზადება თამაშისთვის.

"ბრენტფორდის" ტესტი

იოლი მატჩები არ არსებობს, ისინი ყველა რთულია. ჩვენ ნამდვილად კარგ გუნდს შევხვდებით, ისევე როგორც გასულ კვირას.
მათ აქვთ კარგი სტრუქტურა კლუბში, კარგი გუნდი და კარგი მწვრთნელი, რომლებიც დიდი ხანია ერთად მუშაობენ, მაგრამ ჩვენი ამოცანაა მათი დამარცხება.

ეთანხმებით თუ არა კლუბის სატრანსფერო სამიზნე მენეჯმენტს?

დიახ.

ტრავმების შესახებ

მარსიალი ჯერ კიდევ მიუწვდომელია შესარჩევად, იგივე ვიქტორ ლინდელოფი.
ისინი ამ შაბათ-კვირას არ ითამაშებენ.

დარწმუნებული ხარ, რომ სატრანსფერო ფანჯრის ბოლომდე შენი გუნდი უკეთესი იქნება?

ჩვენ უნდა მოვახერხოთ ეს და დარწმუნებული ვარ, ამას გავაკეთებთ", - აცხადებს დასასრულს ტენ ჰააგი.