პრემიერ ლიგის მე-20 ტურის შეხვედრაში "მანჩესტერ იუნაიტედი" "ბარნლის" დაუპირისპირდა. "წითელმა ეშმაკებმა" ზედიზედ 15 მატჩის შემდეგ პირველად მოახერხეს კარის მშრალად შენახვა, ოლე გუნარის გუნდმა მეტოქე 0-2 დაამარცხა და პრემიერ ლიგის ცხრილში მე-5 პოზიციაზე გადაინაცვლა.
"იუნაიტედის" თავკაცმა მატჩის შემდგომ შეხვედრის საუკეთესო ფეხბურთელზე, ბრენდონ უილიამსზე ისაუბრა: "მას აქვს ყველაფერი, რაც "იუნაიტედის" ბავშვს უნდა ჰქონდეს და ამიტომაც თამაშობს. არასდროს შემშინებია ნებისმიერი ტიპის მატჩში მისი გამოყენების".
ნორვეგიელმა ფრედის თამაში შეაფასა, რომელმაც ბოლო დროს თამაშის ხარისხი საგრძნობლად გააუმჯობესა: "რამდენიმე თვის წინ ხალხი ალბათ იტყოდა, რომ "ბარნლისთან" გასვლა ფრედის შესაფერისი მატჩი არ არის, მაგრამ მან ძალიან მოუმატა".
სოლსკიაერმა მაკტომინეის ტრავმაზე ისაუბრა. შოტლანდიელმა ფეხბურთელმა "ნიუკასლთან" მატჩში დაზიანება მიიღო და "ოლდ ტრაფორდის" დატოვება ყავარჯნებით მოუწია.
"არა მგონია, 3-4 კვირა ეყოს მის გამოჯანმრთელებას, უფრო მეტი იქნება საჭირო. თუმცა, ის ყოველთვის ამტკიცებდა, რომ თუ სხვებს სამი კვირა სჭირდებათ ტრავმის მოსაშუშებლად, მას ორიც ჰყოფნის" - განაცხადა ნორვეგიელმა.