დანიელი ნახევარმცველი კრისტიან ერიქსენი "მანჩესტერ იუნაიტედს" ოფიციალურად შეუერთდა.

30 წლის ფეხბურთელმა "წითელ ეშმაკებთან" კონტრაქტი 2025 წლის ივნისამდე გააფორმა.
ერიქსენი "მანკუნიანელებს" თავისუფალი აგენტის სტატუსით შეუერთდა.

"მანჩესტერ იუნაიტედი" განსაკუთრებული კლუბია, მოუთმენლად ველოდები სეზონის დაწყებას. "ოლდ ტრაფორდზე" თამაშის პატივი არაერთხელ მქონია, საოცარი გრძნობა იქნება მოედანზე წითელი მაისურით გასვლა", - თქვა ერიქსენმა.

ასევე, ფეხბურთელი აღფრთოვანებულია ინგლისური გრანდის მთავარი მწვრთნელით, ერიკ ტენ ჰააგით, რომელიც მას ფანტასტიკურ სპეციალისტს უწოდებს.

გასული სეზონი ერიქსენმა "ბრენტფორდში" გაატარა, 11 მატჩში ერთი გოლი გაიტანა და ოთხი საგოლე გადაცემაც გააკეთა.