"მანჩესტერ იუნაიტედის" ყოფილი ფეხბურთელი მაიკლ ოუენი, ჟურნალისტებისთვის მიცემულ ინტერვიუში კიდევ ერთხელ შეეხო მისი ყოფილი კლუბის ამჟამინდელ სტრუქტურას და ამჯერად მან ოლე გუნარ სოლსკიაერის შემადგენლობა გააკრიტიკა.
"ეს შესაძლებელია იყოს "მანჩესტერ იუნაიტედის" ყველაზე ცუდი შემადგენლობა უკანასკნელი ათწლეულის განმავლობაში, არ არის ასე? ამ შეფასების გამოყენება მაშინაც შეიძლებოდა სანამ სერ ალექსი "მანჩესტერ იუნაიტედის" მთავარი მწვრთნელის პოსტს დატოვებდა.
არ ვფიქრობ, რომ სეზონის დასრულების შემდეგ "მანჩესტერ იუნაიტედი" პრემიერ ლიგის საუკეთესო ექვს გუნდს შორის იქნება". - ციტირებს Goal.com-ი მაიკლ ოუენის სიტყვებს.
შეგახსენებთ, რომ "მანჩესტერ იუნაიტედის" ნორვეგიელი სპეციალისტი ოლე გუნარ სოლსკიაერი ბოლოდროინდელი წარუმატებელი მატჩების შემდეგ საფეხბურთო ელიტის მხრიდან კრიტიკის ქარცეცხლშია გახვეული.
უკანასკნელი წარუმატებელი მატჩი ოლე გუნარის შეგირდებმა ევროპა ლიგის ეგიდით გამართეს სადაც ინგლისური გრანდის ფეხბურთელებმა ჰოლანდიური "ალკმაარის" კარის მიმართულებით კარში დარტყმაც კი ვერ შეძლეს.