ბოლო რამოდენიმე დღეა, სხვადასხვა ავტორიტეტული საინფორმაციო წყაროები, ავრცელებენ ცნობებს იმის შესახებ, რომ "მანჩესტერ იუნაიტედი" აუცილებლად ეცდება "ტოტენჰემიდან" დანიელი ნახევარმცველის, კრისტიან ერიქსენის დამატებას.

როგორც მოგეხსენებათ, ამ უკანასკნელს ჩრდილო ლონდონურ კლუბთან მოქმედი კონტრაქტი ვადა 1 წლით აკავშირებს. ახალი შრომითი ხელშეკრულების გაფორმებას დანიელი არ აპირებს, მიზეზად 27 წლის ფეხბურთელი ახალი გამოწვევების მიღების სურვილს ასახელებს. ამ მიზეზიდან გამომდინარე, "ქათმები" მზად არიან ერიქსენი გაასხვისონ, რადგან ახალი კონტრაქტის არ გაფორმების შემთხვევაში გაისად, კრისტიანს ნებისმიერ კლუბში უსასყიდლოდ შეეძლება გადასვლა. ცნობილია თანხა რა თანხასაც "სპურსი" თავის ერთ - ერთ ლიდერში ითხოვს - £50 მილიონი. აღნიშნული თანხის მიღების შემთხვევაში მაურისიო პოჩეტინო მთლიანად გუნდის გაძლიერებას მოახმარს. როგორც ცნობილია, ლონდონური კლუბის შორტ - ლისტში ისეთი ფეხბურთელები ფიგურირებენ როგორებიც, ფელიპე კოუტინიო, პაულო დიბალა და ბრუნო ფერნანდეში არიან.

The Independent - ზე დაყრდნობით, ედ ვუდვორდი მზად არის "ტოტოენჰემის" მიერ მოთხოვნილი "მილიონების" გადახდაში და ოფიციალური წინადადებით სულ მალე მიმართავს დანიელ ლევისს. "მანჩესტერ იუნაიტედში" დარწმუნებულები არიან, რომ სატრანსფერო ფანჯრის დახურვამდე ლონდონელებთან შეთანხმებას მიაღწევენ და კრისიტან ერიქსენი კარიერას "ოლდ ტრაფორდზე" გააგრძელებს, აღსანიშნავია ის ფაქტიც, რომ დანიის ეროვნული ნაკრების, ნახევარმცველს "რეალიც" აკვირდება, მაგრამ უცხოური პრესა ფავორიტად ოლე გუნარ სულშერის გუნდს მიიჩნევს.

წყარო:goal.com