იტალიიდან საინტერესო ცნობები ვრცელდება.
"იუვენტუსი" ჯერ კიდევ ცდილობს პოლ პოგბას შეძენას და პოტენციურ შეთანხმებაში ფეხბურთელების ჩართვას გეგმავს.
პოგბა "მანჩესტერ იუნაიტედში" უახლოეს დღეებში დაბრუნდება, რის შემდეგაც ოლე გუნარ სოლსკიაერთან მოლაპარაკებებს გამართავს.
ფრანგი ფეხბურთელი საერთაშორისო მატჩების დროს საჯაროდ გამოტყდა, რომ ახალი თავგადასავლებს ძიება სურს, იტალიური მედია კი იტყობინება, რომ "იუვენტუსში" დაბრუნება მისთვის პრიორიტეტია.
La Gazzetta dello Sport-ის ცნობით "იუვენტუსმა" ჯერ პოგბას შესაძენად შეთავაზებული თანხა უნდა გაზარდოს, მაგრამ უფრო სარფიანი წინადადების შესათავაზებლად მოლაპარაკებებში ფეხბურთელების ჩართვასაც ცდილობს.
"ბებერ ქალბატონთა" ხელმძღვანელობას მიაჩნია, რომ შემადგენლობაში ჰყავს ისეთი კადრები პაულო დიბალას, ბლეზ მატუიდისა და ალექს სანდროს სახით, რომ "წითლების" დათანხმებას შეძლებს.
სანდროსა და დიბალას სახელს ბოლო პერიოდში ხშირად უკავშირებდნენ "ოლდ ტრაფორდს" და "იუნაიტედში" ყოფნის პერიოდში ჟოზე მოურინიოც ცდილობდა ბრაზილიელი მცველის შეძენას.
დიბალა მსოფლიო ერთ-ერთ საუკეთესო თავდამსხმელადაა შეფასებული და "იუვენტუსში" მიაჩნიათ, რომ არგენტინელის ჩართვა მოლაპარაკებებში დააგდებს პოგბაში მოთხოვნილ თანხას.
"იუნაიტედი" დიდი ხანია ისახავს 25 წლის დიბალას შეძენას მიზნად, ხოლო იტალიაში იმასაც ფიქრობენ, რომ "ოლდ ტრაფორდის" მკვიდრებს ფრანგი ნახევარმცველი მატუიდის გადაბირების ვარიანტიც მოხიბლავთ.
სანამ პოგბას მომავალი გადაწყდება, ოლე გუნარი ორი ნახევარმცველის შეძენაზე მაინც იმუშავებს და მისთვის სასურველ კანდიდატებს "ნიუკასლიდან" შონ ლონგსტაფი და "სპორტინგიდან" ბრუნუ ფერნანდეში წარმოადგენენ.
წყარო:
metro