ოლე გუნარი მატჩის შემდეგ.
"მანჩესტერ იუნაიტედმა" მორიგი გამარჯვება მოიპოვა და ოთხეულში დაბრუნდა. ოლე გუნარი ბიჭების თამაშით კმაყოფილია და ოთხშაბათს გასამართ მატჩს მოუთმენლად ელის.
რომელუს მუშაობამ შედეგი გამოიღო.
"ის ძალიან კარგი შემსრულებელია და გოლების გატანაც უყვარს. ფორვარდებს, რომლებსაც გოლების გატანა უყვართ, რთულად შეაჩერებთ. ყველამ კარგად დაინახეთ, როგორ აღნიშნა ორივე გოლი. ჩვენ კი ამას ვარჯიშზე ყოველდღიურად ვხედავთ. ის ძალიან ბევრს მუშაობს და ამიტომაც გააქვს გოლები."
პერეირამ თავისი შესაძლებლობები დაამტკიცა. "ძალიან ბედნიერი ვარ მის გამო. რამდენიმე რთული შემთხვევის გავლა მოუწია, მაგრამ ახლა ყველას დაანახა რა შეუძლია. ის აკადემიელია და ჩვენ ყველამ კარგად ვიცით, რომ უდიდესი შესაძლებლობები აქვს. პირველ ტაიმში რამდენიმე კარგი მოძრაობა გააკეთა, მეორე ტაიმში კი მისი გოლი ფანტასტიკური იყო."
გასახდელში ზეიმი იყო.
"დიდებულად დავიწყეთ ყველაფერი, მაგრამ ტრავმამ ცოტათი გაგვტეხა. სადავეები მეტოქის ხელში გადავიდა, ისინი აკონტროლებდნენ მატჩს და ღია თამაში შემოგვთავაზეს. ორივეჯერ შესანიშნავი გოლი გაიტანეს და ამას ვერაფერს ვუზამთ. კარგია, რომ ჩვენ სამი გოლის გატანა მოვახერხეთ. დიდებული ხასიათი გამოვავლინეთ, გასახდელში იდეალური განწყობა სუფევს და მოუთმენლად ველით ოთხშაბათს."
ბიჭები ამას იმსახურებდნენ.
"მე აუცილებლად უნდა მივიღო სიამოვნება თითოეული წამისგან, მანამ სანამ ამ პოზიციაზე ვარ და ასეც ვიქცევი. მაგრამ ჩემთვის ყველაზე მთავარი მაინც ისაა, რომ ბიჭები ბედნიერები იყვნენ და მიიღონ ის, რაც დაიმსახურეს. მათ სწამდათ და სჯეროდათ საკუთარი თავის და ამიტომაც გავიმარჯვეთ."
პოგბას პენალტი.
"უბრალოდ მივედი მასთან და ვუთხარი: "მოემზადე, რადგან შემდეგ პენალტსაც შენ დაარტყამ." მეც ბევრი პენალტი გამიფუჭებია. მას შანსს კიდევ მივცემთ, ის თავდაჯერებულია და იცის, რომ გამოუვა, ასე რომ ისევ ის დაარტყამს პენალტებს. არაუშავს, ყველაფერი ხდება."
ჩვენ პარიზში გამარჯვება შეგვიძლია.
"გუნდი, კლუბი, გულშემატკივრები, ფეხბურთელები... ყველა ძალიან შემართულია. ჩვენ ყველა მატჩს რწმენითა და თავდაჯერებით ვიწყებთ და ზუსტად ამასვე ვიზამთ პარიზში. ეს რთული დავალება იქნება, მაგრამ ამის გაკეთება შეგვიძლია."
წყარო:
ManUtd.com