„მანჩესტერ იუნაიტედის“ ყოფილმა ფეხბურთელმა პოლ პოგბამ კლუბის დატოვების მიზეზებზე ისაუბრა. ახლა უკვე „იუვენტუსის“ ნახევარმცველი სერ ალექს ფერგუსონს ადანაშაულებს და მთავარ მიზეზადაც მას ასახელებს. პოგბას თქმით, ფერგიუსონი მას მაშინაც არ ათამაშებდა, როცა გუნდის ნახევარმცველების ნაწილს ტრავმები აწუხებდათ, ნაწილი კი სათამაშო ფორმაში არ იყვნენ. პოლმა ასევე აღნიშნა, რომ მის გადაწყვეტილებაზე პოლ სქოულზის საფეხბურთო კარიერის განახლებამაც იმოქმედა.
„ყველაფრი ფერგიუსონის გამო მოხდა. კონტრაქტის გახანგრძლივება აღარ მინდოდა, რადგან ფერგიუსონი არ მათამაშებდა მაშინაც კი, როცა ნახევარმცველები ტრავმირებულები იყვნენ. ის აშკარად ფიქრობდა, რომ მე არ ვიმსახურებდი კონტრაქტის იმ პირობებს, რომელსაც ვითხოვდი. გუნდში არც ისე ბევრი ცენტრალური ნახევარმცველი იყო ფორმაში, მაგრამ ძირითად შემადგენლობაში მაინც ვერ ვხვდებოდი.
„იუნაიტედს“ ჩემი მსგავსი ფეხბურთელები არ ჰყავს, ეს უბრალოდ მწვრთნელის გადაწყვეტილება იყო, მე კი მას ვერაფერს მოვუხერხებდი. მას რამდენიმეჯერ პირადად ვესაუბრე და ძალიან იმედგაცრუებული დავრჩი. ფერგუსონს ვუთხარი: „თუ არ ვითამაშებ, ვერანაირ გამოცდილებას ვერ მივიღებ და გუნდიდან წასვლა მომიწევს.“ მე მხოლოდ თასის რამოდენიმე შეხვედრაში მივიღე მონაწილეობა, მან კონტრაქტი არ შემომთავაზა და წასვლის ნება მომცა.“ - განაცხადა პოგბამ The Sun-თან საუბრისას.
პოგბამ სერ ალექსს სთხოვა, რომ მისთვის ისეთივე შანსები მიეცა, როგორიც რაიან გიგზს და პოლ სქოულზს თავის დროზე მისცა. პოგბა მიხვდა, რომ მისი „მანჩესტერული“ კარიერა მალე დასრულდებოდა, როცა პოლ სქოულზმა ფეხბურთში დაბრუნების გადაწყვეტილება მიიღო.
“როცა პოლ სქოულზის ფეხბურთში დაბრუნების გადაწყვეტილებაზე გავიგე გამიხარდა, ის ხომ ლეგენდაა, მაგრამ ამავდროულად მივხვდი, რომ ეს ჩემთვის დასასრული იყო. მწვრთნელი ფიქრობდა, რომ სქოულზს უნდა ეთამაშა და არა მე - სწორედ ამის შემდეგ მომიწია კლუბის დატოვება.
შეიძლება ფერგიუსონი ახლა ამას ნანობს, მაგრამ ამას უკვე მნიშვნელობა აღარ აქვს, „მანჩესტერ იუნაიტედზე“ აღარ ვფიქრობ. „მანჩესტერის“ დატოვებასაც საერთოდ არ ვნანობ.“ - დაასრულა პოგბამ.
19 წლის ფრანგმა ნახევარმცველმა „იუვენტუსში“ ამ სეზონში 19 მატჩი ჩაატარა და 4 გოლი გაიტანა, აქედან მოედანზე 7-ჯერ სათადარიგოთა სკამიდან შევიდა.

წყარო: dailymail.co.uk