"მანჩესტერ იუნაიტედის" ახალწვეულმა "არსენალის" ლეგენდების მხრიდან მის მიმართ გამოვლენილ კრიტიკას უპასუხა.
"ოლდ ტრაფორდზე" გადაბარგების პირას მყოფი ჩილელის მიმართ არაერთი კრიტიკოსი გამოთქვამდა თავის აზრს ბოლო დღეების განმავლობაში - მათ შორის იყვნენ "არსენალის" ყოფილი მოთამაშეებიც. მაგალითად, მარტინ კიოუნმა სანჩესს ფეხბურთის უდიდესი მემკვიდრე უწოდა.
კიოუნმა პირდაპირ დაადანაშაულა სანჩესი, რომ იგი ფულის გამო გადადის "იუნაიტედში", რასაც ალექსისმა პირველივე შესაძლებლობისთანავე უპასუხა.
მისი თქმით, "არსენალის" დატოვების მიზეზი ტიტულების მოგების სურვილი გახდა - მიზეზი, რომლის გამოც თავის დროზე ტიერი ანრი გადაბარგდა არსენ ვენგერის გუნდიდან. "არსებობს ხალხი ყოფილ ფეხბურთელთა რიგებში, რომლებიც ყოველგვარი წარმოდგენის გარეშე, თუ რა ხდება კლუბში, გამოთქვამდნენ აზრს და სისულელეს ყბედობნენ. უნდა გითხრათ, რომ ყოველთვის 100 პროცენტით ვიხარჯებოდი, ბოლო დღემდე. ბოლო დღესაც კი ვთხოვე მწვრთნელს, რომ შემადგენლობაში შევეყვანე, რადგან გუნდის დახმარება მინდოდა.
გავიხსენებ ჩემს დიალოგს ანრისთან, "არსენალის" ისტორიულ ფეხბურთელთან. მან კლუბი იმავე მიზეზით გამოიცვალა, რის გამოც მე. ახლა კი ჩემი ჯერი დადგა", - განაცხადა ჩილელმა.