ალექსის სანჩესის ბავშვობის წლები.
''იუნაიტედის'' გულშემატკივრები ყოველწუთიერად ელოდებიან ალექსის სანჩესის ტრანსფერის ოფიციალურ დასტურს, რომელიც სიტყვიერად ფაქტიურად დაადასტურეს ჩილელის ამჟამინდელმა და მომავალმა მწვრთნელებმა.
ალექსის სანჩესი 1988 წლის 18 დეკემბერს ჩილეში დაიბადა. როგორც მრავალი სამხრეთ ამერიკელი ბავშვის ცხოვრებაც, ალექსისიც უკიდურეს სიღარიბეში გაიზარდა.
ერთ-ერთ პირად ინტერვიუში ალექსისმა ბავშვობა გაიხსენა:
"როდესაც პატარა ვიყავი, ოჯახს სერიოზული მატერიალური პრობლემები ჰქონდა, იყო დღეები როდესაც მანქანებს ვრეცხავდი, მაგრამ ჩვენ, მრავალშვილიან ოჯახს ეს არ კმაროდა, ამიტომ გავდიოდი გარეთ და ღამითაც ვმუშაობდი, ფეხბურთის თამაში ერთადერთი განტვირთვა იყო, მიუხედავად იმისა, რომ ეს ზოგჯერ ადგილობრივ ციხის მოედანზეც მიწევდა". 2006 წლამდე ვიდრე სანჩესი ''უდინეზეს'' ფორმას მოირგებდა, მის ცხოვრებაში იყო კიდევ ერთი ხერხი ფულის საშოვნელად. სალტოზე გავრცელებულ ამბავს, თითქოსდა ალექსისი 50-100 პესოს სანაცვლოდ სალტოს აკეთებდა, დაადასტურა და აღნიშნა, რომ ამ ხერხით, სახლში ჯიბით სავსე ფულით ბრუნდებოდა.
საფეხბურთო კლუბ ''უნივერსიდად კატოლიკას'' რიგებში გამოჩენის შემდეგ, ჩილელს თვალი "უდინეზეს" სკაუტებმა დაადგეს და მის ნიჭსა და შესაძლებლობებში არც შემცდარან. წარმატებული აღმოჩნდა "უდინეზეში" გატარებული თითოეული წელი და მას შემდეგ რაც გუნდისთვის ''გადაზრდილად'' ჩაითვალა, ახალი გამოწვევა მიიღო და ვარსკვლავებით დახუნძლულ "ბარსელონას'' შეუერთდა. ლიონელ მესისა და დავიდ ვილასთან ერთად საოცარი ტრიო შექმნა რომელმაც სეზონში 82 გოლს მოუყარა თავი. მოიგო ყველა შესაძლებელი ტიტული და "ბლაუგრანაში'' ნეიმარის გამოჩენამდე, საცხოვრებელი ადგილი შეიცვალა და 35 მილიონ ფუნტად ლონდონში გადასახლდა.
რობინ ვან პერსის წასვლის შემდეგ, რომელიც ალექსის უკვე მომავალ კლუბში, მასსავით სწორედ ლონდონის ''არსენალიდან'' გადაბარგდა, ჩილელმა ლიდერის ფუნქციები საკუთარ თავზე აიღო და სრულად გაამართლა თითოეული ფუნტი, რომელიც კლუბმა მის სანაცვლოდ კატალონიაში გადარიცხა. მიუხედავად იმისა, რომ სანჩესს საკლუბო წარმატება არ ჰქონია, თუ ასოციაციის თასს არ ჩავთვლით, მას პირადი ჯილდოები ინგლისში ყველა შესაძლო მიღებული აქვს.
მიმდინარე სეზონიც, მიუხედავად ჭორებისა და სპეკულაციებისა, როგორც ნამდვილმა პროფესიონალმა დაიწყო ''მეთოფეების'' რიგებში და არაერთი გოლისა და ასისტის დახმარებით, ლომის წვლილი დაიდო თითოეულ გამარჯვებაში.
რამდენიმე დღეში მის ცხოვრებაში ახალი ფურცელი გადაიშლება, სახელად ''მანცესტერ იუნაიტედი''. დიდი იმედი ვიქონიოთ, მისი ცხოვრების ეს ფურცელი, ისეთივე წინგადადგმული და წარმატებული ნაბიჯი იქნება როგორც დაიწყო ჩილეში, ადგილობრივი ციხის უხარისხო მინდორზე.
წყარო:
manutd.one