მას შემდეგ, რაც არცერთმა გუნდმა ტრანსფერი ოფიციალურად არ დაადასტურა, გაჩნდა სხვადასხვა მოსაზრება შეთანხმების გარშემო.

"მანჩესტერის" გულშემატკივრებისთვის არსებითი ცვლილება არ ხდება, რადგანაც ალექსის სანჩესი არის ერთადერთი კანდიდატურა. "მეთოფეების'' ბანაკში სხვადასხვა ვარიანტს განიხილავენ.

პირველი ამოცანა ჰენრიკ მხითარიანის მიღებაა ჩილელის სანაცვლოდ, მაგრამ მასთან და მის ცნობილ აგენტ მინო რაიოლასთან შეთანხმების ჩაშლის შემთხვევაში, შესაძლოა "არსენალი" გეგმა ბ-ზე გადავიდეს. რაც გულისხმობს 30 მილიონი ფუნტის მიღებას პირად ანგარიშზე, რომელიც დამატებული იქნება იმ 20 მილიონ ფუნტზე, რომელიც გუნდმა სულ რამდენიმე საათის წინ მიიღო თეო ვოლკოტის "ევერტონში" გასხვისებისთვის და ამ თანხას შეთავაზებს "დორტმუნდის ბურისიას'' პიერ ემერიკ ობამეიანგის სანაცვლოდ, რომელიც საჯაროდ ადასტურებს გუნდიდან წასვლის სურვილს.

მესამე ვარიანტი რომელიც სულ რამდენიმე წუთის წინ გაავრცელა ჟურნალისტმა დან ბენსონმა გულისხმობს: "მანჩესტერ იუნაიტედი" მიიღებს ალექსის სანჩესს, საპირისპირო მიმართულებით კი მხითარიანის ნაცვლად მატეო დარმიანი გაემგზავრება, დამატებული 20 მილიონი ფუნტით. ნაკლებად სავარაუდოა შეთანხმება, რომელსაც ერთ ხმად ადასტურებდა მსოფლიოს სხვადასხვა ქვეყნისა და კონტინენტის პრესის წარმომადგენლები, ასე უეცრად რადიკალურად შეცვლილიყო, მაგრამ კითხვები ბევრი გაჩნდა მას შემდეგ, რაც ორივე ფეხბურთელმა დილის სავარჯიშო სესია ჩვეულებისამებრ ჩაატარა.

თავის მხრივ ვაკანტური ხდება "არსენალის" მარჯვენა ფლანგი, კერძოდ შეთავაზებები აქვს ექტორ ბელერინს "იუვენტუსისაგან'', იჯარით განათხოვრებას უპირებენ მატეო დებუშის, ხოლო ჯენკინსონი ძირითად შემადგენლობაში მხოლოდ სამ მცველიანი ტაქტიკის შემთხვევაში გვხვდება, ამ დროსაც ცენტრალური მცველის ამპლუაში.

წყარო: manchestereveningnews.co.uk