ბრიტანული, ერთ-ერთი ყველაზე გავლენიანი გამოცემა, "BBCSport" იუწყება, რომ "მანჩესტერ იუნაიტედის" ხელმძღვანელობამ ჟოზე მოურინიოს შეატყობინეს, რომ თუ მას სურს იანვრის სატრანსფერო პერიოდში კლუბის გაძლიერება, ამისათვის რამოდენიმე მოთამაშის გასხვისება მოუწევს.

აგვისტოს ბოლოს ცნობილი გახდა, რომ "იუნატედის" წლიური შემოსავალი 13.5%-ით გაიზარდა გასულ სეზონთან შედარებით, რაც დაახლოებით 265 მილიონ ფუნტ სტერლინგს გულისხმობს. კლუბის მფლობელებს კი ამ მაჩვენებლის გაკონტროლება და გაზრდა სურთ, რაც გულისხმობს იმას, რომ თუ "იუნაიტედი" ახალ მოთამაშეების ყიდვას შეეცდება, მაშინ კლუბს სხვა მოთამაშეები დატოვებენ.

გასასხვისებლად ერთ-ერთი პირველი კანდიდატი ლუკ შოუა, რომელიც "იუნაიტედს" 27 მილიონი ფუნტი დაუჯდა, თუმცა მისი ხშირი ტრამვიანობის შედეგად, ასე რომ ვთქვათ, კლუბი ფინანსური კუთხით დაზარალდა.

მთლიანობაში, მოურინიოს მოსვლის შემდეგ კლუბი 16-მა მოთამაშემ დატოვა. ყველაზე მაღალი შემოსავალი "იუნაიტედმა" მემფის დეპაისა (22მლ.) და მორგან შნეიდერლინის (16მლ.) გაყიდვის შემდეგ მიიღო. გარდა ამისა, კლუბის გასავალმა სერიოზულად დაიწია მას შემდეგ, რაც უეინ რუნის და ბასტიან შვაინშტაიგერს გამოემშვიდობა.

აქვე გეტყვით იმასაც, რომ ბოლო კვირაში არაერთი ინფორმაცია გავრცელდა მარუან ფელაინის თურქეთში გადაბარგებაზე, რომელიც არსებული კონტრაქტის მიხედვით, ბოლო სეზონს ატარებს "ოლდ ტრაფორდზე" და თუ კლუბმა მასთან შეთანხმებას ვერ მიაღწია, ის თავისუფალი აგენტის სტატუსით დატოვებს "იუნაიტედს".

წყარო: BBCSport