მატჩი: "მანჩესტერ იუნაიტედი" - "ვესტ ჰემი"
ტურნირი: პრემიერ ლიგა (I ტური)
სტადიონი: "ოლდ ტრაფორდი" (75 000)
თარიღი: კვირა, 13 აგვისტო, 2017 წელი
დასაწყისი: 19:00 (თბილისის დროით)
ტრანსლაცია: Silk Universal, Idman Azerbaycan, Матч ТВ, Матч тв футбол 1
არბიტრი: მარტინ ატკინსონი

პრემიერ ლიგა ბრუნდება... მართალია, დიდხნიანი პაუზის შემდეგ პრემიერ ლიგა "ოლდ ტრაფორდს" უბრუნდება, "მანჩესტერ იუნაიტედი" I ტურის ბოლო მატჩში საკუთარ არენა "ვესტ ჰემს" დაუპირისპირდება. "რეალ მადრიდთან" წაგებული მატჩის შემდეგ "წითელი ეშმაკები" მხოლოდ და მხოლოდ მოგებაზე იფიქრებენ.


სიახლე გუნდებზე - ვიქტორ ლინდელოფს, რომელუ ლუკაკუს და ნემანია მატიჩს შანსი აქვთ "ოლდ ტრაფორდზე" პირველად გამოჩდნენ "იუნაიტედის" მაისურით. ერიკ ბაიი და ფილ ჯონსი სრულ მზადყოფნაში არიან და თუ რომელი დაცვის წყვილი ითამაშებს ეს მხოლოდ მწვრთნელის გადასაწყვეტია. დაწვრილებით ინფორმაციას ჟოზეს ხვალინდელი პრესკონფერენციიდან მივიღებთ. "ვესტ ჰემს" დაუბრუნდნენ ტრავმირებულნი აარონ ქრესუელი და მანუელ ლანცინი, სავარაუდოდ მატჩში მონაწილეობას არ მიიღებენ სოფიან ფეგული, შეიხ კუიატე, დიაფრა სახო, ენდი ქეროლი და მიკელ ანტონიო. ახალ შენაძენებს ჯო ჰარტს, პაბლო ზაბალეტას, მარკო არნაუტოვიჩსა და ხავიერ ერნანდეს კი თამაშში მონაწილეობის მიღება შეუძლიათ.

როგორ ჩაატარეს გუნდებმა წინასასეზონო ტურნე ? "მანჩესტერ იუნაიტედმა" წარმატებული წინასასეზონო ტურნე ჩაატარა, გუნდმა 7 ამხანაგური მატჩიდან 6 მოიგო. "იუნაიტედმა" ამერიკაში "ლა გალაქსი, "რეალ სოლტ ლეიქი", "მანჩესტერ სიტი" და "რეალ მადრიდი" დაამარცხა, ბოლო მატჩში კი "ბარსელონასთან" მინიმალური სხვაობით წააგო. ევროპაში დაბრუნების შემდეგ გუნდმა კიდევ 2 ამხანაგური მატჩი გამართა, ოსლოში "ვალერენგას" წინააღმდეგ მათ 3:0, ხოლო დუბლინში "სამპდორიას" წინააღმდეგ კი 2:1 მოიგეს. "ჩაქუჩებს" განსხვავებული ზაფხული ჰქონდათ. პირველი ამხანაგური მატჩი მათ ავსტრიაში გამართეს "შტურმ გრაც II" -ის წინააღმდეგ, შეხვედრა ანგარიშით 0:0 დასრულდა, ასევე ავსტრიაში გამართეს მათ მატჩი "ფულჰემის" წინააღმდეგ, აქ მათ 2:1 გაიმარჯვეს. შემდეგ გუნდი გერმანიაში გაემგზავრა, სადაც მათ "ალტონა 93" -ის წინააღმდეგ გამართეს შეხვედრა, მატჩი ფრედ 3:3 დასრულდა. ბოლო ამხანაგურ მატჩში "ვესტ ჰემი" ისლანდიაში "მანჩესტერ სიტის" დაუპირისპირდა და 3:0 დამარცხდა.

როგორ ეთამაშა "იუნაიტედმა" "ჩაქუჩებს" გასულ სეზონში ? - გასულ სეზონში "იუნაიტედი" "ვესტ ჰემს" 3-ჯერ დაუპირისპირდა, არც ერთ შეხვედრაში მანჩესტერელები არ დამარცხებულან. პირველად გასულ სეზონში ისინი "ოლდ ტრაფორდზე" დაუპირისპირდნენ, მატჩი ნოემბერში გაიმართა პრემიერ ლიგის ეგიდით, ზლატან იბრაჰიმოვიჩმა მაშინ დიაფრა სახოს გოლს უპასუხა და მატჩი ფრედ 1:1 დასრულდა. რამდენიმე დღეში გუნდები ერთმანეთს კვლავ "ოლდ ტრაფორდზე" დაუპირისპირდნენ ამჯერად "ეფლ ქაფის" შეხვედრაში. მატჩი "იუნაიტედმა" დამაჯერებლად ანგარიშით 4:1 მოიგო, იმ შეხვედრაში იბრაჰიმოვიჩმა და მარსიალმა დუბლი შეასრულეს. კალენდარული წლის ბოლოს "წითელი ეშმაკები" პირველად ეწვივნენ "ვესტ ჰემის" ახალ საშინაო არენას "ლონდონ ოლიმპიკ სტედიუმს", ხუან მატას და ზლატან იბრაჰიმოვიჩის გოლების წყალობით "იუნაიტედმა" მატჩი ანგარიშით 2:0 მოიგო.

ჩიჩარიტოს დაბრუნება - "ოლდ ტრაფორდი" კვირას ხავიერ ერნანდესს იხილავს, ყოფილი "წითელი ეშმაკი" პირველ ოფიციალურ შეხვედრას ჩაატარებს "ჩაქუჩების" რიგებში. მექსიკელმა ფეხბურთელმა "იუნაიტედის" მაისურით ჩატარებულ 157 შეხვედრაში 59 გოლი გაიტანა.

იცოდით ? - რომელუ ლუკაკუს "ევერტონის" მაისურით "ვესტ ჰემის" წინააღმდეგ 9 შეხვედრაში აქვს გოლი გატანილი, მის ანგარიშზე ამ მატჩებში ასევეა 4 საგოლე გადაცემაც. სტატისტიკის თანახმად ბელგიელს ლონდონელების წინააღმდეგ თამაში არ უჭირს და მას ძალიან კარგი შანსი აქვს "ოლდ ტრაფორდზე" პირველ ოფიციალურ მატჩში გოლი გაიტანოს.

H2H - გუნდებმა ერთმანეთის წინააღმდეგ ყველა ტურნირზე ჯამში 137 შეხვედრა ჩაატარეს, "იუნაიტედმა" 64 შეხვედრა მოიგო, "ვესტ ჰემმა" კი 43, 30 შეხვედრა ფრედ დასრულდა.