"მანჩესტერ იუნაიტედი" მორიგი სატრანსფერო რეკორდის დამყარებისთვის ემზადება. კლუბი მზადაა ნეიმარში 173 მილიონი ფუნტი გადაიხადოს. ინფორმაციას ესპანური გამოცემა Sport-ი ავრცელებს.

ტრანსფერის განხორციელების შემთხვევაში "ბარსელონას" ბრაზილიელი ვარსკვლავი კვირაში 416,000 ფუნტს მიიღებს, რაც მის წლიურ შემოსავალს 21 მილიონ ფუნტამდე გაზრდის.

25 წლის ბრაზილიელის შეძენას ლუი ვან გაალი ცდილობდა. "წითელი ეშმაკები" მზად იყვნენ მსოფლიო რეკორდი დაემყარებინათ და ფეხბურთელში 190 მილიონი ევრო გადაეხადათ, მაგრამ კლუბმა და ფეხბურთელმა თანამშრომლობის გაგრძელება ისურვეს.

როგორც თავად ნეიმარმა განაცხადა, მოლაპარაკებები მართლაც მიმდინარეობდა, თუმცა კონკრეტული შეთავაზება არ ყოფილა.

"საუბარი გვქონდა, მაგრამ კონკრეტული არაფერი ყოფილა. გავიგე, შეთავაზება გააკეთესო, მაგრამ ასეთი არაფერი მიმიღია" - განაცხადა ბრაზილიელმა

ნეიმარს "ბარსელონასთან" მოქმედი კონტრაქტი 2021 წლის ზაფხულამდე აკავშირებს.

მომზადებულია Daily Mail-ის მიხედვით.