შესაძლოა, "მანჩესტერ იუნაიტედმა" ჩინური სატრანსფერო ფანჯრის დახურვამდე უეინ რუნი გაყიდოს.

ინგლისელი ფორვარდის გადაბირებით რამდენიმე ჩინური კლუბი ინტერესდება და თებერვლის ბოლო სამშაბათამდე მიზნის მიღწევას ეცდებიან.

ჟოზე მოურინიომ აღნიშნა, რომ რუნის სეზონის ბოლომდე დაიტოვებს, რადგანაც ოთხ ტურნირზე მოასპარეზე მის გუნდს ფეხბურთელები სჭირდება, მაგრამ სიტუაცია შეიძლება შეიცვალოს, თუკი ინგლისისა და "იუნაიტედის" კაპიტანი მომდევნო 10 დღეში წასვლის სურვილს გამოთქვამს.

რუნის უკვე აქვს 32 მილიონ ფუნტიანი შეთავაზება, რაც "იუნაიტედის" მიერ 31 წლის ფეხბურთელისთვის კვირაში 300 ათას ფუნტის გადახდის ფონზე და იშვიათი სათამაშო პრაქტიკიდან გამომდინარე სარფიანი წინადადება იქნება. ტრანსფერი ზაფხულში უფრო მეტად განხორციელებადი ჩანს, მაგრამ რუნის მსურველი ჩინური კლუბები ბევრს შრომობენ მიზნის მიმდინარე თვეში.

კომერციული სარგებელი "იუნაიტედისა" და ინგლისის კაპიტნისგან, რომელიც ამავდროულად კლუბისა და ნაკრების ყველა დროის საუკეთესო ბომბარდირია, ჩინეთში მეტისმეტად დიდი იქნება და აზიაში ფეხბურთის განვითარებასაც შეუწყობს ხელს.

"ბეიჯინგ გუოანი", რომელაც გასულ ზაფხულს სცადა რუნის შეძენა, მაგრამ არ გამოუვიდა, და "გუანგჟუ ევერგრანდე თაობაო" არიან ის გუნდები, რომელთაც ფეხბურთელს უკავშირებდნენ.

წყარო: telegraph.com