"მანჩესტერ იუნაიტედის" მთავარმა მწვრთნელმა ჟოზე მოურინიომ თავის შეგირდებს მოუწოდა, "ჩელსისთან" 4-0 განადგურების შემდეგ "მანჩესტერ სიტისთან" მატჩში ვაჟკაცობა გამოიჩინონ და შექმნილ ვითარებას კაცებივით გაუმკლავდნენ.
კვირას დაფიქსირებული შედეგი "იუნაიტედის" მიერ ყველა ტურნირზე ნაჩვენები 6-მატჩიანი წაუგებელი სერიის დასასრული იყო, მოურინიომ და "იუნაიტედთან" დაკავშირებულმა ყველა პირმა კი ნამდვილი კოშმარული საღამო გადაიტანეს.
მომდევნო შეხვედრას "წითელი ეშმაკები" ინგლისის ლიგის თასზე პოპ გვარდიოლას "მანჩესტერ სიტის" წინააღმდეგ გამართავენ და ეს მეორე შემთხვევა იქნება, როცა ესპანელისა და პორტუგალიელი მწვრთნელების გზები მანჩესტერულ დერბიში გადაიკვეთება. პირველი შემთხვევა "ოლდ ტრაფორდზე" "ცისფერების" გამარჯვებით დასრულდა. "მირჩევნია მომდევნო მატჩი პრემიერ ლიგაში გვქონდეს. ძალიან ცუდი ვითარება გვაქვს პრემიერ ლიგაში დაფიქსირებული შედეგების კომბინაციით, რამეთუ პირველ ადგილამდე სხვაობა 6 ქულაა.
ძალიან რთული პერიოდი გვქონდა. ამ კვირაშიც დავკარგეთ ქულები და მაშინაც კი, როცა კარგად ვთამაშობდით. ახლა მოგების დროა.
არ ვამბობ, რომ ადვილი იქნება, მაგრამ წინ "ბარნლისთან", "სუონსისთან", "ვესტ ჰემთან", "სანდერლენდთან" და "მიდლსბროსთან" მატჩებია - ისინი უნდა მოვიგოთ.
პირველი ოთხეულის, პირველი ხუთეულის გუნდები ერთმანეთის წინააღმდეგ თამაშობენ და ისინიც დაკარგავენ ქულებს, როგორც ეს ჩვენ "ჩელსისა" და "ლივერპულთან" მოგვიხდა.
ძალიან, ძალიან დამწუხრებულები ვართ, მაგრამ ეს ბავშვის საქმეა, არათუ კაცის... ვაჟკაცობა უნდა გამოვიჩინოთ და მომდევნოსთვის ვიშრომოთ", - განაცხადა მოურინიომ.