მატჩის კონტროლი
"ძალიან კარგი თამაში ჩავატარეთ. ყოველთვის რთულია, ისე კომფორტულად მოიგო მატჩი, როგორც ეს ჩვენ მოვახერხეთ. პირველი გოლის შემდეგ, მათი სისუსტე ვიგრძენით და მას შემდეგ კიდევ უფრო კარგად ვითამაშეთ. მეორე ტაიმში კიდევ ოთხი გოლის გატანას არავინ ფიქრობდა, მთავარი კონტროლი იყო."

პოზიტიური სტარტი
"ვფიქრობ, პირველად მოვახერხეთ შეხვედრის კარგად დაწყება. როგორც წესი, მეორე ტაიმში უკეთ გამოვიყურებით, ვიდრე პირველში. არ ვიცი ასე რატომ მოხდა - იმავე მიდგომით მოვემზადეთ ამ დღისთვის, როგორც აქამდე ვემზადებოდით. დღეს ინტენსიურად ვმოქმედებდით, სწორად ვმოძრაობდით, დინამიურები და თავის კარგად დამცველები ვიყავით. ეს ყველაფერი გასაანალიზებლად მარტივია, მაგრამ გასამკლავებლად რთული. სახლში დაბრუნება და ჩემპიონების დამარცხება კარგია. გასულ სეზონში მათ ვერცერთხელ ვძლიეთ, მიმდინარეში კი ეს უკვე ორჯერ მოვახერხეთ."

გამართლდა თქვენი მოლოდინები?
"შემიძლია ვთქვა, რომ გამართლდა. ბევრად უფრო აგრესიულები ვიყავით. ბურთის დაკარგვისას, გუნდს სწრაფი რეაქცია ჰქონდა , მიზანმიმართულად და სწრაფად ვმოქმედებდით. ისე ვითამაშეთ, როგორც გვინდოდა გვეთამაშა. მატჩისთვის ყოველთვის კარგად ვემზადებით, მაგრამ მისი მსვლელობისას ბევრი რამ იცვლება, კონტროლს კარგავ და გაუთვალისწინებელი გადაწყვეტილებების მიღება გიწევს. ამიტომაცაა ფეხბურთი მშვენიერი."

გამარჯვება გუნდური თამაშის თუ ინდივიდუალური ოსტატობის ხარჯზე?
"გუნდმა კარგად ითამაშა. ოთხი გოლი გავიტანეთ, რომელთაგან თავდამსხმელის არცერთია, თუმცა მაინც ვფიქრობ, რომ მან ფენომენალურად ითამაშა. ზლატანი ფანტასტიკური იყო, ის შეტევების წამოწყებაში დიდ როლს თამაშობდა. ხუან მატა ძალიან სწრაფად იღებს გადაწყვეტილებებს, რეშფორდი და ლინგარდი კი მატჩის მსვლელობის ტემპს ამაღლებს. საერთო ჯამში, გამარჯვება გუნდის დამსახურებაა."

რუნი კვლავ მნიშვნელოვანია
"ის დიდი ფეხბურთელია ჩემთვისაც, "იუნაიტედისთვისაც" და ქვეყნისთვისაც. მეტი არაფრის თქმა მსურს. მას ბოლომდე ვენდობი, უეინი ახლა ისეთივე ბედნიერია, როგორიც მე ვარ, რადგან მისმა გუნდმა მოიგო."

გამარჯვება უნდა განვაგრძოთ
"პრემიერ ლიგაში ექვსი ქულა დავკარგეთ. ფრეს არ ვთამაშობთ, მოგებას ვცდილობთ. დღეს შედეგსაც მივაღწიეთ, კარგადაც ვითამაშეთ და ფანებიც გავაბედნიერეთ. ხუთშაბათს კიდევ ერთი მნიშვნელოვანი მატჩი გველოდება და ვფიქრობ, დღევანდელი შედეგი ჩვენს განწყობაზე იმოქმედებს"

წყარო: manutd.com