"მანჩესტერ იუნაიტედის" ოფიციალური საიტი ადასტურებს პოლ პოგბას ტრანსფერს. პოლმა კლუბთან ხუთწლიანი კონტრაქტი გააფორმა , რომელიც ასევე ითვალისწინებს გახანგრძლივების პუნქტსაც.

23 წლის ფრანგი ნახევარმცველი "იუვენტუსის" შემადგენლობაში 4 სეზონი ასპარეზობდა, სადაც 124 მატჩი ჩაატარა და 28 გოლი გაიტანა. შეგახსენებთ, რომ ფეხბურთელი ტურინულ კლუბს სწორედ "იუნაიტედის" დატოვების შემდეგ შეუერთდა.

პოლის კომენტარი ტრანსფერთან დაკავშირებით:

"კმაყოფილი ვარ, რომ კლუბს თავიდან შევუერთდი. "იუნაიტედს" ყოველთვის დიდი და განსაკუთრებული ადგილი ეკავა ჩემს გულში, ასე რომ, მზად ვარ ჟოზე მოურინიოსთან სამუშაო დავიწყო. "იუვენტუსთან" და ჩემს ყოფილ თანაგუნდელებთან, რომლებსაც ჩემს კარგ მეგობრებად ვთვლი, ბევრი ფანტასტიკური მომენტი მაკავშირებს. მაგრამ ვგრძნობდი, სწორედ რომ საჭირო დროს დავბრუნდი "ოლდ ტრაფორდზე". "იუნაიტედის" გულშემატკივრის წინ ყოველთვის მსიამოვნებდა თამაში, ასე რომ, მზად ვარ გუნდში თავიდან ჩავეწერო. ეს არის სწორედ ის კლუბი, რომელთან ერთადაც შემიძლია ყველაფერს მივაღწიო."

ტრანსფერზე მცირე კომენტარი გააკეთა ასევე "იუნაიტედის" თავკაცმა, ჟოზე მოურინიომ: "პოლი მსოფლიოს ერთ-ერთი საუკეთესო ფეხბურთელია და ის ჩვენს გუნდში წამყვანი ფიგურა იქნება. მსურს ჩვენი თამაში მის გარშემო აეწყოს. ის არის სწრაფი, ძლიერი, იტანს გოლებს და კითხულობს თამაშს იმაზე უკეთესად, ვიდრე მასზე ასაკით დიდი სხვა ფეხბურთელები. ის არის ახალგაზრდა და მას შეუძლია განვითარდეს. მას აქვს შანსი, რომ კლუბისა და გულშემატკივრის გულში დაიმკვიდროს ადგილი დიდი ხნით."

წყარო: manutd.com