ჟოზე მოურინიომ დორტმუნდის "ბორუსიასთან" მატჩის წინ პრესკონფერენცია გამართა, სადაც შემადგენლობისა და უახლოესი შეხვედრის შესახებ ისაუბრა.
"უიგანის" წინააღმდეგ უკანასკნელ მატჩში, სასტარტო შემადგენლობაში გუნდის ახალწვეული ერიკ ბაიი მოხვდა, რომელსაც დეილი ბლინდი შეუწყვილდა, თუმცა, პორტუგალიელი სპეციალისტის თქმით, იგი ტურნეზე სხვადასხვა კომბინაციებით თამაშს აპირებს.
"უიგანთან" მატჩში, მე ბაიი და ბლინდი ცენტრალურ მცველებად გავამწესე. "ბორუსიასთან" შეხვედრას კი ერიკი და ჯონსი დაიწყებენ, რათა ვნახო განსხვავებული გზები და მივაღწიოთ საუკეთესო შედეგს, თუმცა, ახლა ეს მნიშვნელოვანი არ არის."
"შანხაი სთედიუმზე" გამართული მატჩი გერმანელების წინააღმდეგ, "იუნაიტედისთვის" ზაფხულის ყველაზე დიდი გამოცდა იქნება.
"მათ, ვარჯიში ჩვენგან განსხვავებით რამდენიმე კვირის წინ დაიწყეს და მოთამაშეთა უმრავლესობაც ევროპის ჩემპიონატსა და კოპა ამერიკაზე არ მონაწილეობდა.
გერმანელთა შემადგენლობაში მხოლოდ 3 მოთამაშე ისვენებს. მთელი გუნდი უკვე ერთი თვეა რაც ვარჯიშობს და როგორც ვთქვი, მათ 5 შეხვედრა უკვე ჩაატარეს. ველოდები ორი სხვადასხვა გზით მომზადებულ გუნდს, მაგრამ ეს ჩვენთვის უფრო დიდი გამოწვევა იქნება.
აქ, წინასასეზონო ტურნეზე, ქულებისთვის არ ვთამაშობთ და თუ ვერ მოვიგებთ, ეს უბრალო მარცხი იქნება. ვცდილობთ, გუნდში ფეხბურთელების უკეთ სათამაშოდ კარგი პირობები შევქმნათ. მაგალითად, მე მსურს ვნახო სხვადასხვა ფორმაცია, სხვადასხვა ფეხბურთელები - სხვადასხვა პოზიციაზე, სხვადასხვა კომბინაციებით,"