"მანჩესტერ იუნაიტედის" რობინ ვან პერსი კვირას "ოლდ ტრაფორდზე" დაუპირისპირდება "ლივერპულის" ლუის სუარესს. ეს ორეული აპირებს იბრძოლოს სეზონის ბოლომდე და გახდეს პრემიერ-ლიგის ბომბარდირი. მაგრამ ჩნდება კითხვა რომელი უფრო უკეთესი მოთამაშეა და რომელი უფრო მნიშვნელოვანია გუნდისთვის? ამ ყველაფერს ქვემოთ გაიგებთ სხვადასხვა სტატისტიკის დახმარებით.

ამ მხრივ, ორივე ფეხბურთელი ძალზე ახლოსაა ერთმანეთთან. რობინ ვან პერსის აქვს 20 გოლი, 26 ჩატარებულ მატჩში, სუარესს კიდე იგივე რაოდენობის მატჩში ორით ნაკლები. სუარესმა ამ გოლების გატანა 14 სხვადასხვა მატჩში მოახერხა რობინმა კი 15_ში. ვან პერსი საშუალოდ გოლს 98.8 წუთში ერთხელ იტანს, როცა სუარესის ეს მაჩვენებელი 18 წუთით მეტია - 117.2 წუთი.
ვან პერსი: 10/10
ლუის სუარესი: 9/10

ორივე თავდამსხმელი ძალიან სახიფათოა საჯარიმოში, მაგრამ როცა დარტყმებზეა საქმე სუარესს ბევრად მეტი დარტყმა აქ. ჯერ-ჯერობით ამ სეზონში ურუგვაელს 113 დარტყმა აქ განხორციელებული, როცა რობინს 75. მაგრამ როცა კარის ჩარჩოში დარტყმებზე დგება საქმე ვან პერსი უკეთესია. მისი დარტყმების 50.7 პროცენტი კარის ჩარჩოში ხვდება, სუარესის 46.9 პროცენტი.
ვან პერსი: 9
სუარესი: 9

როდესაც საქმე დგება საგოლე გადაცემებზე, აქ ერთ პიროვნულად გამორჩეული რობინ ვან პერსია. ჰოლანდიელს ამდენ გატანილ გოლთან ერთად ექვსი საგოლე პასიც აქვს როცა სუარესის ეს მაჩვენებელი სამია.
ვან პერსი: 10
სუარესი: 9

ორივე ფეხბურთელი ძალზე მნიშვნელოვანია თავიანთი გუნდისათვის. მაგრამ ვან პერსის გავლენა "მანჩესტერ იუნაიტედის" თამაშზე და ამ დროისათვის მიღწეულ შედეგზე უფრო დიდია. თუ ჩვენ "იუნაიტედს" ვან პერსის გოლებს და საგოლე გადაცემებს გამოვაკლებთ ვნახავთ, რომ გუნდს ახლა 27 ქულით ნაკლები ექნებოდა. თუ ამავეს ჩვენ სუარესის მაგალითზე ვიზავთ მივიღებთ 12 ქულიან განსხვავებას.
ვან პერსი:10
სუარესი:8

სუარესს თავისი აღნაგობიდან გამომდინარე უადვილდება დრიბლინგი. ურუგვაელს სწრაფად შეუცლია მიმართულებების ცვლა, რაც მცველებს თავბრუს ახვევს. მართალია, რობინი ტექნიკური ფეხბურთელია, მაგრამ მისი სტილი არ არის დრიბლინგი. ამიტომაც ამ ასპექტში ლიდერი სუარესია.
ვან პერსი: 9
სუარესი: 10

კითხეთ ნებისმიერ მწვრთნელს და ნახავთ, რომ ყველას უნდა ამ ორი ფეხბურთელის ხილვა თვის შემადგენლობაში. აქედან გამომდინარე ეს ორი ფეხბურთელი იმსახურებს პატივისცემას. სუარესის საქციელი მოედნის გარეთ, სიმულაციები და რიგ ეპიზოდებში ხელით თამაში მის რეპუტაციას ლახავს, მაგრამ ის თუ რამდენ კარგ რამეს აკეთებს სუარესი გუნდისთვის, ლივერპულს სხვა მხრივ პრეტენზია არ აქვს მის უარყოფით მხარეზე. რობინ ვან პერსის "იუნაიტედში" გადმოსვლის დღიდანვე არანაირი პრობლემა არ შეუქმნია კლუბისთვის, მეტიც მან ძალზე ბევრი რამ შემატა გუნდს.
ვან პერსი: 10
სუარესი: 9

ვან პერსი უდაოდ პირველია, მაგრამ არც ისე დიდი განსხვავებაა სუარესთან რაც აღნიშნავს იმას, რომ სუარესიც მნიშვნელოვანი ფეხბურთელია ლივერპულისთვის.

საბოლოო ანგარიში:

რობინ ვან პერსი: 58/60
ლუის სუარესი: 54/60