ანხელ დი მარია, რომელიც "იუნაიტედის" სარეკორდო ტრანსფერი გახდა ზაფხულში, შესაძლოა პარიზულ გუნდში აღმოჩენილიყო რომ არა ისეთი დიდი თანხა, რამდენსაც "რეალი" ითხოვდა.
მას შემდეგ რაც ანხელმა კონტრაკტს ხელი მოაწერა და "წითელი ეშმაკი" გახდა "პსჟ"-ს პრეზიდენტმა ნასერ ალ-ხელიაფმა განაცხადა რომ, დი მარიას მის გუნდში თამაში სურდა, თუმცა გუნდმა ვერ მოახერხა მისი შეძენა სანქციების გამო.
დღეს დილით ფრანგულ რადიოსთან ინტერვიუში ხალიფას სიტყვები გაამყარა თავად არგენტინელმა:
"ვფიქრობ პრობლემა მხოლოდ ფასი იყო. მათ არ შეეძლოთ ამხელა თანხის გადახდა და ეს იყო მთავარი მიზეზი იმისა რომ, მე არ წავედი პარიზში. ამ ფრანგულ კლუბში თამაში ჩემი აზრით ყველა ფეხბურთელს სურს, მაგრამ მე ახლა პრემიერ ლიგაში ვარ და აქ ვეცდები თავის გამოჩენას.
წავალ თუ არა პარიზში მომავალში? შეიძლება. მე ჯერ კიდევ ახალგაზრდა ვარ. ფეხბურთში ძალიან ბევრი მოულოდნელი ტრანსფერები ხორციელდება ამიტომ არ ვიცი რა მოხდება.
ძალიან ბევრი გუნდი ინტერესდებოდა ჩემით. თუმცა გარკვეული ნაწილი შეთავაზების შემდეგ აღარ აქტიურობდა, "იუნაიტედი" კი ბოლომდე იბრძოდა ჩემთვის, რადგან ძალიან სურდათ ჩემი ხილვა წითელ მაისურში. ასე ავღმოჩნდი აქ და ეს არის სიმართლე."- დაასრულა დი მარიამ.