როდესაც "მანჩესტერ იუნაიტედის" ისტორიაზე ვსაუბრობთ, უამრავი დიდებული გუნდი შეიძლება გავიხსენოთ, რომელიც ამათუ იმ ფეხბურთელებს უკავშირდებოდა, თუნდაც 1999 წლის მსოფლიო ფეხბურთის არსებობის ისტორიაში ერთ-ერთი უდიდესი გუნდი, შემდეგ იყო ერიკ კანტონას ეპოქა, რომელიც კრისტიანო რონალდომ ჩაანაცვლა, ბოლოს კი გუნდი მე-20 გახდა ჩემპიონი, იცვლებოდნენ ფეხბურთელები, შეუცვლელი მხოლოდ ერთი ადამიანი იყო - სერ ალექს ფერგიუსონი. იგი წავიდა, დასრულდა ფეხბურთის არსებობის ისტორიაში ერთ-ერთი უდიდესი ეპოქა, ფერგის ეპოქა. დიდებული ადამიანები თავის სიდიადეს სწორედ ამით ადასტურებენ, ქმნიან ეპოქას, რომელიც სამუდამოდ რჩება ადამიანთა მეხსიერებაში, მასზე ლაპარაკობენ წლების, საუკუნეების შემდეგ, სწორედ ასეთი ეპოქა შექმნა სერ ალექსმა, მასზე იზრდებოდნენ თაობები, მე ტყუილად არ მოგიყვანეთ მაგალითი ჩემი ოჯახისა, თითოეულ ჩემი ოჯახის წევრს ახსოვს სერ ალექსის ეპოქა, გავა დრო და მამები საკუთარ შვილებს მოუყვებიან მის შესახებ, სამყაროს არაერთი დიდი მებრძოლი, ხელოვანი თუ სხვა ადმაიანი ახსოვს, რომელიც ისტორიაში შევიდა, მათ გვერდით თავისუფლად დადგება სერ ალექს ფერგიუსონი ადამიანი, რომელმაც დროს გაუსწრო, ადამიანი, რომელიც თავად იყო "მანჩესტერ იუნაიტედი" და ადამიანი, რომლის მაგალითზეც მთელი თაობები იზრდებოდნენ.

დღეს ყველას უმძიმს, უმძიმს იმ თითოეულ ადამიანს, რომელსაც რაიმე აკავშირებს "მანჩესტერ იუნაიტედთან", ფეხბურთელებს, გუნდის მფლობელებს, სამწვრთნელო შტაბს, მაგრამ ალბათ ყველაზე მეტად გულშემატკივრებს უმძიმთ. ის რაც ნებისმიერი სხვა გუნდის გულშემატკივრისთვის ჩვეულებრივი მოვლენაა, "მანჩესტერ იუნაიტედის" ქომაგებმა, ყოველ შემთხვევაში ბევრმა მათგანმა პირველად გამოსცადა. 27 წელი არ არის ცოტა დრო, ეს ის დროა სადაც მთელი თაობა გაიზარდა, ალბათ ბევრი ნამდვილად არ იქნება ისეთ ადამიანი, რომელსაც ახსოვს "მანჩესტერ იუნაიტედი" სერ ალექსის გარეშე. სევდა, მონატრების გრძნობა, ალბათ ერთგვარად შიშიც - ეს ის გრძნობებია რასაც ახლა "მანჩესტერ იუნაიტედის" გულშემატკივრები განიცდიან, თუმცა არის ალბათ უცნაური შეგრძნება, რომელსაც ვერ ახსნი, შეგრძნება იმისა რომ "მანჩესტერ იუნაიტედში" პირველად 27 წლის შემდეგ ახალი მთავარი მწვრთნელი ინიშნება, ახალი მთავარი "ეშმაკი", რომელსაც უნდა ენდოს მილიონობით გულშემატკივარი. ალბათ სწორედ ესაა ყველაზე რთული მომენტი გულშემატკივრებისთვის, ისევე როგორც ფეხბურთელებისთის, ენდო სერ ალექსის შემდეგ ვინმეს საკმაოდ რთულია, ალბათ არ იქნება სწორი ახლა მის შემცვლელზე საუბარი, რადგან ფერგის შეცვლა დღეს ამ გუნდისთვის არავის შეუძლია.

და რა იქნება მომავალში? ალბათ პირველ რიგში იმას უნდა შეეგუონ "იუნაიტედის" გულშემატკივრები, რომ ეს იქნება მათი საყვარელი გუნდის და თავად ფანების ყველაზე დიდი გამოცდა. როგორ შეხვდებიან ისიანი ახალ მთავარ მწვრთნელს, იქნება გამოცდა თავად ახალი მწვრთნელისაც, თუმცა ალბათ ყველაზე ნაკლებად, რადგან არავის, ვინც არ უნდა გახდეს "იუნაიტედის" ახალი წინამძღოლი არავინ მოთხოვს სერ ალექსის შეცვლას პირველსავე სეზონებში. ყველაზე დიდი გამოცდა კი ფეხბურთელებს აქვთ წინ, იმ ფეხბურთელებს, რომლებიც ფერგისთვის იბრძოდნენ, ახლა კი მათ ბრძოლა ფერგის გარეშე მოუწევთ, არის საუბრები რომ შესაძლოა ბევრი ფეხბურთელი წავიდეს გუნდიდან, თუმცა ეს ყველაზე ნაკლებადაა მოსალოდნელი, ახლა "იუნაიტედს" ისე ჭირდება ერთიანობა როგორც არასდროს. ზემოთ ვსაუბრობდით თუ რაოდენ რთული იქნებოდა ეს პერიოდი ყველასთის, თუმცა ყველაზე რთული თავად ფერგისთვის იქნება, ადამიანისთვის, რომელმაც მთელი თავისი ცხოვრება ერთ გუნდს მიუძღვნა, რთულია მასა და "მანჩესტერ იუნაიტედის" დამოკიდებულებაზე ვისაუბროთ როგორც მწვრთნელისა და ერთ გუნდის, ეს უფრო ოჯახური დამოკიდბეულება იყო, 27 წელი ის დროა, როდესაც ჩვეულებრივი საფეხბურთო გუნდი ერთ დიდ ოჯახათ კეთდება და ამ ოჯახის უფროსი სწორედ სერ ალექსი იყო.

"მანჩესტერ იუნაიტედის" ისტორიაში კიდევ ერთი ფურცელი გადაიშალა, თუმცა რთულია სერ ალექსს მხოლოდ ისტორიის ერთი ფურცელი ვუწოდოთ, ის შეგვიძლია მდიდარ წიგნს შევადაროთ, რომლისგანაც სწავლოდბნენ სხვები. როგორც თავად განაცხადა ფერგი გუნდში რჩება, თუმცა გულშემატკივრები მას ყოველ თამაშზე ვეღარ დაინახავენ სათადარიგოთა სკამზე, რთულია ფერგის წასვლის შემდეგ ვისაუბროთ რომ ამით ყველაფერი არ სრულდება, რადგან ფაქტია რომ დასრულდა ერთი ძალიან დიდი ეპოქა, ისიც გასაგებია რომ ფეხბურთელებს სულ სხვა შეგრძნება ექნებათ როდესაც სათადარიგოთა სკამისკენ გაიხედავენ და იქ სერს ვერ დაინახავენ, თუმცა ალბათ დღეს ყველაზე მეტად სწორედ მათ უნდა მოინდომონ და მათ უნდა იბრძოლონ, პირველ რიგში სწორედ ფერგისთვი., გულშემატკივრებს კი წინ გადამწყვეტი გამოცდა ელით, უდავოა რომ 76 000 "ოცნებათა თეატრი" ახალი სეზონის დაწყების წინ, ახალ მთავარ მწვრთნელს ჯერ არნახული ოვაციებით შეხვდება, თუმცა თითოეულ მათგანს გული სევდით ექნება სავსე. შემდეგ სეზონამდე დარჩა მატჩი "სუონსისთან", რომელიც კვირას გაიმართება და სადაც "იუნაიტედს" მის კუთვნილ თასს გადასცემენ, ეს იქნება ცერემონიალი და ეს იქნება სერ ალექს ფერგიუსონის გაცილება - უბრალოდ ეს იქნება ყველა დროის ყველაზე ცრემლიანი დაჯილდოვება."