ბრიტანული "ექსპრესი" სასიამოვნო ამბებს აანონსებს. გულშემატკივრებს დღევანდელი დღე შესაძლოა სამუდამოდ დაამახსოვრდეთ. ჯეკ ოტვეის ინფორმაციით "იუნაიტედი" დაადასტურებს :
1. ალექსის სანჩესის გადაბირების შესახებ, რომელსაც ელოდება 4.5 წლიანი კონტრაქტი, ყოველკვირეული 270 000 ფუნტით. რომლის გაფორმებაც, დღევანდელი ფასებისა და "სიტის" დაინტერესების ფონზე 35 მილიონ ფუნტად ნამდვილად წარმატებული გარიგებაა, რაც ვუდვორდის აქტივში ჩაიწერება. ჩილელი უნივერსალი ხელმისაწვდომი იქნება ორ დღეში "ტარფ მურზე" გასამართ შეხვედრაში. ერთი თვის თავზე კი "იუნაიტედის" მაისურით "სევილიას" წინააღმდეგ გასამართ ორ მატჩიან დუელში.
2. კლუბმა უნდა გამოაცხადოს, მთავარ მწვრთნელთან კონტრაქტის კიდევ ორი წლით გახანგრძლივების შესახებ, რაც დაასრულებს მითქმა-მოთქმებს ჟოზე მოურინიოს პარიზში გადაბარგებაზე.
3. რიგით მესამე, მაგრამ ყველაზე მნიშვნელოვანი. დავიდ დე ხეა 2019 წლამდე გათვლილ კონტრაქტს, კიდევ სამი წლით გააგრძელებს და შვებით ამოსუნთქვის საშუალებას მისცემს "იუნაიტედის" თითოეულ გულშემატკივარს. ბოლო რამდენიმე წელია, არცერთ სატრანაფერო ფანჯარას არ ჩაუვლია დეხეას მადრიდში გადაბარგებაზე აგორებული ჭორების გარეშე.
საზეიმო პრეზენტაციისთვის მზადების კადრებს, რომელიც "კარინგტონზე" იგეგმება, ადასტურებს ანდერ ერერას ინსტაგრამ გვერდზე გავრცელებული ვიდეო.