ჟოზე მოურინიოს "მანჩესტერ იუნაიტედი" ზაფხულში მინიმუმ 150 მლნ. ფუნტს გადასცემს, რათა თავისი სატრანსფერო სამიზნეები ანდრე გომეში, ჟოაო მარიო, ჯონ სტოუნსი, ალვარო მორატა, მაურო იკარდი და ეზეკიელ გარაი შეიძინოს.

ლუი ვან გაალის შეცვლას პორტუგალიელი მწვრთნელით დიდი სხვაობა მოჰყვება კლუბში, მაგრამ ეს სასარგებლო იქნება რამდენიმე უკმაყოფილო მოთამაშისთვის, რომელთა შორისაა დავიდ დე ხეა, მაიკლ კერიკი და ანდერ ერერა. ხუან მატამ კი შეიძლება კლუბი დატოვოს.

მოურინიო ინტერესს აღადგენს სტოუნსისადმი, რომელიც 40 მლნ. ფუნტზე მეტი ეღირება და რომლის შეძენას გასულ ზაფხულს "ჩელსის" მთავარი მწვრთნელობისასაც აპირებდა, თუმცა კონკურენციის გაწევა "მანჩესტერ სიტისთვის" მოუწევს. "იუნაიტედმა" ასევე ისურვა მორატას თანაგუნდელების ალექს სანდროსა და პოლ პოგბას შეძენა. თუმცა ინგლისელებს თითოეული მათგანისთვის 116 მლნ. ფუნტი მოსთხოვეს, რამაც კლუბის ინტერესს მაშინვე ბოლო მოუღო.

მიუხედავად იმისა, რომ ჯერჯერობით ოფიციალურად არ გამოცხადებულა მოურინიოს დანიშვნა "იუნაიტედის" მთავარი მწვრთნელის პოსტზე, მან უკვე შეადგინა ჟორჟე მენდეშთან ერთად სატრანსფერო სამიზნეთა სია.

ასეთთა რიგებში კი ზემოჩამოთვლილთა გარდა მოხვდა "ვალენსიას" 22 წლის ნახევარმცველი გომეში, რომელიც 40 მლნ. ფუნტი ეღირება.

ჟოაო მარიო, 23 წლის პორტუგალიელი ნახევარმცველი, რომელიც "სპორტინგში" თამაშობს. მისი საფასური 27 მლნ. ფუნტი იქნება.

გომეშისა და მარიოსადმი მოურინიოს ინტერესი სავალალო შეიძლება აღმოჩნდეს ბასტიან შვაინშტაიგერისთვის, რომელიც აგვისტოში 32 წლის შესრულდება. კლუბში დარჩენაზე ფიქრობს კერიკიც, მაგრამ ის 35 წლის გახდება ივლისში და შეიძლება, კვირაში ორჯერ ვერ ითამაშოს.

"ზენიტის" 29 წლის მცველი გარაი ადრე მოურინიოს ხელმძღვანელობით "რეალში" თამაშობდა, მაგრამ გამომდინარე იქიდან, რომ 2011 წელს მოურინიომ ის უკვე გაყიდა, შეიძლება მხოლოდ მეორე არჩევანი გამოდგეს ჯონ სტოუნსის შემდეგ.

23 წლის იკარდი მოურიოს კიდევ ერთი სამიზნეა, მაგრამ ისიც მხოლოდ იმ შემთხვევაში, თუ მორატას გადაბირებას ვერ შეძლებენ.

მორატა დაახლოებით 40 მლნ. ფუნტი ღირს, "რეალი" კი მის გამოსასყიდ 23.6 მლნ. პუნტს აამოქმედებს და "იუვენტუსიდან" დაიბრუნებს, მერე კი შეთავაზებებს განიხილავს. ესპანელი თავდამსხმელი სხვა კლუბებს "იუნაიტედში" გადასვლას ამჯობინებს, რადგანაც მოურინიოს ხელმძღვანელობით თამაში სურს.

მიუხედავად იმისა, რომ დავიდ დე ხეას მორიგი დიდებული სეზონი აქვს, ის არ აპირებს ვან გაალის ხელმძღვანელობით კიდევ ერთი სეზონი გაატაროს, ამიტომ მოურინიოს დანიშვნას მიესალმება.

თუმცა ვან გაალის მწვრთნელობის პერიოდში მაიკლ კერიკი ვიცე-კაპიტნად დაინიშნა და ვეტერანი ფეხბურთელი დიდ როლს თამაშობდა გუნდის ცხოვრებაში, მასაც სურს, წასვლა, თუკი ვან გაალი დარჩება.

დე ხეასა და კერიკის გარდა პორტუგალიელის მისვლა გაუხარდებათ სხვა ფეხბურთელებსაც. ერერა მათ შორის ერთ-ერთია, რადგანაც მას ბევრი შანსი არ ეძლეოდა ვან გაალის პერიოდში.

წყარო: theguardian