"მანჩესტერ იუნაიტედმა" გამოაცხადა რეკორდული შემოსავალი, 98.5 მილიონი ფუნტი, რომელიც კლუბმა ფინანსური წლის პირველ სამ თვეში მიიღო.

შემოსავალი გაიზარდა 29%-ით, სპონსორებიდან შემოსული თანხის და სატელევიზიო ტრანსლიაციის ხარჯზე. ამ კვარტალში "იუნაიტედმა" გააფორმა 12 ახალი კონტრაქტი სხვადასხვა ფირმასთან, მათ შორის იყო რუსული ავიაკომპანია "აეროფლოტი". კლუბში თვლიან, რომ წლიური შემოსავალი შეადგენს 420-430 მილიონ ფუნტს, რაც "იუნაიტედს" გაუტოლებს ევროპის ისეთ მდიდარ კლუბებს, როგორიც "რეალი" და "ბარსელონაა". ასევე, ამ კვარტალში პერსონალის ხელფასებმა იმატა 31%-ით და შეადგინა 52.9 მილიონი ფუნტი.

უნდა აღინიშნოს, რომ "იუნაიტედი" იმყოფება ამერიკული ოჯახის, გლეიზერების მმათველობაში, რომელთაც ახლახანს ხელი მოაწერეს შეთანხმებას მატჩების ტრანსლირების შესახებ. ამ კონტრატის მიხედვით BT Sport-მა გადაიხადა დაახლოებით 900 მილიონი ევრო, რაც მათ საშუალებას მისცემს მოახდინოს "ჩემპიონთა ლიგის" და "ევროპის ლიგის" მატჩების ტრანსლირება, სამი წლის განმავლობაში.

კლუბის წარმომადგენლების განცხადებით "იუნაიტედმა" ამ კვარტალში გააფორმა 12 ახალი კონტრაქტი, მათ შორის აღსანიშნავია "აეროფლოტი" და არაალკოჰოლური სასმელების მწარმოებელი "PepsiCo". ლიცენზირებულმა ტანსაცმელმა და სხვა პროდუქტებმა სულ შეადგინეს 10.7 მილიონი ფუნტი, რაც 13.8%-ით მეტია გასულ წელთან შედარებით. ხოლო ტელეტრანსლაციიდან შემოსული თანხა გაიზარდა 41%-ით და შეადგინა 19.3 მილიონი ფუნტი.