"მანჩესტერ იუნაიტედის" მთავარი მწვრთნელი ოლე გუნარ სოლსკიაერი აცხადებს, რომ "ტოტენჰემის" მთავარი მწვრთნელის პოსტიდან მაურისიო პოჩეტინოს გათავისუფლებამ მისი მდგომარეობა მცირედითაც კი არ შეარყია.

სანამ სოლსკიაერი "იუნაიტედთან" მუდმივ კონტრაქტს გააფორმებდა, არგენტინელი სპეციალისტი "ოლდ ტრაფორდზე" მუშაობის მთავარ ფავორიტად ითვლებოდა, მიმდინარე კვირაში კი "ტოტენჰემმა" მაურისიო გაათავისუფლა, რაც იმას ნიშნავს, რომ პოჩეტინოს კვლავ დაუკავშირებენ "იუნაიტედს", თუ სოლსკიაერის შედეგები გაუარესდება.

თუმცა, ოლე გუნარი ამასთან დაკავშირებით სიმშვიდეს ინარჩუნებს.

"ეს საერთოდ არ მაღელვებს. მსოფლიოში საუკეთესო სამსახური მაქვს.

როცა სამსახური არა გაქვს და მწვრთნელი ხარ, ყოველთვის ცდილობს პოსტზე დაბრუნებას. არ მაღელვებს, რა ხდება ჩემ ირგვლივ. მე მხოლოდ "მანჩესტერ იუნაიტედზე" უნდა ვიფიქრო და რაც შეიძლება კარგად შევასრულო სამუშაო.

ხშირად ველაპარაკები ედ ვუდვორდსა და მფლობელებს იმის შესახებ, თუ როგორ უნდა გავაუმჯობესოთ კლუბი. ამას კი სხვა კლუბებიდან მწვრთნელების დათხოვნა ვერაფრით შეცვლის".