მას შემდეგ რაც ხანგრძლივი მოლაპარაკებებისა და სხვადასხვა შეთავაზებების შემდეგ, ანტონიო კონტეს "ინტერმა" გლეიზერების "მანჩესტერ იუნაიტედთან" კლუბის ბელგიელი თავდამსხმელის თაობაზე მოლაპარაკებები წარმატებით ვერ დაასრულა, საქმეში ტურინის "იუვენტუსი" თავისი არგენტინელი ფეხბურთელით პაულო დიბალათი ჩაერთო.
როგორც ჩანს აღნიშნული "ნერაძურის" არ მოეწონა და მზად არის, "წითელ ეშმაკებს" საბოლოო წინადადებით მიმართოს. "ნერაძურიმ" შესათავაზებელ თანხას მოუმატა და ისინი ლუკაკუსთვის ამჯერად 80 მილიონ ევროს გამოყოფენ ბონუსების ჩათვლით. ინფორმაციას იტალიური პრესა ავრცელებს.
შეგახსენებთ, რომ გარკვეული ხნის უკან, ოლე გუნარ სოლსკიაერის 26- წლის ფეხბურთელმა განაცხადა, რომ იტალიურ "ინტერში" თამაში სურდა, ხოლო მათი ახლადდანიშნული მთავარი მწვრთნელი ანტონიო კონტეს მსოფლიოში საუკეთესო სპეციალისტი უწოდა.
თუმცა, პრესაში ასევე გაიჟღერა ინფორმაციამ, რომ ლუკაკუ ტურინის "იუვენტუსში" გადასვლის წინააღმდეგიც არ არის. როგორც ჩანს, მიმდინარე სატრანსფერო ფანჯარაზე, ბელგიელის "მანჩესტერული" კარიერა დასრულდება.