გასულ კვირას, სპორტულმა გამოცემებმა დაანონსეს ტრანსფერი რომელიც ინგლისური გრანდისთვის, ოლე გუნარ სოლსკიაერის "მანჩესტერ იუნაიტედისთვის" მიმდინარე სატრანსფერო ფანჯარაზე რიგით მესამე უნდა ყოფილიყო.
საქმე ეხება ფრანგული "ლილის" კოტ'დივუარელ შემტევნახევარმცველს ნიკოლას პეპეს. დღეს გავრცელებული ცნობით ფრანგები 24- წლის ნიჭიერი ფეხბურთელის "ოლდ ტრაფორდზე" გაშვებას არ აპირებენ. მიზეზი სატრანსფერო თანხაა.
პრესის მიერ აქამდე გაჟღერებული ცნობით, ედ ვუდვორდი პეპეს სანაცვლოდ ფრანგების მიერ მოთხოვნილ 70 მილიონი ფუნტი სტერლინგის შესამჩნევად დაკლებას გეგმავდა, თუმცა ამ მომენტისთვის მათ ნიკოლასის სანაცვლოდ არანაკლებ 80 მილიონი ევროს მიღება სურთ. ინფორმაციას Yahoo Sport- ი ავრცელებს.
ნიკოლას პეპეს მის ამჟამინდელ კლუბთან ხელშეკრულება 2022 წლამდე აკავშირებს. გასულ სეზონში პეპემ "ლილის" მაისურით 41 ჩატარებულ შეხვედრაში საკუთარ აქტივში 23 გოლი და 12 საგოლე გადაცემა ჩაიწერა.