"მანჩესტერ იუნაიტედს" ჯერ კიდევ არ მიუღია გადაწყვეტილება იმის თაობაზე, სურს თუ არა ცენტრალური მცველის შეძენა კვირის ბოლომდე.

მიუხედავად იმისა, რომ 1978-79 წლების სეზონის შემდეგ "იუნაიტედს" ყველაზე ცუდი დაცვითი მაჩვენებელი ჰქონდა პრემიერ ლიგაში, კლუბის ხელმძღვანელობა ჯერ კიდევ ვერ თანხმდება იმაზე, არის თუ არა საჭირო დაცვის ცენტრალურ ხაზში რევოლუცია.

"იუნაიტედმა" რამდენიმე მცველის ხელმისაწვდომობა შეამოწმა, მაგრამ წარმომადგენლებს აცნობა, რომ ჯერ კიდევ არ მიღებული კონკრეტული გადაწყვეტილებები იმის საფუძველზე, რაც გასულ წელს ჟოზე მოურინიოს სურდა.

მარტში "იუნაიტედში" მისულმა ახალმა მწვრთნელმა ოლე გუნარ სოლსკიაერმა ჩათვალა, რომ ცენტრალური დაცვის ხაზი არ არის ისეთი სუსტი, როგორც მოურინიო ფიქრობდა და ამის ნაცვლად მათ მარჯვენა მცველის შეძენა ამჯობინეს. ამ მიზანს კლუბმა უკვე მიაღწია და აარონ ვან-ბისაკას შეძენას მალე ოფიციალურად გამოაცხადებს, რის შემდეგაც ნახევარმცველის ტრანსფერზე გადაერთვება.

მიუხედავად იმისა, რომ ცენტრალური მცველების მაღალი დონე საეჭვოა, სოლსკიაერი წინასასეზონო ტურნეზე ავსტრალიაში ექვს მცველს წაიყვანს მომდევნო კვირაში.

ფილ ჯონსი, კრის სმოლინგი, ვიქტორ ლინდელოფი და მარკოს როხო ფიზიკურად მზად არიან ახალი მზადების პროცესისთვის, ერიკ ბაიი კი ტრავმის მოშუშების შემდეგ ხელახლა იკრებს ძალებს ახალი სეზონისთვის.

21 წლის აქსელ ტუანზებე "ასტონ ვილაში" იჯარის ყოფნიდან დაბრუნდა და სოლსკიაერის გუნდში თავის დამკვიდრების იმედი აქვს.

2006 წელს ნემანია ვიდიჩის გადაბირების შემდეგ "იუნაიტედის" რიგებში მხოლოდ ხუთი ცენტრალური მცველი გადავიდა და მათი საერთო ღირევბულება 103.4 მლნ. ფუნტი იყო.

წყარო: M.E.N.