შაბათს გამართულ შეხვედრაში , ''მანჩესტერ იუნაიტედმა'' სტუმრად ლონდონის ''არსენალი'' დაამარცხა. ''იუნაიტედიდან'' დუბლი შეასრულა ლინგარდმა, ხოლო 1 გოლის გატანა მოახერხა ანტონიო ვალენსიამ. მეორე ნახევარში უხეშობისთვის მსაჯმა მოედნიდან პოლ პოგბა გააძევა. საბოლოოდ მატჩი ანგარიშით 1–3 დასრულდა, მანჩესტერელთა გამარჯვებით. შეხვედრა გამოდგა განსაკუთრებულად ლამაზი და დაძაბული. აღსანიშნავია დავიდ დე ხეას ბრწყინვალე ფორმა, მან 12 სეივი განახორციელა და უდავოდ საუკეთესო იყო ''იუნაიტედის'' რიგებში. მატჩის შემდეგ ჟოზე მოურინიომ ჟურნალისტებთან კომენტარი გააკეთა.

დიდებული წარმოდგენა
''ვფიქრობ, ეს იყო ფენომენალური მატჩი. ჩემი გუნდი კარგად თამაშობდა და ბოლომდე იბრძოდა, თუმცა არსენალს ჰქონდა პერიოდები, სადაც საუკეთესო სანახაობას გვთავაზობდა და საოცარი შემტევი ფეხბურთით სირთულეებს გვიქმნიდა. ჩემმა ფეხბურთელებმა დაიმსახურეს საუკეთესო სიტყვები. ეს იყო საოცარი, ფენომენალური, ფანტასტიური და რაც მთავარია დამსახურებული 3 ქულა.''

რა იყო გეგმა?
''გეგმა იყო ასეთი, დაიჭერდა თუარა არსენალი ბურთს ჩვენ ყველა უნდა ჩავსულიყავით დაცვაში, დაწყებული შემტევი ფეხბურთელებიდან, ხოლო, როდესაც ჩვენ გვექნებოდა ბურთი, კონტრ–შეტევაზე შეგვეტია სწრაფად და გვეცადა გოლების გატანა, რაც გამოგვივიდა. რა თქმა უნდა ისინი იტყვიან, რომ გაანიავეს ბევრი შანსი, მაგრამ ასეთი შანსები ჩვენც გვქონდა. ჩვენ მოვარტყით ბურთი ძელს, ვერ გამოიყენა თავის მომენტი რომელუ ლუკაკუმაც. ვიბრძოლეთ, გვყავს შესანიშნავი მეკარე და ვფიქრობ დავიმსახურეთ გამარჯვება.''

პოგბას წითელი
''არ ვიცი, თქვენთვის მომინდია იყო თუ არა. ასევე, თქვენთვის მომინდია ლუკაკუს ეპიზოდი, როდესაც კოშელნიმ წააქცია. თქვენ გიტოვებთ არსენალსაც, რადგან მე უკვე შემდეგი მეტოქისთვის ვემზადები.''

მატიჩის თამაში საეჭვო იყო, თუმცა მან 90 წუთი ითამაშა.
''დიახ მას ჰქონდა მიკრო ტრამვა და მან შესანიშნავი სამუშაო გასწია ბოლო დღეებში. აღსანიშნავია სამედიცინო პერსონალი, რომელმაც კარგად იმუშავა და მისი სასტარტო თერთმეტეულში დაყენება შესაძლებელი გახადა. ასევე მსურს აღვნიშნო, არსენალის სამედიცინო პერსონალი, რადგან ლაკაზეტზე ყველამ ვიცოდით, რომ ვერ შეძლებდა თამაშს, მან კი 90 წუთი დაჰყო მოედანზე.''

კომფორტული გამარჯვება 10 კაცით დარჩენის შემდეგ
''ფეხბურთელები გაიზარდნენ პროფესიული თვალსაზრისით. მათ გააანალიზეს თამაში უკეთ და სწორად შეაფასეს შექმნილი სიტუაცია. მნიშვნელოვანი იყო ზონების გადაკეტვა და ამის შემდეგ, რაიმის შექმნაზეც შეიძლებოდა ფიქრი. ზონები გადავკეტეთ და თავს კომფორტულად ვგრძნობდით, ამის შემდეგ იყო ის რაც ვთქვი, ლუკაკუს და კოშელნის მომენტი, სადაც იგი მეკარესთან პირისპირ რჩებოდა, ეპიზოდის განხილვა კი თქვენთვის მომინდია.''–განაცხადა მოურინიომ.

შემდეგ ტურში ''იუნაიტედი'' თანაქალაქელ ''მანჩესტერ სიტის'' უმასპინძლებს. შეგახსენებთ, რომ დერბიში მონაწილეობას ვერ მიიღებს პოლ პოგბა, მას ''არსენალთან'' მიღებული წითელი ბარათის გამო 3 მატჩიანი დისკვალიფიკაცია აქვს.

წყარო:http://www.manutd.com