ანტონი მარსიალიანტონი მარსიალი ინგლისურმა პრესამ ლონდონის "არსენალს" დაუკავშირა. Mail Online -ის განცხადებით ლონდონური კლუბი მზადაა ფრანგის შესაძენად, ოღონდ იმ შემთხვევაში თუ მათ კილიან მბაპეს ტრანსფერი ჩაეშლებათ.
ალბათ დაგვეთანხმებით რომ Mail Online -მა საკმაოდ კარგად იხუმრა...
ხამეს როდრიგეზიხამეს როდრიგეზი და "მანჩესტერ იუნაიტედი" შეთანხმდნენ. Diario Gol -ის თანახმად კოლუმბიელმა პირადი კონტრაქტის დეტალები უკვე შეათანხმა ინგლისელებთან. "რეალი" მზადაა როდრიგეზი £61.6 მილიონის სანაცვლოდ გაუშვას.
ჰარი კეინიჰარი კეინის "იუნაიტედთან" დაკავშირება ალბათ დროის საკითხი იყო და ეს დროც როგორც ჩანს მოვიდა. Sunday Mirror -ის ინფორმაციით მოურინიომ უკვე დაავალა ედვარდ ვუდვორდს ინგლისელის მოყვანა. "მანჩესტერი" მზადაა კეინი სარეკორდო თანხად შეიძინოს.
ნემანია მატიჩიM.E.N -ის შემდეგ უკვე ESPN -იც იტყობინება, რომ ნემანია მატიჩი კარიერას "მანჩესტერ იუნაიტედში" გააგრძელებს. გამოცემის ინფორმაციით სერბი "იუნაიტედს" მომავალ კვირაში უნდა შეუერთდეს.
ფედერიკო ბერნარდესკიიტალიური Mediaset -ის თანახმად "იუნაიტედის" რადარზე კიდევ ერთი ახალგაზრდა იტალიელია. ფედერიკო ბერნარდესკი პერიშიჩის ალტერნატივად განიხილება და იმ შემთხვევაში თუ ინგლისური კლუბი ვერ მოახერხებს ხორვატის გადმობირებას ისინი სწორედ ბერნარდესკიზე გადაერთვებიან. "იუნაიტედს" მის შესაძენად €55 მილიონის გადახდა მოუწევს.
რაჯა ნაინგოლანითუ იტალიურ II Tempo -ს დავუჯერებთ "მანჩესტერ იუნაიტედმა" რაჯა ნაინგოლანთან პირადი კონტრაქტის დეტალები უკვე შეათანხმა. ფეხბურთელი მანჩესტერში გადასვლით €7.5 მილიონს გამოიმუშავებს.
ნელსონ სამედონელსონ სამედო კვლავ "იუნაიტედის" რადარზეა. როგორც ჩანს მანჩესტერს მართლაც სერიოზულად აქვს გადაწყვეტილი მისი შეძენა. O Jogo -ს თანახმად ინგლისელებმა "ბენფიკას" სამედოს სანაცვლოდ €35 მილიონი უკვე შესთავაზეს, მაგრამ "ბენფიკა" ეს შეთავაზება უარით გაისტუმრეს რადგანაც მათ ფეხბურთელში €50 მილიონის მიღება სურთ.
გარეტ ბეილიგარეტ ბეილის მომავალი სპორტულმა მედიამ კვლავ დაუკავშირა "იუნაიტედს". რამდენიმე გამოცემა ავრცელებს ინფრომაციას ბეილის მანჩესტერში ტრანსფერის თაობაზე. მათგან ერთ-ერთია ბრიტანული Guardian,რომლის თანახმადაც გარეტ ბეილი ახალ სეზონს "იუნაიტედთან" ერთად დაიწყებს.
