"როსტოვი" - "მანჩესტერ იუნაიტედი"(პრევიუ)

სტადიონი: "ოლიმპ 2", როსტოვი
მონაცემი: ევროპა ლიგა. 1/8 ფინალი. 1-ლი მატჩი
თარიღი: ხუთშაბათი, 9 მარტი, 2017
მთავარი მსაჯი: ფელიქს ცვაიერი (გერმანია)
მატჩის დასაწყისი: 22:00, (ჩვენი დროით)

"მანჩესტერ იუნაიტედი", რომელსაც არასდროს მოუგია ევროპა ლიგა/UEFA-ს თასი, სტუმრად ეწვევა "როსტოვს", რომელიც პირველად თამაშობს ევროტურნირების შემოდგომის ეტაპზე.



გუნდები აქამდე არასდროს შეხვედრილან UEFA-ს ტურნირის ეგიდით. "როსტოვი" პირველად ეთამაშება ინგლისურ კლუბს.

"იუნაიტედის" მიერ რუსული გუნდების წინააღმდეგ ჩატარებული ცხრა მატჩის შედეგი ასეთია: მ2 ფ6 წ1 (მ1 ფ3 "ოლდ ტრაფორდზე", მ1 ფ3 სტუმრად). ერადერთი მარცხი რუსულ კლუბთან "იუნაიტედმა" 2008 წელს ნეიტრალურ მოედანზე, მონაკოში განიცადა, როცა უეფა-ს სუპერთასის მატჩი "ზენიტთან" წააგო. ორმატჩიან დუელში კი "იუნაიტედი" მოსკოვის "ტორპედოსა" და "როტოს" ჰყავთ დამარცხებული.

ფაქტები გუნდების შესახებ

"როსტოვმა" ბოლო შვიდი საშინაო მატჩიდან მხოლოდ 1 წააგო (მ3 ფ3 წ1). რუსებს ერთადერთი მარცხი "ატლეტიკომ" მიაყენა, როცა ჩემპიონთა ლიგის ჯგუფურ ეტაპზე მინიმალური სხვაობით დაამარცხა.

"იუნაიტედი" მე-11 კლუბია, რომელმაც ევროპა ლიგის ზედიზედ 4 მატჩში მოახერხა კარის "მშრალად" შენახვა. მხოლოდ ერთ-ერთმა მათგანმა - "ნაპოლიმ" - შეძლო ასეთი მატჩების ხუთამდე აყვანა.

"როსტოვი" პირველად მონაწილეობს ევროთასების შემოდგომის ეტაპზე. ჩემპიონთა ლიგის ჩათვლით რუსები მე-13 მატჩს ჩაატარებენ ევროტურნირის მიმდინარე სეზონში, რომელიც უკვე გამოდგა კლუბის ისტორიაში ყველაზე ხანგრძლივი.

"მანჩესტერ იუნაიტედი" 1/8 ფიანლში 2015/16 წლების სეზონშიც გავიდა, მაგრამ უეფა-ს თასი/ევროპა ლიგა - ერთადერთია იმ სამ დიდ ევროპულ ტურნირებს შორის, რომელიც "იუნაიტედს" ჯერ კიდევ არ მოუგია. "წითელმა" ეშმაკებმა სამჯერ მოიგეს ჩემპიონთა თასი/ჩემპიონთა ლიგა (1968, 1999, 2008), 1991 წელს კი თასების მფლობელთა თასი აღმართა.

"იუნაიტედის" საუკეთესო შედეგი უეფა-ს თასზე/ევროპა ლიგაზე - მეოთხედფინალია. ამ ეტაპზე 1984/85 წლებში "ეშმაკები" "ვიდეოთონთან" პენალტების სერიაში დამარცხდნენ.



მანჩესტერიდან როსტოვამდე მანძილი დაახლოებით 3000 კილომეტრს შეადგენს.

პოლ პოგბა მოედანზე გასვლის შემთხვევაში 50-ე მატჩს ჩაატარებს ევროტურნირებზე. ფრანგ ნახევარმცველს 15 მარტს - საპასუხო მატჩამდე ერთი დღით ადრე - 24 წელი შეუსრულდება.

ზლატან იბრაჰიმოვიჩი ტურნირზე მოასპარეზე 12 შვედს შორის ერთ-ერთია, რომელსაც მშობლიური ქვეყნის დედაქალქში, სტოქჰოლმში "ფრენდს არენაზე" გასამართ ფინალში მონაწილეობის შანსი აქვს.

"როსტოვის" თავდამსხმელი მარკო დევიჩი და "იუნაიტედის" შემტევი ნახევარმცველი ჰენრიხ მხითარიანი 2012/13 წლებში ერთად თამაშობდნენ დონეცკის "შახტიორში".

"როსტოვის" ნახევარმცველი კრისტიან ნობოა და "იუნაიტედის" მცველი ანტონიო ვალენსია - ეკვადორის ნაკრებში პარტნიორები არიან.

"იუნაიტედის" მცველი მარკოს როხო 2011/12 წლებში რუსეთის ჩემპიონატში მოსკოვის "სპარტაკის" შემადგენლობაში თამაშობდა.

"მანჩესტერ იუნაიტედი" და "ანდერლეხტი" - ორადორი შემორჩენილი გუნდია, რომლებიც გასული სეზონის 1/8 ფინალშიც თამაშობდნენ.

გუნდების მწვრთნელები

ჟოზე მოურინიომ "იუნაიტედი" გასულ ზაფხულს ჩაიბარა. პორტუგალიელმა "პორტუ" უეფა-ს თასისა და ჩემპიონთა ლიგის გამარჯვებული გახადა, მოგვიანებით კი ეს უკანასკნელი ტურნირი "ინტერთან" ერთად მოიგო. მოურინიო ორჯერ გახდა "ჩელსის" მთავარი მწვრთნელი და ამ პერიოდში სამჯერ მოიგო პრემიერ ლიგა.

ამ ტურნირზე მოურინიო უკანასკნელად 2002/03 წლებში მონაწილეობდა. მაშინ მისმა "პორტუმ" უეფა-ს თასის ფინალში "სელტიკს" 3:2 სძლია.

ივან დანილიანცმა "როსტოვი" 2016 წლის სექტემბერში ჩაიბარა, გუნდის სამწვრთნელო შტაბში კი 2014 წლიდან მუშაობს. ფეხბურთელობის ჟამს თურქმენეთში და მოლდოვაში თამაშობდა. "როსტოვში" მისვლამდე მან ამავე ქვეყნის ნაკრები და რამდენიმე კლუბი გაწვრთნა.

გუნდების ბოლო შედეგები თავიანთი ქვეყნების ჩემპიონატში:

04.03.2017. "მანჩესტერ იუნაიტედი" - "ბორნმუთი" 1-1 (როხო 23' - კინგი 40 (პენალტი))

"მანჩესტერ იუნაიტედი": დე ხეა, ვალენსია, ჯონსი, როხო, შოუ (რეშფორდი 70), კერიკი (ფელაინი 70), პოგბა, მატა, რუნი (ლინგარდი 70), მარსიალი, იბრაჰიმოვიჩი.

მდგომარეობა ჩემპიონატში: მე-6 ადგილი, 49 ქულა.

03.03.2017. "ტომი" -"როსტოვი" 0-6 (ბუხაროვი 17, 45, დევიჩი 69, ეროჰინი 78, აზმუნი 80, 90)

"როსტოვი": მედვედევი, კალაჩევი, მევლია, ნავასი, გრანატი, კუდრიაშოვი, გაცკანი (პრეპელიცზე 79), ნობოა (მოგილევეცი 60), ეროჰინი, აზმუნი, ბუხაროვი (დევიჩი, 61).

მდგომარეობა ჩემპიონატში: მე-5 ადგილი, 28 ქულა