"მანჩესტერ იუნაიტედი" სულ უფრო უახლოვდება ზაფხულში ანტუან გრიზმანის გადაბირებას, რისთვისაც მორიგი სატრანსფერო რეკორდის დამყარება მოუწევს.

ფრანგისა და ინგლისური კლუბის წარმომადგენლები რამდენიმე თვეა აწარმოებენ მოლაპარაკებას და 2016 წლის ევროპის ჩემპიონატის საუკეთესო ბომბარდირი "ოლდ ტრაფორდზე" გადასვლის სურვილს გამოთქვამს, სადაც პოლ პოგბასთან გაერთიანების საშუალება ექნება. ნებისმიერი შესაძლო შეთანხმების დეტალები უკვე დადასტურებულია, მათ შორის, გრიზმანის ხელფასიც და სათამაშო ნომერიც.

"იუნაიტედი" "ატლეტიკოს" ყოველგვარი წინააღმდეგობის გარეშე გადაუხდის 100 მლნ. ევროს - გრიზმანის კონტრაქტში შეტანილ გამოსასყიდ თანხას. თუმცა, "ატლეტიკოს" პრობლემას ის წარმოადგენს, რომ სატრანსფერო აკრძალვის მოლოდინშია და ჯერ კიდევ ელოდება სასამართო არბიტრაჟის გადაწყვეტილებას, რომელმაც უნდა დაადგინოს, შეძლებენ თუ არა მადრიდელები ახალი ფეხბურთელის გადაბირებას, რაზე დაფუძნებითაც კლუბის ხელმძღვანელობა გადაწყვეტს, უღირს თუ არა ლიდერებთან განშორება.

თუკი პასუხი იქნება, "დიახ", "ატლეტიკო" დიეგო კოშტას კანდიდატურას მიუბრუნდება, რომელსაც გრიზმანის პოტენციურ შემცვლელად მოიაზრებს.

წყარო: independent