სტადიონი: "ოლდ ტრაფორდი", მანჩესტერი მონაცემი: ინგლისის პრემიერ ლიგა, 21-ე ტური თარიღი: კვირა, 25 იანვარი, 2017 წელი მთავარი მსაჯი: მაიკლ ოლივერი მატჩის დასაწყისი: 20:00, (ჩვენი დროით)
ჟოზე მოურინიოს იმედი აქვს, რომ ზლატან იბრაჰიმოვიჩი და მარკოს როხო მოედანზე კვირას დაუბრუნდებიან. შვედმა ფორვარდმა ლიგის თასის მატჩი გაციების გამო გამოტოვა, ხოლო არგენტინელმა მცველმა "რედინგთან" ინგლისის თასის მატჩზე მიიღო ტრავმა. ერიკ ბაიი კვლავ მიუწვდომელია, რადგან თავისი ქვეყნის ნაკრებს ეხმარება აფრიკის თასზე.
იურგენ კლოპს იმედი აქვს, რომ ჯორდან ჰენდერსონი და ფილიპ კოუტინიო თამაშს შეძლებენ. ასევე იმედოვნებს, რომ შემადგენლობას დაუბრუნდება მცველი ჟოელ მატიპიც. ჰენდერსონმა "ლივერპულის" ბოლო სამი მატჩი ქუსლთან დაკავშირებული პრობლემების გამო გამოტოვა, ხოლო მატიპმა ერთი თვე გამოტოვა ტრავმის გამო. მძიმე ტრავმის მოშუშების შემდეგ ფლეიმეიქერი ფილიპ კოუტინიო პირველად შეიძლება გამოჩნდეს სასტარტო შემადგენლობაში.
"მანჩესტერ იუნაიტედი"
მე-6 ადგილი, 39 ქულა
ბოლო ხუთი შეხვედრა: მ-მ-მ-მ-მ
"მანჩესტერ იუნაიტედმა" ყველა ტურნირზე ჩატარებული ბოლო 9 მატჩი მოიგო, 2009 წლის იანვარი-თებერვლის პერიოდში ნაჩვენები 11-მატჩიანი გამარჯვებათა სერიის შემდეგ ეს საუკეთესო გამარჯვებათა სერიაა.
2013 წლის იანვარი-მარტის პერიოდში პრემიერ ლიგაში მოპოვებული ზედიზედ 7 გამარჯვების შემდეგ "წითელ ეშმაკებს" შეუძლიათ პირველად მოიპოვონ ამავე რაოდენობის გამარჯვება ზედიზედ.
"ლივერპული"
მე-2 ადგილი, 44 ქულა
ბოლო ხუთი შეხვედრა: მ-მ-მ-მ-ფ
ამ მატჩში გამარჯვება "ლივერპულს" 21 ტურის შემდეგ სარეკორდო 47 ქულის აღების საშუალებას მისცემს. მანამდე მათ მიერ დაგროვილი ქულათა მაქსიმუმი 46 ქულას შეადგენდა და ის 2008/09 წლების სეზონით თარიღდება.
2016 წლის თებერვლის შემდეგ "ლივერპულმა" პირველად ვერ მოახერხა გოლის გატანა ყველა ტურნირის ჩათვლით ჩატარებულ ზედიზედ ორ მატჩში. მაშინ ასეთი მატჩების რაოდენობა სამს აღწევდა.
იურგენ კლოპის გუნდი შესაძლოა, კალენდარული წლის საწყის 4 მატჩში გამარჯვების გარეშე 1993 წლის შემდეგ პირველად დარჩეს.
მიმდინარე სეზონში "ლივერპულმა" პრემიერ ლიგის მხოლოდ სამ გასვლით მატჩში მოახერხა კარის "მშრალად" შენახვა.
იურგენ კლოპი ჟოზე მოურინიოს გუნდებთან ჩატარებულ 6 მატჩში მხოლოდ ერთხელ დამარცხდა (3 მოგება, 2 ფრე, 1 წაგება). ეს ერთადერთი მარცხი კლოპის "ბორუსიამ" 2013 წლის ჩემპიონთა ლიგის მეორე ნახევარფინალურ მატჩში მადრიდის "რეალის" წინააღმდეგ განიცადა, ანგარიშით 2-0.
"მანჩესტერ იუნაიტედი"
წამყვანი ბომბარდირები: იბრაჰიმოვიჩი - 18 გოლი (13 ლიგაში)
უეინ რუნიმ "ოლდ ტრაფორდზე" პრემიერ ლიგის მატჩებში 100 გოლი გაიტანა. ერთადერთი ფეხბურთელი, რომელმაც ერთ სტადიონზე გატანილი გოლების რაოდენობით 100-ს გადააჭარბა, "არსენალის" ყოფილი მოთამაშე ტიერი ანრია, რომელმაც "ჰაიბერიზე" 114 გოლის გატანა მოახერხა.
"მანჩესტერ იუნაიტედის" კაპიტან უეინ რუნის კიდევ 1 გოლის გატანა სჭირდება იმისათვის, რომ "მანჩესტერ იუნაიტედის" ყველა დროის საუკეთესო ბომბარდირი გახდეს.
თუ მოედანზე რუნი გავა, 21-ე ფეხბურთელი გახდება, რომელიც პრემიერ ლიგაში თავის 450-ე მატჩს ჩაატარებს.
ხუან მატამ "ლივერპულის" წინააღმდეგ პრემიერ ლიგაში ჩატარებულ ბოლო 4 მატჩში გატანილ 5 გოლში მიიღო მონაწილეობა (3 გოლი, 2 საგოლე გადაცემა)
ზლატან იბრაჰიმოვიჩმა "იუნაიტედის" მაისურით პრემიერ ლიგაში ჩატარებულ თავის 19 მატჩში 13 გოლი გაიტნა. ასეთივე მაჩვენებელი ჰქონდათ დუაით იორკსა და რობინ ვან პერსის. მხოლოდ რუუდ ვან ნისტელროიმ შეძლო უფრო მეტი გოლის გატანა - 15 გოლი 19 მატჩში.
ამ გუნდებს შორის მატჩში მხოლოდ სტივენ ჯერარდს აქვს უფრო მეტი გოლი გატანილი (8), ვიდრე უეინ რუნისა და რობი ფაულერს (6-6).
"ლივერპული"
წამყვანი ბომბარდირები: მანე - 9 გოლი (9 ლიგაში).
ადამ ლალანამ მიმდინარე სეზონში "ლივერპულის" მიერ გატანილ 14 გოლში მიიღო მონაწილეობა (7 გოლი, 7 საგოლე გადაცემა). ეს მეტია, ვიდრე ნებისმიერი ინგლისელი ფეხბურთელის შედეგი.
აფრიკის თასზე წასულმა სადიო მანემ "ლივერპულის" 13 გოლში მიიღო მონაწილეობა - 9 გოლი, 4 საგოლე გადაცემა
ურთიერთშეხვედრები
გუნდები ერთმანეთს ყველა ტურნირზე 197-ჯერ შეხვდნენ. "იუნაიტედმა" გამარჯვება 79 შეხვედრაში იზეიმა, "ლივერპულმა" 65-ში, ხოლო 53 მატჩი ფრედ დასრულდა.
ეს 50-ე დაპირისპირება იქნება პრემიერ ლიგაში. სხვა არცერთი გუნდი არ შეხვედრია პრემიერ ლიგაში ერთმანეთს უფრო ხშირად. წინა 49 მატჩიდან "იუნაიტედმა" 27 მოიგო, "ლივერპულმა" 13, 9 მატჩი ფრედ დასრულდა.
"ლივერპულმა" პრემიერ ლიგაში "ოლდ ტრაფორდზე" ჩატარებული ბოლო 14 მატჩიდან 11 წააგო.
"ლივერპული" "იუნაიტედთან" ინგლისის ჩემპიონატში 67-ჯერ დამარცხდა - მეტი, ვიდრე ნებისმიერ სხვა გუნდთან.
მიმდინარე სეზონის პირველ წრეში "ენფილდზე" ჩატარებულ მატჩში "მანჩესტერ იუნაიტედი" ბურთს სათამაშო დროის 35% ფლობდა - ეს კლუბის მიერ ყველაზე დაბალი მაჩვენებელია პრემიერ ლიგაში, მას შემდეგ, რაც 2003/04 წლების სეზონიდან სტატისტიკის აღრიცხვა მიმდინარეობს.
მიმდინარე სეზონის პირველ წრეში ამ გუნდებს შორის მატჩი უგოლო ფრით დასრულდა. ერთადერთი შემთხვევა ინგლისის ჩემპიონატში, როცა მათ შორის სეზონის არცერთ მატჩში არ გასულა გოლი, 1919/1920 წლების სეზონი იყო.
ამ გუნდებს შორის პრემიერ ლიგაში ჩატარებულ მატჩებში მსაჯებმა 16-ჯერ გააძევეს ფეხბურთელი. მხოლოდ "ლივერპულისა" და "ევერტონის" შეხვედრაში აძევებდნენ ფეხბურთელს უფრო ხშირად (21 გაძევება).