უკვე თვეზე მეტია რაც ფრანგი სუპერვარსკვლავი "იუნაიტედის" რიგებში ირიცხება თუმცა გულშემატკივრებს მისი საუკეთესო თამაში ჯერ არ უნახავთ. ჯეისონ ბარტონი ამ პრობლემას თავისებურად ხსნის.
პოგბას პრობლემა შემდეგშია, როცა ხმამაღალ განცხადებებს აკეთებ, მას უნდა შეესაბამებოდე კიდეც. ყოველ შემთხვევაში ის ზლატანის თანაკლუბელია და ამას მალე გაიგებს.
გადავიდა რა მანჩესტერში პოლ პოგბა ფეხბურთის ისტორიაში ყველაზე ძვირადღირებული ფეხბურთელი გახდა. რეპერ შტორმზთან გადაღებული კლიპით პოგბა გულშემატკივრებს შოუმენად მოევლინა. ჩემი აზრით სწორედ ახლაა შესაფერისი დრო შოუს დასადგმელად.
"იუვენტუსთან" დამღლელი სეზონის შემდეგ მან ევროპის ჩემპიონატზე ითამაშა და შემდეგ იყო ის ხანგრძლივი საგა და არდადეგები ამერიკაში. როდესაც მანჩესტერში გადმოვიდა ყველა გააოცა თავისი ფიზიკური მონაცემებით, რადგან მას ფაქტობრივად არ ჰქონდა ნავარჯიშები. სწორედ ამიტომ გადაწყვიტა ჟოზემ რომ პოგბა მზად იყო მთელი 90 წუთის სათამაშოდ და ეს ასეც მოხდა, სადებიუტო მატჩში "საუთჰემპტონთან" ფრანგმა მთელი ორი ტაიმი ითამაშა.
ამგვარად ყველაზე ძვირადღირებული ფეხბურთელი "რინგზე" მაშინვე იქნა შეშვებული. უნდა ითქვას რომ მან ყველაფერი კარგად დაიწყო, დებიუტი შესანიშნავი გამოვიდა. პოგბა იყო ბოლო იმ 4 მოთამაშიდან, რომლის შეძენაც მოურინიომ ვუდვორდს დაავალა. ასევე მოურინიოს თქმით პოგბა იყო სწორედ ის ფეხბურთელი, რომელიც "იუნაიტედს" კვლავ "ააფრთიანებდა".
მიუხედავად იმისა, რომ პოგბას ყველას და ასევე საკუთარი თავის გაკვირვება სურდა, მას აკლდა ორგანიზაცია, როგორც თქვა პოლ სქოულზმა "ფეინოორდთან" მატჩის შემდეგ.
ეს იყო ზედიზედ მეორე ჩავარდნილი მატჩი, ყველაფერი კი დერბიდან დაიწყო. ძნელია იმის თქმა რომ პოგბას ჩავარდნა აქვს, მე მჯერავს რომ პოგბა არის ფეხბურთელი,რომელსაც ელიტაში ყოფნა უპირველესად ფეხბურთის და არა მარკეტინგული ღირებულებების გამო სურს, მაგრამ ასეთი ფეხბურთელის ორი ჩაგდებული მატჩი ყველას მოხვდებოდა თვალში და ეს ასეც იყო. მესიმ,რონალდუმ,იბრამ ეს კარგად იციან.
პრობლემა იმაშია რომ მოურინიო ვერ იყენებს მის უძლიერეს მხარეებს, 4–2–3–1 იდეალურია მწვრთნელისთვის, მაგრამ არა ფეხბურთელისთვის.
ჩვენ ხომ ეს უკვე ვნახეთ ? დიახ, ჩვენ ეს ევროპის ჩემპიონატზე ვნახეთ. დეშამმა ასევე ითამაშა 4–2–3–1 ფორმაციით ცენტრში მატიუდისა და პოგბას წყვილით, მაგრამ მან პოგბასგან სარგებელი ვერ მიიღო და ეს მისი დანაშაულია.
"იუნაიტედში" პოგბა კვლავ ამ პოზიციაზე თამაშობს, ამჯერად მისი მეწყვილე ფელაინია. "ფეინოორდთან" მან "ათიანზე" ითამაშა, პოზიციაზე რომელიც ჩემი აზრით მისთვის იდეალური არაა.
პოგბამ სახელი იტალიაში თამაშით გაითქვა. ის "იუვენტუსში" 4–3–3 წყობაში თამაშობდა, რომელიც მისთვის ყველაზე ეფექტურია. მას გვერდით ჰყავდა პირლო, რომელიც პლეიმეიქერი იყო და ვიდალი, რომელიც აზღვევდა და სივრცეს უთავისუფლებდა. პოგბამ შეიძინა ახალი თვისებები, ფიზიკურმა სიძლიერემ და არაჩვეულებრივმა დრიბლინგმა ის კლასიკურ "ბოქს–თუ–ბოქს" პოზიციის მოთამაშედ ჩამოაყალიბა.
ის არაა დაცვითი ტიპის ფეხბურთელი, ან ფეხბურთელი რომელიც მოედნის სიღრმიდან გრძელი პასით დაიწყებს გუნდის შეტევას. სქოულზი მართალი იყო, ამ პოზიციებზე მას არა საკმარისი დისციპლინა გააჩნია.
ყველაფერი ეს ნიშნავს იმას, რომ თამაშის ასეთი ხედვით მოურინიო მისგან ვერ მიიღებს მაქსიმუმს. პოგბას სასარგებლოდ უნდა ითქვას რომ ის მოედანზე არაა იმით დაკავებული, რაც ყველაზე კარგად გამოსდის.
სქოულზმა ჩვენ მოდრიჩი და კროოსი შემოგვთავაზა, მისი აზრით სწორედ ეს ფეხბურთელები დაეხმარებიან მას "გახსნაში". მიჰყიდის კი "რეალი" რომელი ამ ფეხბურთელს "იუნაიტედს" ? არამგონია, არ დაგვავიწყდეს რომ მანჩესტერმა სწორედ პოგბა წაართვა "რეალს" და მთელი საფეხბურთო სამყაროს თვალწინ რეპუტაცია შეულახა.
მოურინიოს ჰყავს ფელაინი,ერერა,შნეიდერლინი, მაგრამ ისინი არ არის იმ ტიპის ფეხბურთელები, რომლებიც პოგბას რეალურად დაეხმარებიან, ისე როგორც ამას მოდრიჩი ან კროოსი შეძლებდა. გვყავს ქერიქი, რომელიც ალბათ მართლაც შეძლებდა ამ პრობლემის მოგვარებას, მაგრამ ის უკვე 35 წლისაა, თუმცა სქოულზმა მისი სახელიც ახსენა.
"იუნაიტედმა" რაღაც უნდა შეცვალოს. ვერავინ დააყენებს ეჭვქვეშ პოგბას შესაძლებლობებს. მივდივართ იმისკენ, რომ მოურინიომ უნდა შეცვალოს სქემა, სხვა შემთხვევაში შეიძინოს ფეხბურთელი, რომელიც რეალურად დაეხმარება ფრანგს საკუთარი თავის საუკეთესოდ წარმოჩენაში.
წყარო:
The Telegraph