საფეხბურთო გულშემატკივარმა კვლავ წამოჭრა თემა რუნის სათადარიგოთა სკამზე გადანაცვლების ან უბრალოდ კლუბიდან გაშვების შესახებ. ჟოზე მოურინიოს გუნდმა ზედიზედ სამი მატჩი წააგო, მათგან ერთ-ერთი "უოტფორდთან", სადაც რუნი მატჩის იმედგაცრუებად დასახელდა. თუ უეინი პრემიერ ლიგის მომდევნო შეხვედრას "ლესტერთან" ძირითადში არ დაიწყებს, მოურინიოს დიდი არჩევანი ექნება ახალი ფორმაციის წარმოსადგენად.
მატა ცენტრშიხუან მატას კარიერაში საუკეთესო სეზონი ჰქონდა "ჩელსიში", როცა ის 10-იანის პოზიციაზე თამაშობდა, მაგრამ "იუნაიტედში" ამ პოზიციაზე რუნი დახვდა, თავად კი ფლანგი დაიკავა. დევიდ მოიესისთვისაც და ვან გაალისთვისაც, უეინის თავდამსხმელების უკან თამაში თითქმის ყოველთვის უკეთესი ვარიანტი იყო, ვიდრე მატასი. რა შემადგენლობა შეიძლება ვიხილოთ მისი არყოფნის და 4-2-3-1 ფორმაციის შემთხვევაში:
ადგილი ერერასთვისერერამ სეზონი ძირითად გუნდში დაიწყო, მაგრამ პოგბას ტრანსფერმა მისი სათადარიგოთა სკამზე გადანაცვლება გამოიწვია. სარეკორდო თანხის გადახდის შემდეგ, მოურინიო პოგბას უნდობლობას ნამდვილად არ აპირებს, მაგრამ რუნის არყოფნის შემთხვევაში, ანდერისთვის ადგილი ჩნდება. ესპანელ ფეხბურთელს შეუძლია როგორც ნახევარდაცვაში ღრმად უკან ჩაწევა, ასევე შეტევაში თამაში.
4-4-2როგორც წესი, კარიერაში, მოურინიო 4-4-2-ით თამაშობდა. ეს ზლატანს რეშფორდთან ან მარსიალთან დუეტის შექმნის შესაძლებლობას მისცემს, ამასთან, თავდასხმის დუეტს მხარს მატა დაუჭერს, ნახევარდაცვას კი პოგბა და ერერა გაამაგრებენ. ვალენსიას და შოუს, როგორც წესი, შეტევაში ფლანგებიდან ჩართვა არ უნდა გაუჭირდეთ.
წყარო:
M.E.N.