ჰოლანდიის ეროვნული ნაკრების მთავარი მწვრთნელი, იმისდა მიუხედავად, რომ სულ მალე მსოფლიო ჩემპიონატი იწყება, ყოველ დღე უკავშირდება "მანჩესტერ იუნაიტედში" მის მთავარ დამხმარე რაიან გიგზს და აღამსრულებელ დირექტორ - ედ ვუდვორდს ტრანსფერების შესახებ.

როგორც გამოცემა Daily Mirror გვამცნობს, 62 წლის სპეციალისტი იმედოვნებს, რომ მსოფლიო ჩემპიონატის დასრულების შემდეგ, როდესაც ვან გაალი უკვე მანჩესტერში ჩავა, კლუბის ხელმძღვანელობა დიდ წარმატებას მიაღწევს ტრანსფერების მხრივ.

ლუი ვან გაალის ერთ-ერთი სატრანსფერო მიზანი ამ ზაფხულისთვის "ბაიერნის" შემტევი ნახევარმცველი - ტომას მიულერია. მოსალოდნელია, რომ "იუნაიტედი" მალე შესთავაზებს გერმანულ კლუბს 25 მილიონს, რათა ფეხბურთელი იყიდონ.

დინჯად, მაგრამ დამაჯერებლად მიიწევს წინ "იუნაიტედი" "საუტჰემპტონის" მარცხენა მცველი - ლუკ შოუს შეძენაშიც. "წმინდანებმა" ჯერ კიდევ ვერ მოძებნეს ახალი მწვრთნელი, რაც ძალიან აჭიანურებს ტრანსფერს.

Daily Mail ცნობით, ვან გაალს ასევე სურს შეიძინოს დროტმუნდის "ბორუსიას" მცველი მატს ჰუმელსი და "ბაიერნის" კიდევ ერთი ნახევარმცველი ბასტიან შვაინშტაიგერი. მოსალოდნელია, რომ "იუნაიტედი" ამ ზაფხულში 100 მილიონზე მეტს დახარჯავს.

ასევე ვან გაალი მზად არის, "იუნაიტედის" აკადემიის აღმზრდელის შეგირდები - ტომ ლოურენსი, ჯეიმს ვილსონი და მაიკლ კინიც მიიწვიოს პირველ გუნდში. შეგახსენებთ, რომ ლუორენსმა და ვილსონმა უკვე ითამაშეს "იუნაიტედის" პირველ გუნდში.

წყარო:http://fapl.ru