უეინ რუნიმ საბოლოოდ დაუკავშირა თავისი მომავალი "მანჩესტერ იუნაიტედს", მას შემდეგ რაც სულ ცოტა ხნის წინ ხელი მოაწერა ოთხწლიან კონრტრაქტს, რომლის გათვალისწინებითაც ის კლუბში 2019 წლამდე დარჩება. საფეხბურთო კარიერის დასრულების შემდეგ კი უეინი "მანჩესტერის" ელჩი გახდება.

28 წლის ფორვარდი, "იუნაიტედში" "ევერტონიდან" გადმოვიდა 2004 წლის აგვისტოში. სულ ჩატარებული აქვს 430 მატჩი წითლების მაისურით და გატანილი აქვს 208 გოლი. ეს შედეგი კი მას მეოთხე ადგილზე აყენებს ბომბარდირებს შორის ჯეკ როულის (211), დენის ლოუ (237) და ბობი ჩარლტონის (249) შემდეგ.

"უეინი ინგლისის საუკეთესო ფეხბურთელი გახდა მას შემდეგ, რაც მე დავაყენე ის ძირითადში 2003 წელს. ხოლოს მას შემდეგ, რაც მე გავხდი "იუნაიტედის" მწრთვნელი, ხელახლა მქონდა იმის ბედნიერება, რომ მასთან მემუშავა. მე კიდევ უფრო უკეთ დავინახე თუ როგორ განვითარდა ის და როგორ გადაიქცა უფრო და უფრო დაუჯერებელ ტალანტად. მისი უნარებით, მისი გამოცდილებითა თუ მიზანდასახულობით, ის ჩვენთვის სასიცოცხლო მნიშვნელობის ფიგურაა და დარწმუნებული ვარ მომავალშიც დიდ როლს შეასრულებს "იუნაიტედის" ისტორიაში."-აცხადებს დევიდ მოიესი.

"მე გასულ ივლისს განვაცხადე, რომ უეინს ნამდვილად აქვს ნადმვილ ლეგენდად გადაქცევის შანსი, ისეთი მდიდარი და დიდი კლუბის ისტორიაში, როგორიც "იუნაიტედია". მას მხოლოდ 42 გოლი აკლია სერ ბობი ჩარლტონისთვის გადასწრებისთვის და მე დარწმუნებული ვარ, რომ უეინი იქნება ჩვენი პირველი ბომბარდირი ისტორიაში, 250 გოლით. ის უნარები რაც უეინს გააჩნია, მხოლოდ განსაკუთრებულებს აქვთ და სრულიად დარწმუნებული ვარ იმაში, რომ რუნი ახალ რეკორდს მოხსნის. ეს ყველაფერი კი ძალიან ამაღელვებელია."-დაასრულა "იუნაიტედის" თავკაცმა.

ManUtd.com