დღეს უეინ რუნის აგენტი დახურულ კარს მიღმა შეხვდა "მანჩესტერ იუნაიტედის" აღმასრულებელ დირექტორს ედ ვუდვორდს, რათა განიხილონ ინგლისელი თავდამსხმელის ახალი კონტრაქტი.

რუნით, რომელსაც კონტრაქტი 18 თვეში უმთავრდება, აქტიურად არის დაინტერესებული უამრავი გუნდი, მათ შორის არიან "რეალ მადრიდი" და "ჩელსი".

ფეხბურთელის აგენტი პოლ სტრეტფორდი ოთხშაბათს იმყოფებოდა კარინგტონზე, დღეს კი ის კიდევ ერთხელ ეწვია გუნდის სავარჯიშო ბაზას.




"იუნაიტედი" არ აპირებს ინგლისელის გაყიდვას არანირი ფასის სანაცვლოდ, მიუხედავად იმისა, რომ მისით ძალიან აქტიურად ინტერესდება "რეალ მადრიდის" მთავარი მწვრთნელი კარლო ანჩელოტი და ინგლისში დაბრუნებული ჟოზე მაურინიო.

ცოტა ხნის წინ მაურინიომ განაცხადა, რომ უეინ რუნი აუცილებლად დატოვებდა "მანჩესტერ იუნაიტედს" ზაფხულში, თუმცა მოიესმა ეს ინფორმაცია უარყო.

როგორც მოგეხსენებათ, გუშინ "მანჩესტერ იუნაიტედი" პენლების სერიაში დამარცხდა "სანდერლედთან". თუმცა ამ მატჩის შედეგით გამოწვეული მწუხარება გაათანაბრა ხუან მატას ტრანსფერმა, რომელიც ხუთშაბათს კარინგტონს ეწვია.

ხუან მატა "იუნაიტედს" კლუბისთვის სარეკორდო თანხა დაუჯდა.

დღეს მატა გაივლის სამედიცინო შემოწმებას "ბრიჯუოთერის" ჰოსპიტალში და საბოლოოდ ჩაირიცხება "იუნაიტედში", სარეკორდო თანხის სანაცვლოდ.

ეს ტრანსფერი "იუნაიტედის" ლეგენდის, გარი ნევილის ყურადღების ქვეშაც მოექცა, რომელმაც განაცხადა, რომ მატა არ ჯდება "მანჩესტერ იუნაიტედის" ტიპიურ ფილოსოფიაში. თუმცა დაამატა, რომ მის მოსვლას შესაძლოა ძალიან კარგი შედეგი ჰქონდეს გუნდისთვის.

წყარო: DailyMail