თბილისი:
მანჩესტერი:
27-10-2012, 16:05
ავტორი: DimaSanaia,
ნანახია: 2294,
კომენტარები: 16
ვარსკვლავების ჯახი !
ამ კვირაში ფეხბურთის მოყვარულთათვის ნამდვილი ზეიმია, "ჩელსისა" და "მანჩესტერის" ფანებისთვის კი ნერვიულობის ნამდვილი პიკი. ხვალ, 28 ოქტომბერს ერთმანეთს ინგლისის ორი საუკეთესო კლუბი უპირისპირდება ერთმანეთს. გთავაზობთ სტატიას, სადაც აღწერილი იქნება თუ რას უნდა ველოდოთ ორი უძლიერესი კლუბის შერკინებისგან.
ვარსკვლავების ჯახი !
უკვე ორ თვეზე მეტია რაც პრემიერ ლიგის 2012/13 წლის სეზონმა აიღო სტარტი და 8 ჩატარებული მატჩის შემდეგ უკვე გამოიკვეთა ლიდერები, რომლებიც აუცილებლად იბრძოლებენ ინგლისის ყველაზე პრესტიჟული თასის მოსაგებად. ესენია - "მანჩეტსერ იუნაიტედი", "ჩელსი" და "მანჩესტერ სიტი". მათ შორის გამორჩეული პირველი ორი კლუბია, რადგან მათ უკვე დაამტკიცეს, რომ მსოფლიოში ერთ-ერთი უძლიერესი შემადგენლობა ჰყავთ. სეზონის დაწყებამდე ორივე კლუბმა საკმაოდ ხმაურიანი ტრანსფერები განახორციელეს და საგრძნობლად გააძლიერეს შეტევის ხაზი. "იუნაიტედმა" ნამდვილი გოლის მანქანა და გამორჩეული ნახევარმცველი - ჰოლანდიელი რობინ ვან პერსი და იაპონელი შინჯი კაგავა შეძინა, ხოლო "ჩელსიმ" ერთ-ერთი საუკეთესო ახალგაზრდა ვინგერი და ნახევარმცველი - ბელგიელი ედენ ჰაზარდი და ბრაზილიელი ოსკარი დაიმატა.

ზემოთ ხსენებული ტრანსფერები ორივე კლუბისთვის წარმატების მომტანი აღმოჩნდა, რაც ნათლად აისახება ჩატარებული მატჩების სტატისტიკაში. რა საკვრიველია, ეს ფაქტორი კიდევ უფრო აძლიერებს ამ ორი კლუბის ურთიერთშეხვედრის მიმართ ყურადღებასა და დაძაბულობას, თუმცა აქვე უნდა აღინიშნოს, რომ ამ დერბის ინტერესი არასოდეს აკლდა.

"ჩელსიმ" წლევანდელ სეზონში რვა ჩატარებული მატჩიდან შვიდი მოიგო, ხოლო ერთი ყაიმით დაასრულა, რაც თითქმის 100%-იან შედეგს უდრის. "იუნაიტედმა" კი ამდენივე შეხვედრაში ექვსი გამარჯვებით დაასრულა, ხოლო ორი მარცხით. შედეგად ლონდონელებს 22 ქულა დაუგროვდათ, მანკუნიანელებს კი 18. ამ მაჩვენებლით თუ ვიმსჯელებთ ხვალინდელ მატჩში უპირატესობა "ჩელსის" მხარესაა, მაგრამ საქმე ასე მარტივადაც არაა. პრემიერ ლიგა ერთადერთი ტურნირია სადაც სტატისტიკა მეორეხარისხოვანია ნებისმიერ მატჩში, მიუთემეტეს, რომ ერთმანეთს ორი უდიდესი კლუბი უპირისპირდება. აქედან გამომდინარე შეუძლებელია დაასახელო ხვალინდელი მატჩის ზუსტი შედეგი. ერთადერთი რაც წინასწარ შეგვიძლია ვთქვათ ისაა, რომ ყველაფერი მოდენაზე გადაწყდება.

გამარჯვების რესურსი

გამარჯვების მოსაპოვებლად პირველ რიგში საჭიროა რესურსი, რომელიც წარმატებას მოგიტანს. ეხლა რომ განვიხილავდეთ "იუნაიტედისა" და სხვა ნებისმიერი საშუალო დონის გუნდის შეხვედრას, ვიტყოდით, რომ რესურსით "მანჩესტერს" აქვს უპირატესობა, მაგრამ ამ შემთხვევაში საქმე ამ კომპონენტშიც კი რთულადაა.

"ჩელსის" შემადგენლობა დაკომპლექტებულია მსოფლიო კლასის ფეხბურთელებით, რომლებიც თავიანთ პოზიციაზე მსოფლიოში ერთ-ერთ საუკეთესოდ განიხილებიან. მაგალითად ავიღოთ მეკარე პეტერ ჩეხი, რომელიც უკვე რამდენიმე წელია სტაბილურად და დამაჯერებლად იცავს ლონდონელების კარს. შემდეგ ავიღოთ ჯონ ტერი, რომელიც გუნდის ნამდვილი ლიდერია და მართლაც შესანიშნავი მცველია. გავაგრძელოთ ივანოვიჩით - ეს არის ფეხბურთელი, რომელსაც აქვს გამორჩეული ინსტიქტები. ამ ფეხბურთელის ბოლომდე შესწავლა დღემდე ვერ მოხერხდა, რადგან არავინ იცის როდის რას შემოგვთავაზებს. როგორც წესი, ამ ფეხბურთელს გრანდებთან თამაში შესანიშნავად გამოსდის. ყურადღების ღირსია კეჰილისა და ლუიზის დუეტი, რადგან ეს ორი ფეხბურთელი დაცვის ცენტრში საკმაოდ დამაჯერებლად თამაშობენ. ნახევარდაცვაში ხვალინდელ მატჩში "ჩელსის" პატარა პრობლემა შეექმნა, რადგან ფრენკ ლამპარდი ტრავმის გამო გამოტოვებს დერბის, თუმცა დარწმუნებული ვარ ედენ ჰაზარდი და მისი მეწყვილეები არ მისცემენ "იუნაიტედის" ფეხბურთელებს მოდუნების უფლებას. ბოლოს კი ფერნანდო ტორესი, რომელმაც თავისი გულისამრევი თამაში ბოლო დროს საოცრად გამოასწორა და გუნდის ერთ-ერთი ლიდერი გახდა. ფაქტია, მისი სისწრაფე და გოლის ალღო ბევრ პრობლემას შეუქმნის "იუნაიტედის" დაცვას.

"ჩელსის" დამატებითი რესურსი "სტემფორდ ბრიჯის" ბოლომდე გავსებული არენა იქნება, რომელიც შეძლების და გვარად ეცდება გავლენა მოახდინოს "წითელი ეშმაკუნების" ფსიქოლოგიაზე და ხმაურიანი შეძახილებითა და "ჩელსის" გამამხნევებელი სიმღერებით დათრგუნოს სერ ალექს ფერგიუსონის ფეხბურთელები.

"მანჩესტერ იუნაიტედის" რესურსი არაფრით ჩამოუვარდება ლონდონელებისას. "წითლების" კარებს დავიდ დე ჰეა დაიცავს, რომელიც მეორე წელია ღირსეულად დგას "წითელი არმიელების" კარის დარაჯად. რა საკვირველია, ესპანელ კიპერს პეტერ ჩეხის მწვერვალებამდე ჯერ კიდევ ბევრი აკლია, მაგრამ უნდა აღინიშნოს, რომ სათამაშო კლასითა და მონდომებით დე ჰეა არ ჩამოუვარდება მის ოპონენტს. ჩვენ კარგად გვახსოვს დე ჰეას გამაოგნებელი თამაში "ჩელსისთან", რომელიც წინა წლის თებერვალში შედგა, ასე რომ "იუნაიტედი" ამ მხრივ თავს დაჩაგრულად არ იგრძნობს. დაცვაში "წითლებს" დააკლდებათ სერბი ნემანია ვიდიჩი, რომელიც საკმაოდ სერიოზული დანაკლისია "ეშმაკუნებისთვის". სერბთან ერთად "იუნაიტედს" აკლია ახალგაზრდა , პერსპექტიული ფილ ჯონსი და კრის სმოლინგი. შესაბამისად ამ დანაკლისს უკვე საკმაოდ გამოცდილი ჯონი ევანსი შეავსებს რიო ფერდინანდთან ერთად. მარჯვნიდან და მარცხნიდან რაფაელი და ევრა შეეცდებიან მეტოქის შეტევების ჩაშლასა და სიტუაციის განეიტრალებას. რაფაელი ბოლო წლების განმავლობაში საკმაოდ დაიხვეწა, ის დაემსგავსა თანამედროვე მარჯვენა მცველს, რომელსაც თანაბრად შეუძლია შეტევის წამოწყება, შეტევაში ჩართვა და ამავდროულად საკუთარი პოზიციის ღირსეულად დაცვა. მისი პროფესიონალიზმი საგრძნობლად გაიზარადა. პატრის ევრამ მიმდინარე სეზონში რამდენიმე არადამაჯერებელი თამაში ჩაატარა და გულშემატკივრების ნდობაც შეირყა, მაგრამ საბედნიეროდ უკანასკნელ მატჩებში დაუბრუნდა მის ჩვეულ კონდიციებს. ნახევარდაცვაში "ჩელსის" მსგავსად "იუნაიტედსაც" აქვს პრობლემა. "წითლებს" შინჯი კაგავა დააკლდებათ, თუმცა ვალენსია, გიგზი, იანგი, სქოულზი, ქლევერლი, ნანი - მათგან ოთხი საუკეთესო აუცილებლად შეუქმნის "ჩელსის" სერიოზულ პრობლემებს. "იუნაიტედის" თავდასხმა ნამდვილი ოაზისია სერ ალექს ფერგიუსონისთვის. ოთხი გამორჩეული თავდამსხმელი - რუნი, ვან პერსი, ველბექი და ჩიჩარიტო... მათგან ორი აუცილებლად იქნება ძირითად შემადგენლობაში და ეს ორი სავარაუდოდ რუნი და ვან პერსი იქნებიან. მათ სისწრაფეს და გოლის ალღოს ერთეული მცველები და მეკარეები თუ გაუძლებენ.

"იუანიტედს" ერთი ხელის შემშლელი ფაქტორი მისგან დამოუკიდებლად მაინც ექნება , რაზეც უკვე ვისაუბრე. "წითელ არმიელებს" საგრძნობლად დააკლდებათ 80 000 გაშმაგებული "იუნაიტედის" ფანების დამაყრუებელი ტაში და გამამხნევებელი ჰიმნები.

ტაქტიკოსების ბრძოლა

"ჩელსი" - "მანჩესტერი" შეუძლებელია წარმოვიდგინოთ, როგორც მხოლოდ ფეხბურთელების შეჯიბრება. ამ ბრძოლაში აუცილებლად თავს იჩენს ტაქტიკური მონახაზი, რომელიც გარდამტეხი იქნება მატჩის შედეგის. როდესაც გუნდს ჰყავს თანაბარი ძალის ფეხბურთელები, ამ დროს თამაშის მოგება მწვრთნელზეა დამოკიდებული.

ხვალ ჩვენ ვიხილავთ ლეგენდარული მწვრთნელის, სერ ალექს ფერგიუსონისა და დილეტანტი მენეჯერის, დი მატეოს ტაქტიკის შეჯიბრებას. რთული სათქმელია, რეალურად რომელი მწვრთნელი აჯობებს ერთმანეთს, თუმცა ფაქტია, რომ ხვალ დაძაბული, საინტერესო და ემოციებით სავსე მატჩი გველის.

სტატიის ავტორი : დიმა სანაია
სტატიები
16 კომენტარი
№11
ავტორი: GeorgeBest
27 ოქტომბერი 2012 18:33
  • სიახლეები: 1729
  • კომენტარები: 12134
საღოლ სანო! როგორც ყოველთვის ძალიან მაგარია good2

ხვალ დიდი დღეა! რამდენი ხანია ამ თამაშს ველოდები manunited
0
№12
ავტორი: Red Hooligan
27 ოქტომბერი 2012 19:39
  • სიახლეები: 268
  • კომენტარები: 1754
საღოლ ავტორ :) სხვალ ვიგებთ !
0
_ _ _ _ _ _ _ _ _ _ _ _ _ _ _ _ _ _ _ _ The Forgotten Winger.

SAF
№13
ავტორი: zauri7
27 ოქტომბერი 2012 20:29
  • სიახლეები: 3
  • კომენტარები: 125
საღოლ საღოლ ავტორ მაგარი სტატიაა hi2
0
№14
ავტორი: The Lucky One
27 ოქტომბერი 2012 20:35
  • სიახლეები: 3
  • კომენტარები: 132
მაგარია საღოლ
0
№15
ავტორი: uta devil
27 ოქტომბერი 2012 20:55
  • სიახლეები: 0
  • კომენტარები: 29
gaumarjos bichebs me axali maq da imedia kargi fexi meqneba
0
№16
ავტორი: Vodafone
27 ოქტომბერი 2012 22:03
  • სიახლეები: 486
  • კომენტარები: 1728
რამდენი ხანია არ მოგვიგია პრემიერ ლიგაში სტემფორდ ბრიჯზე, მოვიდა დროოო
0

ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.

ავტორიზაცია

მომდევნო მატჩები

შემოგვიერთდი

წინა მატჩები

პრემიერ ლიგა

ჩამოშლა

შემოგვიერთდი

ყველა უფლება დაცულია

© MANUTD.GE 2012

Top