გუშინ ოფიციალურად დადასტურდა,რომ მანჩესტერ იუნაიტედმა ატლეტიკო პენაროლიდან შეიძინა 20 წლის ურუგვაელი მარჯვენა მცველი გილერმო ვარელა,რომელიც გახდა მე-11 სამხრეთ ამერიკელი ფეხბურთელი,რომელიც წითელი ეშმაკების მაისურს მოირგებს.შეგახსენებთ,რომ ვარელამდე კლუბში თამაშობდა კიდევ ერთი ურუგვაელი დიეგო ფორლანი.ასევე ფორლანის გარდა იყვნენ არგენტინელებიც.სებასტიან ვერონი,რომელიც ფერგიუსონმა 2001 წელს შეიძინა,ასევე მცველი გაბრიელ ჰაინცე და თავდასმხმელი კარლოს ტევესი.

მანჩესტერ იუნაიტედში,რა თქმა უნდა,ბრაზილიელებიც არიან.2002 წლის მსოფლიო თასის მოგების შემდეგ,რომლის გამარჯვებულიც ბრაზილია გახდა,ფერგიუსონმა ბრაზილიელი კლებერსონი შეიძინა.სწორედ ეს უკანასკნელი იყო პირველი ბრაზილიელი წითელი ეშმაკების რიგებში.დღეს კი კლუბში 3 ბრაზილიელი ფეხბურთელია.ტყუპი ძმები რაფაელ და ფაბიო და სილვები,მესამე ბრაზილიელი კი "სამბას ვარსკვლავი" ოლივეირა ანდერსონია.

ურუგვაელების,ბრაზილიელებისა და არგენტინელების გარდა კლუბში სხვა სამხრეთ ამერიკის ქვეყნის წარმომადგენლები არიან.მაგალითად,ანტონიო ვალენსია ეკვადორის ნაკრების ღირსებას იცავს,ხოლო ახალგაზრდა,ნიჭიერი და იმედისმომცემი ანხელო ენრიკესი კი ჩილელი გახლავთ.

აქვე შემოგთავაზებთ ვიდეოს,სადაც ყველა ზემოთ ჩამოთვლილი ფეხბურთელის თამაშია ასახული მანჩესტერ იუნაიტედის მაისურით.