"მანჩესტერ იუნაიტედის" მთავარმა მწვრთნელმა სერ ალექს ფერგიუსონმა "ასტონ ვილასთან" მატჩის წინ წინასამატჩო პრესკონფერენცია გამართა.

შემადგენლობა
შოტლანდიელი სპეციალისტი სერ ალექს ფერგიუსონი მოხარულია იმით,რომ გუნდის არცერთ ფეხბურთელს ტრავმა არ მიუღია "ვესტ ჰემთან".მან განაცხადა,რომ ორშაბათს "ასტონ ვილასთან" მატჩს მისი გუნდი ძლიერი ძალებით შეხვდება.

"ვესტ ჰემთან" მატჩის შემდეგ ჩვენი რამდენიმე ფეხბურთელი ძლიერ იყო დაჟეჟილი,მაგალითად ნემანია ვიდიჩი,რომელმაც მცირე დაზიანები ენდი ქეროლთან შეჯახების დროს მიიღო,მაგრამ საბედნიეროდ არცერთ ჩვენს მოთამაშეს ტრავმა არ მიუღია,ასე,რომ ჩვენ შემდეგ მატჩს სრული ძალებით შევხვდებით.ოთხშაბათს "ვესტ ჰემთან" ჩვენ ძალიან რთული თამაში გვქონდა,იმის მიუხედავად,რომ ორჯერ ვაგებდით მაინც მოვახერხეთ ერთი ქულის აღება.ბოლო 20 წუთში ჩვენ გვქონდა გოლის გატანის საშუალება,მაგრამ სამწუხაროა,რომ ეს ვერ მოვახერხეთ." განაცხადა სერ ალექს ფერგიუსონმა.

მატჩების მნიშვნელობა
"წითელი ეშმაკების" თავკაცმა სერ ალექს ფერგიუსონმა განაცხადა,რომ პრემიერ ლიგის ბოლო მატჩები ყოველთვის მნიშნელოვანია,რადგან სწორედ ამ მატჩებით წყდება ბედი.

"ამ მომენტისთვის ყველა მატჩი ძალიან მნიშნელოვანია,რადგან მიმდინარე პრემიერ ლიგა დასასრულს მიუახლოვდა.ჩვენ მხოლოდ წარმატებაზე ვფიქრობ.იმედი მაქვს ჩვენ შევძლებთ "ასტონ ვილას" დამარცხებას."

უეინ რუნი
"პარის სენტ ჟერმინის" პრეზინდენტის მრჩეველმა მიშელ მოულინმა განაცხადა,რომ უეინ რუნი მომავალ წელს პარიზული კლუბის მაისურს მოირგებდა,მაგრამ სერ ალექს ფერგიუსონმა განაცხადა,რომ ამ ინფორმაციას არანაირი საფუძველი არ გააჩნია.

"არამგონია ამ ინფორმაციას რაიმე საფუძველი გააჩნდეს.ეს ყველაფერი უბრალოდ ჩვეულებრივი ჭორია."ვესტ ჰემთან" მატჩში მე გადავწყვიტე უეინ რუნის შეცვლა და მის მაგიურად შინჯი კაგავას მოედანზე დატოვება,რადგან კაგავა უფრო დამაჯერაბლად გამოიყურებოდა მოედანზე.იმის მიუხედავად,რომ უეინ რუნი ნამდვილად ვერ ატარებს საუკეთესოს სეზონს,იყო მატჩები,სადაც მან თავისი პროფესიონალიზმი გვაჩვენა."

შინჯი კაგავა
"ვესტ ჰემთან" მატჩში შინჯი კაგავას შეცვლა უფრო ადრე მინდოდა,მაგრამ მან ძალიან მომაწონა თავის მეორე გოლის ეპიზოდში.მე მინდოდა მის მაგიურად ჩიჩარიტოს შემოყვანა მოედანზე,რაც განვახორციელე კიდევ,ოღონდ ცოტათი გვიან.ჩიჩარიტო არის ისეთი ფეხბურთელი,რომელსაც შეუძლია ჩვეულებრივი მომენტიდან გოლი გაიტანოს,სწორედ ის გვჭირდებოდა ჩვენ მოედანზე,რაც შეეხება კაგავას მას ბრწყინვალე ბურთის ფლობის უნარი აქვს,შეუძლია სწრაფი გადაწყვეტილების მიღება და არის ძალიან ტექნიკური."

ეშლი იანგი
"მანჩესტერ იუნაიტედის" მთავარმა მწვრთნელმა სერ ალექს ფერგიუსონმა დაადასტურა ის ფაქტი,რომ "წითელი ეშმაკების" ინგლისელი ვინგერი ეშლი იანგი ტრავმის გამო მიმდინარე სეზონში ვეღარ ითამაშებს.

"სამწუხაროა,რომ ეშლი იანგი სეზონის ბოლომდე ვეღარ დაგვეხმარება.ეს ნამდვილად ცუდი ამბავია.თავიდან გვეგონა,რომ ის ორ-სამ კვირაში შეძლებდა გამომჯამრთელებას,მაგრამ ექიმებმა დაადასტურეს,რომ ის სეზონის ბოლომდე ვეღარ დაგვეხმარება."