ახლოვდება ზაფხული და ეს ის პერიოდია,როდესაც საფეხბურთო სამყაროში ნამდვილი ციებ-ცხელება მიმდინარეობს.ეს ის პერიოდია,როდესაც სატრანსფერო ფანჯარა გახსნილია და თითოეული კლუბი იბრძვის თავისი სასურველი ფეხბურთელისათვის.ამ სტატიაში შემოგთავაზებთ 5 ფეხბურთელს,რომლებიც ყველაზე მოთხოვნადია მანჩესტერ იუნაიტედის ფანებს შორის და რომლებმაც შესაძლოა ამ ზაფხულს „წითელი ეშმაკების“ მაისური მოირგოს...

5.ისკო (მალაგა,ესპანეთი)


ისკო იმ ფეხბურთელების სიაშია,რომელიც შესაძლოა მანჩესტერ იუნაიტედში ვიხილოთ შემდეგი სეზონიდან და ეს სავსებით შესაძლებელია თუ მანჩესტერ იუნაიტედმა მოისურვა ეს ტრანსფერი,რადგანაც მალაგადან იუნაიტედში გადასვლაზე არავინ იტყოდა უარს.ამ სეზონში ესპანელ შემტევ ნახევარმცველს ყველა სეზონში გატანილი აქვს 11 გოლი,ამ გოლებს შორისაა 3 ჩემპიონთა ლიგაზე გატანილი.ის ასევე იმ ფეხბურთელების რიცხვს ეკუთვნის,რომლებიც დღევანდელ ფეხბურთში იმედისმომცემნი გახლავთ.რამდენჯერმე გაჟღერდა პრესაში,რომ ისკო შესაძლოა იუნაიტედში აღმოჩენილიყო.ერთ-ერთმა ბრიტანულმა პრესამ Daily Star-მა კი განაცხადა გასულ წელს,რომ ისკო £16 მილიონად იუნაიტედი შეიძენდა ესპანელ შემტევს.ასევე ამ პრესაში გაჟღერდა,რომ სერ ალექს ფერგიუსონი ისკოში ხედავს ვეტერან ფეხბურთელის პოლ სკოულზის შემცვლელს.




4.გარეტ ბეილი(ტოტენჰემი,უელსი)


ფეხბურთელი,რომელიც სავარაუდოდ ამ საზაფხულო სანტრანსფერო ფანჯრის დროს ყველაზე მოთხოვნადი იქნება,რადგანაც ის შესანიშნავ სეზონს ატარებს და ერთ-ერთ საუკეთესოსას თავის კარიერაში.უელსელი ფეხბურთელისთვის ბრძოლაში ალბათ ფავორიტი მადრიდის რეალი იქნება,მაგრამ ამ უკანასკნელით ასევე მანჩესტერ იუნაიტედი ინტერესდება,რომელიც უკვე წლებია,რაც ამ ფეხბურთელისთვის იბრძვის,მაგრამ რამდენიმე დღის წინ გავრცელდა ინფორმაცია,რომ ტოტენჰემი მზადაა ბეილის შესანარჩუნებლად მას ხელფასი გაუორმაგოს.ასევე საგულისხმოა ის ფაქტიც,რომ „წითელი ეშმაკების“ გულშემატკივრებს ძალიან უნდათ ბეილი თავიანთ საყვარელ კლუბში იხილონ.არავინ იცის რა მოხდება მომავალში,მაგრამ არაა გამორიცხული უელსელმა წითელი ფორმა,რომ მოირგოს.ამ სეზონში გარეტ ბეილი რობინ ვან პერსისთან და ლუის სუარესთან ერთად ერთ-ერთი ფავორიტია ამ სეზონის პრემიერ ლიგის საუკეთესო ფეხბურთელის ჯილდოს მოგების.




3.კევინ სტროტმანი(პ.ს.ვ ; ჰოლანდია)


რა გასაკვირია თუ ამ სიაში პ.ს.ვ ეინდჰოვენის ნახევარმცველი კევინ სტროტმანი მოხვდა,რადგანაც ის ერთ-ერთი საუკეთესოა დღესდღეობით თავის პოზიციაზე და ამას მისი შესანიშნავი შეხვედრებიც მეტყველებს.იუნაიტედის გულშემატკივრების განცხადებით მას აქვს ყველა ის რეალური თვისება და აღნაგობა,რომელიც მანჩესტერ იუნაიტედის ნახევარდაცვას სჭირდება.ასევე თვითონ კლუბის მხვედველობის არედანაც არ გამქრალა ეს ფეხბურთელი,რადგანაც იუნაიტედით ამ უკანასკნელით რამდენი ხანია რაც დაინტერესებულია.დეკემბერში ბრიტანულმა გამომცემლობამ The Sun-მა განაცხადა,რომ სტროტმანი ერთ-ერთი მთავარი სამიზნე იყო „წითელი ეშმაკებისა“ და მეტიც თუ ამავე წყაროს ინფორმაციას დავეყრდნობით მაშინ იუნაიტედი და არსენალი მზადაა £17 მილიონიანი შეთავაზება გაუკეთოს პ.ს.ვ ეინდჰოვენს.ზაფხული მალე მოახლოვდება და ალბათ სერ ალექს მოუწევს მალე მიიღოს გადაწყვეტილება დარჩება თუ არა კევინი ისევ მანჩესტერის ერთ-ერთ მთავარ სამიზნე?!




2.ხამეს როდრიგესი(პორტუ;კოლუმბია)


რამდენიმე თვის უკან Daily Mail-მა განაცხადა,რომ მანჩესტერ იუნაიტედის სკაუტები დააკვირდნენ კოლუმბიერ ფეხბურთელს,რიუ ავესა და პორტუს შეხვედრაში.ამ უკანასკნელის სატრანსფერო თანხა კი £36 მილიონი გახლავთ.სწორედ ამ შეთავაზების შემდეგ განიხილავს კლუბი გადავა თუ არა როდრიგესი სხვა კლუბში.კოლუმბიელი შემტევი ნახევარმცველი იმედისმომცემ და პერსპექტიულ ფეხბურთელად არის შერაცხული და მას კარგ მომავალს უწინასწარმეტყველებენ.რობინ ვან პერსისა და უეინ რუნისთან ერთად როდირგესი ალბათ შესანიშნავ ტრიოს შექმნის მანჩესტერ იუნაიტედის შემადგენლობაში.ასევე ისიც უნდა ავღნიშნოთ,რომ კოლუმბიაში ხამესი უკვე შერაცხეს „ახალ კარლოს ვანეამად“.ევროპელებმა კი მას „სამხრეთ ამერიკელი კრისტიანო რონალდო“ და „ახალი ნანი“ უწოდეს.




1.კრისტიანო რონალდო(მადრიდის რეალი;პორტუგალია)


ფეხბურთელი,რომლის ტრანსფერიც ყველაზე ძალიან გაუხარდებათ იუნაიტედის გულშემატკივრებს ალბათ ბოლო მოვლენებიდან მაინც კრისტიანო რონალდოს მანჩესტერ იუნაიტედში ანუ „სახლში“ დაბრუნებაა.სწორედ ამ კლუბიდან გადავიდა ის 2009 წელს მადრიდის რეალში.ბოლო პერიოდში ძალიან ბევრი ჭორი გავრცელდა იმის შესახებ,რომ რონალდოს იუნაიტედში დაბრუნება სურს და სწორედ ამიტომაც ის არ აწერს ახალ კონტრატს ხელს რეალთან.ასევე დაიწერა ისიც,რომ იუნაიტედმა უკვე გაუკეთა რეალს შეთავაზება რონალდოსთან დაკავშირებით და მეტიც მანჩესტერ იუნაიტედის ერთ-ერთი სპონსორი „ნაიკი“ მზადაა დაეხმაროს კლუბს რონალდოს ტრანსფერის განხორციელებაში.მანჩესტერ იუნაიტედის ლეგენდამ სერ ბობი ჩარტონმა ერთ-ერთ ინტერვიუში განაცხადა,რომ რონალდო ოდესღაც აუცილებლად დაბრუნდება თავის „სახლში“.The Sun-თან ჩარტონმა განაცხადა:“მე ვარ მისი ფანი.მჯერა,რომ ის აუცილებლად დაბრუნდება იუნაიტედში“.ეს ყველაფერი ჯერ-ჯერობით ჭორის დონეზეა მაგრამ შეუძელებელი არაფერია!